(*(( بلاد السود ))*)
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] هما وبل الحيا وارتوى الضميان من ماه = وسال الوادي اللي عثَت فيه المشاريه
عسى روض الضبا مايزعّلني محيّاه = وتسرح ناقة الشعر تشرب من خباريه سنه والقفْر ماحرّر اهجوسي من اجماه = وانا والصبح ناكل من الليل وغداريه ماغير اصبّر الصدر عن قافه ومعناه = بشيٍّ سطّره كاتبه لعيون قاريه حبسته في ركن بيت خانتني زواياه = يوصّل بايعه للسما ويبيع شاريه على سبّة صغيّر يدف الضلع بيداه = حفر حفره ودفّته فالحفره طواريه وانا ماني كما اللي يهد الوقت مبداه = وقلبي عيب لو ماكشف وجهي شواريه ولا ياالصبح وخّر لقى الصيّاد مرماه = رح العب فالعصافير واعط القوس باريه وانا صيدي سمين ومية ذيب يتعشّاه = ولاهو كل صيّاد فالعالم يباريه لمحته خلف الاضلاع والشريان غطّاه = توارى مير عبرود فكري من يواريه بعد مانبّه الوقت عمرٍ كنت ابنساه = واغيّب كل لحظة تذكرني بطاريه رميته رمية عيون ذيبٍ شاف له شاه = وهو له خمسة اليال خامر في مساريه على وجه المرايه بكى قلبي من اقصاه = ووجهي بان خوفه وبانت لي مواريه زعيم الخاتمه في بلاد السود بيضاه = وبكره تصبح السود بيضا في مذاريه غزتني شعرة الشيب وآنا الشيب مابغاه = وهجّت ذكرياتي على ايام المداريه وشفت بعيني الطفل والعابه وحلواه = وضحكة عينه الصافيه وازرق عباريه وحلمٍ كان يبنيه من طينه ويذراه = قبل مايكبر الحلم ويجابه ذواريه على الطيب وعلوم الرجال العَود ربّاه = تربّى مع جبال الحجاز وفي حواريه ومرّ ابه الزمان الغريب وراح ويّاه = وجرّب لين فرّق يباسه من خضاريه ياسرع الوقت في عقرب الايام سرعاه = جرى وازرت حياة المعنّى لا تجاريه كبرنا والزمن ماعطانا كف يمناه = سوى غصنٍ من التين نابت في صحاريه رمانا رمية مقيط مدري رمية رشاه = وغوّانا واذقنا بعضنا من شباريه وكلٍ صايره قيمته في كبر مخباه = ويكثْر في هروجه ليا كثرت مصاريه دعسنا يوم حنا دعسنا فوق علباه = وبرقعنا حراره وحرّرنا قماريه ولا ياليت عمرٍ مضى من عمري القاه = وعن شمس المشيب اتفيا في شجاريه واعيشه في رضا الوالدين وفي رضا الله = يداري شمعة الدين في صدري واداريه[/poem] |
1
1 1 واحد |
،
(( 2 )) . |
الله علييييييك
قصيده رائعه بكل ماتحمله الكلمه من معنى بيض الله وجهك صح لسانك تحيات / مشاري النثري |
,,,
يالسواط .. هالقصيدة مالها نهاية في إبداعها ومتعتها صح لسانك .. ملايين ولاهنت |
السلام عليكم
[poem=font="Andalus,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كبرنا والزمـن ماعطانـا كـف يمنـاه=سوى غصنٍ من التين نابت في صحاريه[/poem] صح لسانك يافيصل وسلمت |
ياسرع الوقت في عقرب الايام سرعـاه
جرى وازرت حياة المعنّـى لا تجاريـه صح لسانك يا بوريما مبدع وحضورك دائماً حضور الشعر أعجابي وتحيتي ومحبتي :) |
اقتباس:
دم تا / بخير |
اقتباس:
دم تا / بخير |
اقتباس:
سعدت لمرورك الكيم وتعليقك لاهنت دم تا / بخير |
اقتباس:
هلا يانايف ، اعتز بشهادتك ورايك في القصيدة صح بدنك دم تا / بخير |
اقتباس:
صح بدنك ، نورت دم تا / بخير |
،’
فيصل الله أكبر عليك وعلى الفكراللي معك ولا ياالـصـبـح وخّـــر لـقــى الـصـيّـاد مـرمــاه ... رح العـب فالعصافيـر واعـط القـوس باريـه وانــا صـيـدي سمـيـن ومـيـة ذيــب يتـعـشّـاه .. ولاهــــــو كــــــل صـــيّــــاد فـالــعــالــم يــبــاريـــه لمحـتـه خـلـف الاضــلاع والشـريـان غـطّـاه ... تـــوارى مـيــر عـبــرود فـكــري مـــن يــواريــه بـعــد مـانـبّـه الـوقــت عـمــرٍ كــنــت ابـنـســاه .. واغــيّـــب كـــــل لـحــظــة تـذكــرنــي بــطــاريــه رميتـه رميـة عيـون ذيــبٍ شــاف لــه شــاه ... وهـو لـه خمسـة اليـال خامـر فــي مسـاريـه ياشيخ روووح وربي إنك مبدع , صح لسانك يافيصل عدد ما امتعتنا بهذا النص الفاخر سلمت وسلم لنا حضورك المتألق .. بيض الله وجهك . تح ـياتي |
كبير يا فيصل كبير كبير
صح لسانك / صح لسانك سجل عندك..: محبتي + متابعتي المستمره + تحياتي الخالصه |
شاعرنا الكبير / فيصل السواط
والله انك مميز يا بوعبدالله في كل تفاصيل كتابتك للقصيدة فكر .. و فلسفة شعرية خاصه .. وبدع راقي جدا صح لسانك مليون في مليون ، .. |
حبسته في ركن بيـت خانتنـي زوايـاه
يوصّل بايعـه للسمـا ويبيـع شاريـه الله يافيصل فكر وجزاله مخلوط مع ابداع صح لسانك مدد بلا عدد تحياتي |
هذا الشعر والذوق
|
ياسرع الوقت في عقرب الايام سرعـاه جرى وازرت حياة المعنّـى لا تجاريـه
كبرنا والزمـن ماعطانـا كـف يمنـاه سوى غصنٍ من التين نابت في صحاريه رمانا رمية مقيط مـدري رميـة رشـاه وغوّانا واذقنـا بعضنـا مـن شباريـه ابدعت وامتعت يالسواط صح لسااانك حتى ترضى |
فيصل
فلسفة شاعر متمكن وفكر شاعر راقي وقافيه نـ / اريـــــــــــه نص مدهش يالسواط صح لسانك على هذا الابداع تحيتي لك |
الله يافيصل على الابداع والتعملق لله دررك ..
اخووك .. |
اقتباس:
صح بدنك يامشخص والرائع حضورك يابو منصور دم تا / بخير |
اقتباس:
اشكرك جزيل الشكر على ماعلقت به تجاه هذا النص البسيط اشكر كرمك ، ونقاءك ، صح بدنك يافهد ، ووجهك ابيض ولاعليك زود دم تا / بخير |
| جميع الأوقات بتوقيت GMT +3. الساعة الآن 10:37 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية