الخايع الممطور
السلام عليكم
اليكم وبدون مقدمات عساها تجملني معكم وتشفع لي عن الغياب [frame="9 60"] الخايع الممطور ليا صرت من ضغط العمل يا ولد ممــــــــرور،،،،، ،،،،،وجوك مقفل من غثى الوقت وازعاجــــــــــه ولا من رفيق ٍلا استشرته يرد الشـــــــــــــــــــور،،،،، ،،،،،ترى ما يجي مثل التمشي ولا حاجــــــــــــــة ترى ماتبي وصفة معالج ولا دكتـــــــــــــــــــور ،،،،، ،،،،،ولو ان قلبك فيه تسعين دولاجـــــــــــــــــــــــة نصيحة تسج الرجل فالخايع الممطـــــــــــور ،،،،، ،،،،،علي الحرام انه دوا القلب واعلاجــــــــــــــه أخذ عزبتك فوق اشهب ٍتو جا بالــــــــــدور ،،،،، ،،،،،من البازعي توه مورد من انتــــــــــــــــــــاجه ودوّر على اللي دايماًخاطره مســــــــــــــــرور ،،،،، ،،،،،خوي السعد دايم وهو يضحك احجـــــاجه ولا تاقف الا في خلاً ما تشوف النــــــــــــــــور ،،،،، ،،،،،يكود البروق اللي مع الليل لعاجـــــــــــــــــة ولّع شليخ السمر وانحش عن الدافــــــــور ،،،،، ،،،،،الين الجمر يضوي مع الليل وهـــــــــــــــاجه وقرّب دلال ٍصفر في حكرها مخـــــــــــــــبور ،،،،، ،،،،،ليا شربها الظرمان ردت له امزاجـــــــــــــــــه وعلّق هريفيٍ قوامه ثلاث شهـــــــــــــــــــــــور ،،،،، ،،،،،لحمته طرية كنها قشطة التاجــــــــــــــــــــــــة واليا من تعشيت أحمد المعطي المشــكور ،،،،، ،،،،،آلهٍ بحكمه كل ضيقة لها افراجــــــــــــــــــــــة وإذازل ثلثين المسا قبل شق النــــــــــــــــور ،،،،، ،،،،،تسنن ترى السنة للأرواح بهاجــــــــــــــــــــــة جنّب مجالس ناقلين الحكي والــــــــــــزور ،،،،، ،،،،،مجالس نمايم كلها هرج هراجـــــــــــــــــــــة والا من رجعتوا بالسلامة بدون عثــــــــــــور ،،،،، ،،،،،لزوم الخوي يستر خويه بما واجــــــــــــــــــه تم الكلام وزبدة الهرج يا منصـــــــــــــــــــور ،،،،، ،،،،،ترى الرجل يعرِف قبل يدخل ابمخراجـه [/frame] وسلامة قلوبكم |
الله يزيّنها وتزين
ههههههه صح لسانك مدد والله ولاهنت تحيتي |
وولّع شليخ السمر وانحش عن الدافــــــــور ،،،،،
،،،،،الين الجمر يضوي مع الليل وهـــــــــــــــاجه وجنّب مجالس ناقلين الحكي والــــــــــــزور ،،،،، ،،،،،مجالس نمايم كلها هرج هراجـــــــــــــــــــــة وتم الكلام وزبدة الهرج يا منصـــــــــــــــــــور ،،،،، ،،،،،ترى الرجل يعرِف قبل يدخل ابمخراجـه محمد المغيره عيّشتنا الجو بالصوت والصوره ! صح لسانك |
اقتباس:
آمين يا رب آمين هههههههه صح بدنك ولاهنت تحياتي لك محمد |
. . محمد المغيره ياسلام عليك .. كلام سليم وقصيده كايف ياصديقي لله درك وصح لسانك ودي وتقديري . . |
. نص مُبهج في حضوره وفكرته ’ صحّ لسانك ع هذا الإبداع , ولاهنت يَ طيّب . |
:
وعليكم السلام ورحمة الله وبركاته أخي الكريم محمد سلم الرحمن قلبك وصح لسانك ولاهنت على الأبيات المميزة .. دمت بكل الخيـر .. |
صح لسانك يامحمد
كل الود |
صح السانك
يابو حميد والله لا يهينك تقبل مروري |
اقتباس:
مشرفنا الغالي/ أبو فواز صح بدنك لاهنت على التعقيب والملاحظة اللي يمكن أني أختلف معك فيها فالواو الثانية المضافة واو عطف .... كتابة وهي في الحقيقة واو أمر تنطق ولا تكتب!!!! والأفضل لغوياً كتابة ألف بهمزة مضمومة ولأن الشعر النبطي يعتمد على النطق بشكل كبير فقد أهملتها أتمنى أن تقبل ملاحظتي بصدر رحب كما عهدتك فالأختلاف في الرأي لا يفسد للود قضية دمت بود محبك ومتابعك بشغف محمد |
^
^ مرحبا ملايين يامحمد أنا أهتم بقراءة النصوص خصوصا لو كانت من نتاج من هم على شاكلتك من المبدعين ! لا أريد ان أشوّه متصفّحك بهذه المداخله ولكني أحببت أن أوضح لك نقطه مهمه انت أدرجت نص مقروء وليس مسموع لذلك عليك ان تتم شطر البيت ( بالألف أو بالواو ) حتى يكون الشطر سليماً وفي المقابل لو أهملت حرفاً لاينطق في البيت كـ ( وتم الكلام وزبدة الهرج يا منصـور ) تكون بذلك أصبت فأنت تكتب ماينطق فقط ولا غبار على ذلك ! أتمنى أن يتسع صدرك لمداخلتي .. |
صح لساااانك
قصيدة بكل صراحة دخلت معهاااا في جو بيض اللة وجهك |
http://www.mekshat.com/pix/upload03/...k66937_xxx.jpg
الله الله ترى جويّ مثل جووك نصيحة تسج الرجل فالخايع الممطـــــــــــور علي الحرام انه دوا القلب واعلاجــــــــــــــه عزالله ماكذبت صح لسانك صح لسانك كل الوود |
،
هذا والله الكلام ، وصفه مجربة الله يصح لسانك ، أبدعت الله لايضرك تح ـياتي لك |
اقتباس:
أرحب أرحب يابو فواز ما عليك زود يالذيب هكذا يكون الاشراف والا فلا!!!! أسعدتني جداً مداخلتك الا أنني كما ذكرت لم أكتب الا نصاً مقروءً فعندما يقرأ النص يستمع الآخرون سواء القاريء أو المستمع لذا يجب أن يكتب النص كما يقرأ أتمنى وضوح الفكرة ليس الا تحياتي لك وتمون تمون يا بوفواز لا عدمتك محمد |
[align=right]
ولا تاقف الا في خلاً ما تشوف النــــــــــــــــور ،،،،، ،،،،،يكود البروق اللي مع الليل لعاجـــــــــــــــــة ولّع شليخ السمر وانحش عن الدافــــــــور ،،،،، ،،،،،الين الجمر يضوي مع الليل وهـــــــــــــــاجه الله الله صح لسانك ولا هنت [/align] |
.
. كتبت وابدعت يا محمد .. صح لسانك ولاهنت تحياتي |
هذي وصفة طبيب يامحمد :)
صح لسانك وفكرك على القصيده الممميزة وسجل اعجاااب أخووك تحيتي لك ... |
وعليكم السلام والرحمه والإكرام .،
المغيره محمد الله لا يهينك على هالقصيده اللي تنعش الروح صح لسانك صح لسانك صح لسانك وكثر من السجات تكفى عشان تمتعنا بمثل هذا الجو :) تحياتي لك وسلامي عليك |
اقتباس:
أسعدني مرورك يابن عزام لا عدمتك صح بدنك يالقرم لك كل الود محمد |
صح لسانك يامحمد ابداع الله لا يعوقك
تحيتي |
اقتباس:
صح بدنك مير أشكرك على المتابعة والتعقيب تحياتي محمد |
| جميع الأوقات بتوقيت GMT +3. الساعة الآن 09:10 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية