(*(( قطعة قماش ))*)
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياسادة الشعر ، الأدب فالشعر منهاج الأمم = يانكتب الشعر بمواثيق الأدب .. ولاّ بلاش
ماكلّ شي يمرّ فالخطّر ، نسلّمه القلم = حبر القلم غشّاش بعض احيان .. وعلومه غشاش
تبقى .. إرم ذات العماد .. بعين خلق الله ، إرم = مدينة قصور ، ومواطن خير ، وزهور وفراش
لو انّ فيها عيب واحد ، بـ اذكره ولا جرَم = حرّاسها واجد ، وسيّدها كثير الارتعاش
والسور عالي ، واصغر الابواب مايقبل قزم = ماعاش فيها ، غير عملاقين بقلوبٍ بشاش
واربعمية فارس ، وبنت حصان ، والباقي خدم = يليّمون اللي هبوب الريح جت به .. في خياش
والعزّ ، شال الساريه .. والساريه ، شالت علم = والعقل ، حط المشكله .. والمشكلة ، حطت غباش
والشتم سهل ، وكل بن رجّال بلسانه عظم = سلاح من ماله سلاح اخلاق .. وعظامه هشاش
والدنفسه ، والحكحكه ، ماخلّدت شاعر علم = يفقد مع انسانيّته ، مواهبه .. ويروح ماش
والحقد ، ماله في صدور اهل الوفا موطأ قدم = يستوطن الصدر الخراب .. ولا تمكّن فيه عاش
والضيق ، مهما كان .. ماعمره على دوله حكم = عابر سبيل .. تمرّ به قوافله في كل جاش
يلخبط اوراق الضمير العفّ .. ويخلّف ألم = لكنّ ماتكسر مساحيه .. الغصون امّ العشاش
والآدمي مهما تجنب فالخطا ، دم ولحم = مرسل ومستقبل .. مصوّر ومتصوّر بالفلاش
لكن ضروري يدمح الاخطاء .. من باب العشم = لو يضمحّل القرم في عين الزعل ، ويصير لاش
والطبع غالب .. والتطبّع يغلبه لامن هجم = لاصار طبعه شين ، في تطبّعه .. خدمه بلاش
لابد مايستوعب الانسان ، وش معنى : ندم = ولا بد مايستوعب الانسان ، وش معنى : نقاش
لن النقاش ، يعلّم الانسان يبقى محترم = ولنّ الندم ، مصالحة نفسه عليه .. بلا هواش
والشهم ، لو دارت رحا الدنيا على قلبه .. شهم = كفّ التسامح ، مايمسّحها على حد الفرْاش
والحب بين الناس .. مايولد ، على رز ولحم = يولد ، من بطون المواقيف ويثير الاندهاش
وعدم توافق آدمي مع آدمي ، ماهو لغم = يفجّر العشره مابين الناس .. وتروّح طشاش
ياآدمي والشك عمّ العالم ، إلاّ من رحَم = خذها نصيحه وافيه ، من قلب مايكرهك .. كاش
مهم تبقى انسان واثق في ضميرك ، والأهم = انّك تعرف ان الحياه بكبرها .. قطعة قماش[/poem]

الشاعر والعلم فيصل السواط



كبير كبير وعملاق شعر وأدب


رفع الله قدرك وشانك مثل مارفعت قيمة الشعر والأدب بهذه المعلقة التي قل لايصوغها الا نوادر الشعراء في هذا الزمن المتضخم بعدد سكان الكرة الشعريه



تقبل تحيتي ومودتي واعجابي

الله اكبر عليك



صح الله لسانك دائما مبدع يا فيصل


سلامي عليك يابو ريما


و





عبدالله .. الله يطرح فيه البركه وجعله الله من عباده الصالحين وسند لك ويتربى بعزك .. توي دريت به اليوم :)





القصيده مافيها حكي


بس انا احتج !!












































المطلوب حرف الشين ..

لذلك يجب يالجنة التقصي طلب نص آخر يكون بحرف الشين الساكن ..


غش رش الخ الخ

هذي على آش

ههههههههههههههههههههه





انا متابع ومن حقي الاستمتاع والا ماني مصوت :m32: الدعوى صار فيها تصويت يا فيصل



قصيدة ثانيه لو سمحت :)

فيصل السواط


لله درك ياشيخ

قف


وحجز


وواصل الابداع


صح السانك



ودمت بحب

:
:



حجز (( فاخر )) يـ فاخر .. !!
ولي عودة بأذن الله .. !!


:)

..


علم .. ومبدع في عالم الشعر والله يافيصل ..
وقصيدتك هذي فيها من المعاني الدسمه الكثير

صح لسانك ..
ولاهنت يالسواط ..

شاعرنا القدير المبدع / خولان بن عامر

يعلم الله سعادتي بتواجدك اليوم كبيرة ، وازدادت بتعليقك الذي لااستحق فحواه

اشكرك على كلمة اطراء في حقي ،، والله لايهينك



دم تا / بخير

اشهد ان لا اله الا ا لله

وا شهد ان محمدا عبده ورسوله

واشهد اني قريت قصيدة لم اقرأ ما يوازيها بكل التفاصيل منذ فترة

كنت اقرأ كثيرا .. ردود مرتبكه للبعض وعبارة متكرره (( والله مدري وش اقول ))
هنا انا احد اصحاب تلك الردود

قصيدة فوق استيعاب لوحة المفاتيح لديّ


المبدع العملاق .. فيصل السواط

والله وبالله وتالله انها من عيون الشعر النقيّ


صح لسانك وزادك الله من فضله ورعاك بحفظه ،،

..

اليوم المرقاب متوهج بعودة الكبار ،،،

ابو عبدالله الله يبارك فايامك وتراني مسمي عبدالله على اسم ولدك :)

وبالنسبة للشين وماادراك ماالشين ، حنا نقول ياالله وانت تقول ان شاء الله

ياخوي يالله وبالله جبناها على الشين هذي فما بالك بـ غش ورش وهش :)


وبالنسبة للتصويت كان زمااااااااان :)


ابو عبدالله سعيد بحضورك وتعليقك واطراءك ،، ولست سعيد بمطالبتك بشينيه ثانيه :)




دم تا / بخير

الله الله يافيصل ,

عز الله انك ابدعت يامبدع ,

سجل اعجابي , وصح الله السانك

,

،’
فيصل

الله يصح لسانك يارجل على القصيدة الفاخرة والرائعة بـ حق
لله درك ، عزالله إنك أطربتنا الله يعطيك العافية ويطول عمرك على طاعة ,

تح ـياتي

الله اكبر يافيصل


لكن .. لاغرابه


اسم جزل في عالم الشعر

لله درك


صح لسانك على هالرائعه

نصّ عظيم جداً ولا يملّ ، والمرور عليه كل يوم ضرورة حتميّة ..
في كل نص لك يا مبدعنا الكبير اقول هل تبقى عنده ابداع غير هذا الابداع؟ وفي النص الذي يليه تكون إجابتك : نعم !
اعجابي بكل ما تكتب كبير جداً جداً جداً ..
شكراً يا أستاذ لأنك تسعدنا بـ بديع الشعر .. شكراً وأكثر ..
تحيّة ومحبّة ..

.
العنوان
قطعة قماش






المضمون
قطعة ذهب


التعليق
لله درك من شاعر صخر المفردة وجعل منها درر تدرس



دمت مبدع

.

واربعمية فارس ، وبنت حصان ، والباقـي خـدم
يليّمون اللي هبوب الريح جت به .. في خيـاش
والعزّ ، شال الساريه .. والساريه ، شالت علـم
والعقل ، حط المشكله .. والمشكلة ، حطت غباش
والشتم سهل ، وكل بـن رجّـال بلسانـه عظـم
سلاح من ماله سلاح اخلاق .. وعظامه هشـاش






صح السانك شاعر كبير وقصيده من اطلع عليها لا بد له من العوده مرتا اخرى