بيت الأميـر
 

السلام عليكم ورحمة الله
مشاركه بعد انقطاع
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قادني للقوافي دق سلك الحرير=وأسهرني بنات الفكر والنوم طار
كل ماجيت أبي حواه أكلها زهير=قلت أبي من طرفها قال جنب يسار
قلت يافكر حضر مثل نفح العبير=من قروح المثائل نادراتٍ خيار
هات لي في القصيده مثل بيت الأمير=بيت محسوب يبقى لي سنين وعمار
هات لي نص من نص الكتاب المنير=راح ليل الدجى وأقبل بياض النهار
كلمةٍ طيبه تبقى بيومٍ عسير=يوم غير العمل كلٍ تخلى وبار
النصيحه زمام ومبتدا كل خير=منهج المصطفى اللي مايشوبه غبار
يوم كلٍ يسلم للسميع البصير=فيه تحصى الصغائر والذنوب الكبار
السعيد البخيت اللي نصيبه كبير=فاز يوم العمل يوزن وجنه ونار
ومن يطيع الهوى والنفس يلقى سعير=خاب حظه وطاح وطيحته بانحدار
من تسمع يبا يسمع نعيق وصفير=جنبوا به عن الدرب المسانع جهار
حايدوا به عن المنهج لسوء المصير=والكريم التقي من كل سوءٍ مجار
وأنت يالشاعر اللي لك كلامٍ شهير=خل شعرك مفيد وطاعة الله شعار
انتبه لا تعوم بموج بحرٍ غزير=مع هبوب الصبا يلهيك لعب القمار
لا يفاجيك يومٍ للمسافر خطير=فيه ظلمىً مصايبها تقادح شرار
خل عندك على حفظ الأمانه ضمير=لا تطاوع هعدوك وارجمه بالجمار
ما يعيبك عن الداب العمى لو تنير=ساعة الخوف فيها الذيب يعط الفرار
لا تعد الليالي تحسب إنك صغير=ولا تشوف النذير وتحسب إنه وقار
قبلك الناس قالوا كل شئٍ يصير=والروايه صحيح وكل ماقيل صار
الخباله تقود الخبل قود البعير=للردى والحرار يورثون الحرار
ياصلاتي على الهادي البشير النذير=والسلام الختام ورفقة اللاش عار[/poem]

والسلام عليكم // هادي بن عايض بن شنيف الروقي

صح لسان
شاعرنا الكبير على هالنصيحه المفيده

اللهمّ صلّ وسلّم على نبينا محمد

هادي بن شنيف

شاعر كبير وفي غنى عن الشهاده
صحّ لسآنك
ومرحبا بعودتك

هادي

صح لسانك والله

شاعر مبدع ومتمكن

ونصيحه ثمينه جدا

تقديري لك

.

وعليكم السلام ورحمة الله

صح لسانك

إيضاح بيت الامير

اعتقد ان هذا البيت سقط سهواً اثناء كتابة القصيدة في المنتدى

بعد هذي البيت :

هات لي في القصيده مثل بيت الأمير = بيت محسوب يبقى لـي سنيـن وعمـار

والبيت الذي سقط سهواً هذا هو :

بيـت تركـي يكفّـي عن كلام كثير = ركعتـين ليا نـاموا قصار العمـار

وصح لسانك مرة ثانية

قادني للقوافـي دق سلـك الحريـر
وأسهرني بنات الفكر والنـوم طـار
كل ماجيت أبي حواه أكلهـا زهيـر
قلت أبي من طرفها قال جنب يسـار

صح لسانك يابن شنيف
شاعر متمكن

دمت بخير

صلى الله على محمد وعلى آله وصحبه وسلم
الشاعر هادي
صح لسانك على هالنصيحة القيّمة
تحياتي لك



محمد

الاخ والشاعر الكبير / ضيف الله بن سويلم
صح بدنك وشكرا على مرورك


أخوك / أبوسلمان

الله الله ..




مُبدع وقصيدة رائعة ..





..

صح لسانك ملايين على هذي القصيدة الجزلة
والنصيحة الجميلة
بارك الله فيك