(( .. كفوف الشقا .. ))
 

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
تضيق ياصدري ولا لك لو تضيق إلا الصبر=لو كان كبدي من تنهاتك قِطع معلوقها
أنا أدري إنك من قسى الدنيا وصدتها ضجر=لكن تعال وحسّب آهاتك وعد فروقها
من خلقت الدنيا وهي درس وتجاريب وعبر=يضفر بها الطيب وينجى والضعيف / يذوقها
وحنا خلقنا الله رجالٍ لـ .. المصامد والسطر=نعرف حقوق الله ونوفي لـ ..الرجال حقوقها
فـ ..لا يدنق للحمول إلا قويين الظهر=ناسٍ تقلطها فعايلها قبل منطوقها
وأنا نقيل الجرح وجروحي من الدنيا خضر=أضمّد جروحي من الصدة وأخيط فتوقها
البارحة ليلة هواجيسٍ مواريها قشر=أول ما سمت في عيوني وإستباحت موقها
وحدتني السجة على المسرى وخاويت السهر=والرجل تسبقني خطاويها ونوب أسوقها
أخيل براقٍ رعوده فـ .. أدهم الغيم تهدر=وقام يتكاشف في جبين الصوح / ضوح بروقها
وجلست أفكر بـ .. الزمن والوقت وأتعبت الفكر=وعوّدت بـ .. آفاتٍ كثيرة ما قدرت أحوقها
وأيقنت بإن الماضي إمن شهور وسنين العمر=عرقاً على كبدي مياسمها تخط حروقها
سبع العجاف إمن السنين اللي فهقناها دهر=والقاع يبست ما قطفنا من زهر زملوقها
أحوووه يافرقى خشير الرووح والفرقى قهر= إلى طرى لي شحت حظوظي علي بـوفوقها
ما أبطاه لو إن العهد به تو / ماتم الشهر= مدري متى شمسه على ليلي يبين شروقها
عزالله إن الغيبة اللي مايبررها عذر= غبينة توجع ونكسة حال يبطي عوقها
هذي الحياة وذي مقاسيم العباد إمن القدر=وحظوظ خلق الله تبيع وتشتري في سوقها
أحدٍ يموت و(( تحت الارض )) يحط في لحد القبر= وأحدٍ على كف الشقى ميت وقبره (( فوقها))
[/poem]

الله الله الله يافهد


اكتفيت شعراً وابداعاً هذه الليله


صح لسانك ياشاعر


أحدٍ يموت و(( تحت الارض )) يحط في لحد القبر
وأحدٍ على كف الشقى ميت وقبـره (( فوقهـا))

لله درك يااااخي

الله عليك .

فهد يعلم الله أني استمتع اذا قريت قصيدك

صح لسانك / صح لسانك / صح لسانك


لك مني كل الود يافهد

لله درّك يا فهد

شاعر مبدع وجزل وبدعك يهيّض الفكر

صح لسانك
صح لسانك
صح لسانك


الاعجاب مني والتحيه من القلب :)

أحدٍ يموت و(( تحت الارض )) يحط في لحد القبر
وأحدٍ على كف الشقى ميت وقبـره (( فوقهـا))

الله المستعان يالحبيب فهد

للشعر والمشاعر معك وجة كريم

Icon26

لله درك لله درك



صح لسانك يافهد


مبدع

،
مطر العازمي
الله يصح بدنك ويبيض وجهك
مرورك شرف لي ، لاهنت



تح ـياتي

،
محمد بن عون
الله يمتعك بـ الصحة والعافية وجعل أيامك سنين
صح بدنك ولاهنت ، مرورك أسعدني جداً .



تح ـياتي

،
مشخص السلمي

صح الله بدنك ، ومروك بحد ذاته شرف لي
شكراً من القلب لـ مرورك الكريم




تح ـياتي

أحدٍ يموت و(( تحت الارض )) يحط في لحد القبر
وأحدٍ على كف الشقى ميت وقبـره (( فوقهـا))

الله الله عليك يافهد
افكارك جديده ومعانيك بكر


/


لله درّك
الشهاده مجروحه
ولكن صح لسآنك مدد بلا عدد


/



تقديررري لك

الله الله الله الله

المبدع ( فهد الزعبي )

لا تكتب مقدمات اطلاقا لدررك اللي نسعد بها يعلم الله

فهي لا تحتاج لتقديم .. تتقدم بنفسها وبتميز بدعها المتقن ما شاء الله

عز الله انك شاعر مبدع و لك بصمة رائعه رائعه رائعه

صح لسانك وازادك الله من فضله ،،

..

سـبـع العـجـاف إمــن السنـيـن الـلــي فهقـنـاهـا دهـــر
.........والــقــاع يـبـســت مــــا قـطـفـنـا مــــن زهــــر زمـلـوقـهــا

صح السانك هذا الشعر الحقيقي

أحدٍ يموت و(( تحت الارض )) يحط في لحد القبر
,,,,,,,,,,,,,وأحــدٍ عـلـى كــف الشـقـى مـيــت وقـبــره (( فـوقـهـا))

ابداااااااااااااع تحياتي لك