(سـاعـة الـذكريات)
السلام عليكم ورحمة الله وبركاته اسعد الله اوقاتكم بكل خير جديدة اتمنى لها القبول [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] يا بحر لك من الهاجس سلام وتحيه=عد ماهز نسناسك شجون الهواوي وإن تسائلت عن حالي وما صار ليه=والله إني إلى هالحين قلبي شقاوي ضايق الصدر وهمومي توارد عليّه=مثل ورد الظوامي فوق عدٍ رهاوي الضماير من جروح الليالي مليّه=والطواري من الأيام سيلٍ نحاوي جيتك يسوقني شوق العيون الشقيّه=آتمشى مع العالم وكني خلاوي يا بحر عندك أسرار العلوم الخفيّه=يم شاطيك طاويني من الهم طاوي إيه أحبك وأحب الديره الساحليّه=لأجل ذكرى الليال الغاليه جيت ضاوي ذكرها أحلى شعور وجرحها أغلا هديّه=لا اجمل العمر ترجع بي وما كان حاوي ماضي العمر غير وخير ما فيه ضيّه=ضيّه اللي على المعلوق نجمٍ سماوي سلوتي فيه عشق وعشقي أكبرخطيّه=لآن الأطلال والذكرى كدر كل هاوي ساعة الذكريات أخطر من البندقيّه=تخلف الراي لو إنك من العقل راوي تدرج الفكر للماضي خليّه خليّه=يعرف أبعادها قلبٍ من الشوق ذاوي الهوى صدفته تبني صروحٍ قويّه=والغلا يبتدي نظره ويثّر بلاوي هكذا الحال من ماض العصور المديّه=ما تهيد الجروح ولا تفيد الرجاوي آه وآقلبي اللي ما بقى له بقيّه=من يقول القلوب إلها المحاني عراوي كم قلوبٍ غدت مدري خذتها البغيّه=مثل ما راح قلبي مع بعيد الخطاوي البعيد القريب اللي جروحه نديّه=اللطيف العفيف المستخيف السحاوي فيه لشعر ذوق ومنه لشوق كيّه=كيةٍ خافيه مافاد فيها المداوي لويطول الفراق أشواق الاعماق حيّه=ما تطيب الطعون ولا تخيب الهقاوي آتعمّق طيوفه وآتشفّق مجيّه=وأدري إنه على ما فات ما له حراوي ليت من يعرف أخباره وداره وحيّه=ويخبره عني إني للمواصل شفاوي ليه ما تنزل الدمعه ولا أصفق يديّه=كم لي أصبر وأنا ماني على الصبر قاوي لا تقولون مالك حق ولا خطيّه=إتركوني مع الذكرى والأحلام غاوي الحياة البسيطه والحياة الغنيّه=دون راحت ضمير الآدمي وش تساوي..؟ [/poem] |
الله الله الله
صح لسانك يا لباتع وبيض الله وجهك تحيتي |
اقتباس:
الله الله الله الله الله شاعر بما تعنييه الكلمه ياراشد قصيده مليانه وفيه من روح المحاوره على ماعتقد صح لسانك مدد تحياتي |
الله الله الله ابدعت ياراشد شاعر جزل ومبدع لاهنت وصح لسانك تقبل تحياتي |
،
راشد صح لسانك ، وسلمت يمينك ،، تح ـياتي لك |
مرحبا ياراشد
الله يحييك في مرقاب الجميع صح لسانك على هذا النص اللذي يحفز للمتابعه غيمار |
ساعة الذكريات أخطـر مـن البندقيّـه
تخلف الراي لو إنك مـن العقـل راوي ابييات جزلة وحضور يستحق الإشادة صح لسانك مدد ولا هنت يا راشد |
ماضي العمر غير وخير ما فيه ضيّه=ضيّه اللي على المعلوق نجمٍ سماوي
سلوتي فيه عشق وعشقي أكبرخطيّه=لآن الأطلال والذكرى كدر كل هاوي ساعة الذكريات أخطر من البندقيّه=تخلف الراي لو إنك من العقل راوي تدرج الفكر للماضي خليّه خليّه=يعرف أبعادها قلبٍ من الشوق ذاوي الهوى صدفته تبني صروحٍ قويّه=والغلا يبتدي نظره ويثّر بلاوي هكذا الحال من ماض العصور المديّه=ما تهيد الجروح ولا تفيد الرجاوي ]صح ألسانك وبيض الله وجهك اشهد أنك وفيت |
البعيـد القريـب اللـي جروحـه نديّـه
اللطيف العفيف المستخيـف السحـاوي فيه لشعـر ذوق ومنـه لشـوق كيّـه كيـةٍ خافيـه مافـاد فيهـا الـمـداوي لويطول الفراق أشواق الاعمـاق حيّـه ما تطيب الطعون ولا تخيـب الهقـاوي آتعمّـق طيوفـه وآتشـفّـق مجـيّـه وأدري إنه على ما فات ما له حـراوي ليت من يعـرف أخبـاره وداره وحيّـه ويخبره عني إنـي للمواصـل شفـاوي ليه ما تنزل الدمعـه ولا أصفـق يديّـه كم لي أصبر وأنا ماني على الصبر قاوي لا تقولـون مالـك حـق ولا خطـيّـه إتركوني مع الذكرى والأحـلام غـاوي الحيـاة البسيطـه والحـيـاة الغنـيّـه دون راحت ضمير الآدمي وش تساوي..؟ راشد فاروع الشعر الكبير الجزل العذب العملاق لله درك للأمانه أعجبتني جدا لاسيما البيوت الأخيره خاصة البيت اللي تقول الحياه البسيطه والحياه الغنيه=دون راحة ضمير الآدمي وش تساوي |
اقتباس:
صح الله بدنك ياسطان اسعدني مرورك لاهنت |
اقتباس:
المحاورة ماكفاها الوقت والهجد بتأثر على القصيد بعد مشكله يابندر:) صح الله بدنك يابندر واسعدني مرورك لاهنت |
ضايق الصدر وهمومـي تـوارد عليّـه
مثل ورد الظوامي فـوق عـدٍ رهـاوي ياحلو هالتصوووير حلواااه تبا الكلام الجد عزالله راقت لي هذه الابيات وبقووووه صح لساانك صح لساانك كل الود |
اقتباس:
صح الله بدنك ياماجد اسعدني مرورك لاهنت |
اقتباس:
صح الله بدنك يافهد اسعدني مرورك يالقرم تقبل جزيل التحايا |
اقتباس:
صح الله بدنك يانايف مرورك ومتابعتك شرف يالقرم |
اقتباس:
وافي يامحمد وصح الله بدنك اسعدني مرورك يالقرم |
اقتباس:
وجهك ابيض ياحسين وصح الله بدنك اسعدني مرورك لاهنت |
اقتباس:
الكبير الله سبحانه لاهنت على المرور واعجابك شرف ياخميس تقبل سلامي واحترامي لك |
هذا والله الشعر اللي على اصوله
وهذا والله القاف المحكوم صح لويطول الفراق أشواق الاعمـاق حيّـه ما تطيب الطعون ولا تخيـب الهقـاوي آتعمّـق طيوفـه وآتشـفّـق مجـيّـه وأدري إنه على ما فات ما له حـراوي ليت من يعـرف أخبـاره وداره وحيّـه ويخبره عني إنـي للمواصـل شفـاوي ليه ما تنزل الدمعـه ولا أصفـق يديّـه كم لي أصبر وأنا ماني على الصبر قاوي لله درك يا راشد الفاروع شاعر اطرب لما تقدم كثير صح لسانك مدد ،، |
اقتباس:
صح الله بدنك ياناصر اسعدني مرورك يالقرم |
راشد
صح الساااانك قصيدة شاعر ما شالله عليك |
صح لسانك
ياراشد , كل التقدير |
| جميع الأوقات بتوقيت GMT +3. الساعة الآن 09:54 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية