ولازال الشعر يبكي
 

السلام عليكم ورحمة الله وبركاته


(مرثيتي الثانيه)



في أخي


مشعل النثري " رحمه الله "

المتوفى صباح الاربعاء 8/5/1431اثر حادث في مدينة ابوجلال

والذي لايتجاوز عمره السابعه عشر

رحمه الله رحمة ٍ واسعه



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
صباح الربوع اسود من الليل بآبوجلال=ولاهو صباحِ ٍ مثل ماهم يشوفونه
بعد ماشرقة شمسه خسف في سماه هلال=وقامت تهامى مزنة الدمع من دونه
عليه السلام ورحمة الله وطيب الفال=وغفران ٍ يغسله من الذنب ويصونه
انا ماحسب ٍ النجم أله فالثرى منزال=يالين اكشفو قبره وجونا يشيلونه
ألد النظر واقول في خاطري ياعيال=على الهون تكفون اركدو لاتحسونه
هذا اللي بتوديعه تزعزع كيان رجال=وهذا اللي عليه الدمع ماكفّت مزونه
غرير ٍ يادوبه حط غتره وحط عقال=ومارس هوياته وشغّل تليفونه
بعد موته قلبي لقرب المقابر مال=ويالف حكايا الموت للي يواسونه
اثر قسمي أمع الناس حزن ٍ يهد الحال=لكن ماعرفته لين قاموا يوارونه
من العزله انسى الناس لين انظر الازوال=ومن سكاتي انسى الحكي لين يتحاكونه
اسرّح مع السجات وابكي على الاطلال=وتكسرني عيون ٍ من الحزن مشحونه
وأدور رثا الشعار من ماضي الاجيال=وابى اللي يهيضني على الدمع بلحونه
واجي مدرسته الصبح ويسلني سلال=لاشفت اخوياه اللي يخاوونه بدونه
واجي للمجالس ودي اسلى على فنجال=واسج بمجالي عن مراد ٍ ماياعوونه
ادوّر طهر شكله مع زحمة الاشكال=وادوّر على صوته مع من يحالونه
اليامن حكيت يصير فــ بداية الاقوال=ولامن سكت ابغى المخاليق يطرونه
منول ليالينا تعاقب على منوال=وهالحين صارة كلها ليال مقرونه
لادكت هواجيس ٍ بصدري وليلي طال=وقام الدجى يعرض حياته على هونه
اجيله كسير النفس من غربتي رحال=وواقف على اطيب تربة ٍ ضمت كفونه
وتنساقبي حمى ٍ من الوجد والغربال=وانا كيف ماتعب واغلب الروح مدفونه
هنا .. كني اناجيه وسأل عن الاحوال=اقول انت وشلونك ومنزلك وشلونه
واخذ وقت مفجوع ٍ من سكاته ومهتال=ولولا سكاته قلت وشلون يبكونه
ماهي عادته يسفه اخوانه على اية حال=ولاهيب عاده يسفه اللي يحاكونه
وقف بينّا خمسة شبور وثلاث اقفال=لكن النجوم اقرب على اللي يناجونه
واعوّد وانا مكسور خاطر وحالي حال=اصارع هموم الوجد وآكابد طعونه
عنه ماعزلني قبر باكفان ولا رمال=ولايقدرون الناس عني يعزلونه
لانه بريضان الحشا حي لايزال=اشوفه واشوف اصحابه اللي يخاوونه
حفظته ضلوع ٍ تآلفه بالمقام العال=عروشه على قلبي والاضلاع يحمونه
الانسان ناقص بس ( مشعل ) بدون جدال=طلع نقصه بعمره وكامل بمضمونه
فجعنا الدهر بفراقه اللي ماجاء فالبال=وحمّل متون اخوه مالايطيقونه
عن اغفاية الاعيان الي خمس ست اليال=وانا اللي ماياجد غير ماترمش جفونه
اليا جيت ابآخذ لي غفايه على استعجال=صفق سيرها دمع ٍ عيوني يهادونه
وقام يحدر حتى سواد النواظر سال=وحوّل على خدي سواد ٍ على لونه
لكن العظيم اللي تعالا قدر وجلال=على كوكب الارض انتحرى مدد عونه
ياربي تعلي منزله وانته المتعال=وتجاوز عن ذنوب ٍ حملها على متونه
بما يضمره من حب ألك ولـ محمد وآل=محمد واصحابه ومن يتبعونه
وما ينطقه من دعوه تحارب الاضلال=ومايحفظ من آيات هديك بمكنونه
وتظله بظلك يوم مال المسئ ظلال=وتجبر عزا نفوس ٍ من الفقد محزونه
انا .. تحت شمس الضيقه اطوي سراب الال=ادوّر ربيع الفرحه اللي يقولونه
ماخفف بفقده عن خفوقي من الانكال=ياكود المقام اللي رفع عرشه ركونه
سمو سيدي لاعدّ فعله مع الافعال=لبس ثوب ٍ من العز ضافية ٍ ردونه
تنازل عن الجاني بعد دري بالجوال=على اول خبر موته ومرهم يفكونه
وقالو نبي تامين قال اكفله بالمال=و(فرّح) من (أدمى قلبه)و(حزّن عيونه)
وهي ساعة ٍ من شدها تخلف الرجال=طغى الطيب في صدره على باقي ظنونه
وتجمّل مع المطران في ساعة الاهوال=جميل ٍ من عتيبه وهم يستحقونه
فئذٍ المهادي قد ضرب اروع الامثال=أنا ابوي فعله فالجزيره يعدونه[/poem]

للايضاح

سمو سيدي المقصود به والدي الله يحفظه

اخـوكم


مشــــاري
النــــــــثري

ابو رفاعي


الله يرحم مشعل ويخلي لك والدك


قسم بالله انك حزنتنا معك قصيدتك مؤثره مؤثره جدا


مانقول غير صح لسانك حتى ترضى


والله يرحم مشعل ويسكنه فسيح جناته ويجمعكم وياه في جنات النعيم

اخوي احسن الله عزاك وصح لسانك مليون ورحمه الله رحمه واسعه

,

قصيده صادقه ومحزنه ومؤلمه . . .

عيشتنا جو من الحزن والإيمان بقضاء الله . . .

الله يرحم أخوك ( مشعل ) ويغفر ذنوبه . . .

وبيض الله وجه ابوك ولا هي غريبه عليكم . .

وصح لسانك ملايين . .

محبتي

,

الله الله الله

نسال الله ان يجبر مصابكم يا مشاري ويرحم فقيدكم ويجعله من المقبولين مع الابرار والصالحين

وصح لسانك على هذه الدره التي عيشتنا بها حرف حرف

سلامي واحترامي ياغالي

اخوك

رحم الله اخوك



و بيض الله وجه ابوك



و لا فضّ فوك




قصيده مؤثره و تلامس المشاعر و الاحاسيس




لا تحرمنا ابداعك





تقبل مروري و إعجابي بما تكتب




اخوك

إنا لله وإنا إليه راجعون


الله يرحمة ويسكنه فسيح جناته


وعلمكم غانم يالنثري وانتم هل العلوم الطيبه من اول وتالي


صح لسانك


تقبل تحياتي

الله يجبر مصابكم يامشاري

ويرحم الميت ويجعل مثواه الجنه


قصيده تحمل بين طياتها نبرات الحزن



صح لسانك على هذا التفرد

الله يعيينكم ويصبركم يامشاري

وفعل الطيب ماهو غريب على الطيبين



صح لسانك مدد

ومازال الشعر يبكي

ابكيتني يامشاري ثلاث مراات

رحمه الله رحمة واسعه

والله يصبركم

اشهد بالله انك رثيت

مودتي لك

قصيده عجيبة البناء والسلاسه ومؤثره جدا

الله يبيض وجه ابوك

ويبيض وجهك

والله يرحم مشعل رحمة واسعه

قال تعالى

(( وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ))

هنا .. كني اناجيه وسأل عن الاحوال=اقول انت وشلونك ومنزلك وشلونه
واخذ وقت مفجوع ٍ من سكاته ومهتال=ولولا سكاته قلت وشلون يبكونه
ماهي عادته يسفه اخوانه على اية حال=ولاهيب عاده يسفه اللي يحاكونه
وقف بينّا خمسة شبور وثلاث اقفال=لكن النجوم اقرب على اللي يناجونه
واعوّد وانا مكسور خاطر وحالي حال=اصارع هموم الوجد وآكابد طعونه
عنه ماعزلني قبر باكفان ولا رمال=ولايقدرون الناس عني يعزلونه
لانه بريضان الحشا حي لايزال=اشوفه واشوف اصحابه اللي يخاوونه
حفظته ضلوع ٍ تآلفه بالمقام العال=عروشه على قلبي والاضلاع يحمونه


الشكوى على الله

والله يجبركم يـ الشاعر ويرحمه ووالدينا وجميع المسلمين

وصح لسانك على هـ الحزيينه

تقديري لك’,,