( VXR)
السلام عليكم ورحمة الله وبركاته
وصباحكم كما تحبون احبائي اضع بين ايديكم قصيده جديده من باب التواصل لهذا الصرح الشامخ اترككم معها ... [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] وجد حالي لا اقبل الليل وانزاح النهار = وجد من باقي بعمره عن الموت شعره التفت حوله بنيات وعياله صغار = امهم ماتت ولا له بعد ماتت مره موتره تكسي يكدّه على خط المطار = وبيته صغير واجاره سنين مأخره غمض عيونه وفتح وناظر للجدار = ماله الا يفرك يديه ويطق نحره ايقن ان العمر للادمي رحلة قطار = لكن ان الفرق رحله بليا تذكره في زمن ماتامن الناس حتى الجار جار = في زمن فيه الصداقات مامنها ثمره في زمن كبّر صغاره وصغروبه كبار = في زمن متساويٍ فيه يومه وشهره كمّ وجهٍ يختبي خلف وجهٍ مستعار = وكم حلم عاش راعيه وسط المقبره ماتبرد حرة الجوف في فك الزرار = لابدا بالصدر تكه وبالعين عبره غير جيبٍ كنه السبع لا قفى ودار = كانه اقبلك بوجهه ولا اعطاك ظهره جيب لندكروزر افظل فئات الفكس ار = مفخره دابل كبود المواتر مفخره كن لونه ثوبٍ ابيض مخيط في مشار = مابعد دقوا سويكه ولا دار كفره مثل مابالغيد ماقد خذينا الا بكار = بالمواتر ناخذ اللي ماطب السمكره من نشاطه كن شكمانه يطلع شرار = ماوراه الا ظلاله ولجه وغبره وان تمايل با اتجاهاته يمين ويسار = مهرةٍ في عرس اخوها تمخطر مخطره كن كراسيه كنبات لطوال العمار = وكن نور اسطبه كبوس في ملعب كره منظر الطبلون قوسي تقل فتحة وجار = وكن زانه عودٍ ازرق ماهو في مبخره لاشريته جب به الارض وارثع بالديار = ماهو بحقه تخليه في ظل شجره هج عن ضوضاء المدينه وعن جو الغبار = سج عن نقالة الحكي واهل الثرثره حط كسيت ابن جدلان لا طال المسار = ولا امتلى راسك من النظم شغل منقره سجةٍ بأرضٍ ماهي ملك في مكتب عقار = قاعها من صادق الوسم ماجف مطره سجة اللي راح عمره رهين الانتظار = ان لقى الهم كتمه وان لقى الخير شكره [/poem] |
كمّ وجهٍ يختبـي خلـف وجـهٍ مستعـار
وكم حلم عاش راعيـه وسـط المقبـره مرحبا ثم مرحبا ثم مرحبا بـالشاعر الذي ابدع جداً على مسرح شاطئ الراحه ، وقبلها عرفنا إبداعه هنا سطام حضورك أسعدني ، هنا رد للترحيب بهذا الحضور وسأعود لهذا النص فيما بعد تحياتي لشخصك الكريم |
هلا وغلا يا سطام
مبدع في فن الوصف ومتمكن في الأداء لله درك والى الامام يا مبدع تحياتي |
هلا ومرحبابك
ياناصر تراحيب وشكرا جزيل على الثناء الجميل وبا انتظارك |
هلابك يامحمد بلال
وصح بدنك طال عمرك مودتي لك |
للــه..درك..!!
هــاأنت..تثبت..نظرية..الوصف..في شعراء..حرب..!! مبدع يابوبندر..وين..ماحللت..فوق كل..أرض..وتحت..كل..سماء..صح لسانك..!! سوف..أعود..لإثمل..!! شكرا لهكذا شعر ياجزل.. |
المبدع / سطام البندر
يامرحبا تراحيب المطر شاعر جزل ومبدع الله لا يضرك في كل حالاتك رائع صح السانك ملااايين لاهنت قصيده جزله من راس جزل تحيتي لك |
هلا وغلا سطام
وصح الله السانك 1000000×1000000 ابداع شعري ماهو غريب عليك ودي وتقديري |
سطآم والله أنك شاعر
وشاعر كبير صح لسانك |
مرحبا مليون يا بو بندر
وهلا مليون اي والله حياك الله ونوّرت مرقابك والابداع ماهو غريب عليك .. قصيدة ممتعه واروت الذائقه صح لسانك بلا عدد ، .. |
عليكم السلام ورحمة الله
وصح لسانك يـ الشاعر ولاهنت على هـ الجزاله والأبدااع تقديري’,, |
الله الله الله
صح لسانك مليوون قصيده كايفه وتدخل القلب دوغري |
عليكم السلام ورحمة الله وبركاته هذا والله الحضور اللي يطرب البال يامرحبا يابو بندر شعر غير ونص غير لله دارك صح الله لسانك صح الله لسانك صح الله لسانك اخوك |
غير جيـبٍ كنـه السبـع لا قفـى ودار
كانه اقبلك بوجهه ولا اعطـاك ظهـره جيب لندكروزر افظل فئـات الفكـس ار مفخره دابـل كبـود المواتـر مفخـره كن لونه ثوبٍ ابيض مخيط فـي مشـار مابعـد دقـوا سويكـه ولا دار كـفـره الله الله الله الله رائع هذا الحضور المتوهج ! صح لسانك |
. الله ، الله ، والله أنك مفخره لـ ( الشعر ) يـ أبو بندر ! صح السانك صح السانك صح السانك ، |
سطام البندر
عز الله قصيده قصيده قصيده الله عليك يا كبير صح لسانك و انا اخوك قصيده امتلئت بكل فنون الشعر و المشاعر لله درك و صح لسانك و انا اخوك و تقبل ازكى التحايا |
سطام بن بتلاء
رائع ومدهش ومفخرة للشعر أنت صح لسانك وبيض الله وجهك يا مبدع مودتي لك . |
سطام
تميز كما عهدنا مع اني اشوف هـ القصيده غير لو انها موجعه صح لسانك عليها بيت بيت يا مبدع تقديري |
،
وعليكم السلام والرحمة والله انت اللي قصيدك كنه الفكسار بين القصايد الله لا يضرك الله لا يلجمك وصح لله لسانك ولا هنت يا سطام بحفظ الله ، |
2 مره اقراها ،
بس اشوى الفكسار ينلحدز ^_^ صحّ لسانك كثر دراهمه مليون مرهـ |
كـن كراسيـه كنبـات لطـوال العمـار
وكن نور اسطبه كبوس في ملعب كـره منظر الطبلون قوسي تقل فتحـة وجـار وكن زانه عودٍ ازرق ماهو في مبخـره لاشريته جب به الارض وارثع بالديـار ماهو بحقـه تخليـه فـي ظـل شجـره البلا من يطول ياسطااام ! ولا ماهوب وجه موتر يجي تحت ظل شجررره :) صح لسسسسانك مبدع ومميز وحضووور كباااار \ تحيتي لكك |
هلا ومرحبا ياسطام
صح الله لسانك ملايين مبدع ورائع كما عهدناك تقبل تحياتي |
| جميع الأوقات بتوقيت GMT +3. الساعة الآن 05:59 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية