راحة البال ...
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الا يامدور راحت البال بعد الضيق =بوصيك واسمع في وصاتي وطبقها تغانم حياتك من قبل لايجف الريق=وطاعة ولي الكون بالفعل حققها وحافظ على خمس الفرايض بلا تفريق=ودور مداخيل الشياطين وأغلقها تحلق بك الأفراح في عالمك تحليق=وتنسا همومٍ كان ودك تفارقها ترى طاعة الله مصدر الرزق والتوفيق=وكل الخلايق رزقها عند خالقها وسنة نبي الحق يلزم لها تطبيق=ويعنا بها من كلمة الحق ينطقها وانا بأنصح المهموم ومدور الترويق=علاقتك مع رب المخاليق وثقها ولاتتبع اهل الفسق من شلة التصفيق=وصادق رجالٍ ماندم من يصادقها تعمق علوم الطيب في داخلك تعميق=ونفسك من احبال الشياطين تعتقها وانا كل مابرقت في وضعنا تبريق=اشوف الأمور وتتضح لي حقايقها قلوب البشر تقسا ويلزم لها ترقيق=وقرأن رب الكون بأمره يرققها سبايب أذنوبٍ طوقت بالبشر تطويق=بضاعه بسوق ابليس يعرف يسوقها ترى من توحل فالمعاصي لزوم ايفيق=قبل مايعم الحزن نفسه ويغرقها نصيحه عسا لاقلتها للجميع اتليق=وبأدعي عسا توفيق ربي يرافقها[/poem] |
حجز
نمبر (( 1 )) ولي عوده مطووووله :) |
عز الله أنك مكسب كبير يا عايض
حجز حجز حجز |
.
. عايض ابو شيبه الف صح لسانك على هذه الراقيه والحضور الجميل ابدعت وامتعت دام نبضك ولاهنت . . . |
نصيحه عيار 21 ذهب خالص ..
لله درك يبوشيبه .. |
عايض
صح السانك ولله يكثر أمثالك حجز ok دمت بخير |
قلوب البشر تقسا ويلزم لهـا ترقيـق وقـرآن رب الكـون بأمـره يرققهـا ياسلاآآآآآآآآآآآآآم ياسلام لو ماكتبت الا هالبيت كان استحق كلمة قصيده رآئعة وشاعر مبدع من غير قصر في بقية الآبيات الجميله , مكسب حقيقي يابو شيبه وشاعر جزل وكلمات تكتب بماء الذهب لندرتها هذه الأيام , أسأل الله لي ولك ولجميع المسلمين بالتمسك بهذه النصيحه فهي الدين ولا شك تقبل مودتي \ . |
صح لسااانك مبدع واكثر
بيض الله وجهك تحياتي |
قلوب البشر تقسا ويلزم لهـا ترقيـق
وقـرأن رب الكـون بأمـره يرققهـا يرققها الله الله صح لسانك ولا هنت |
اقتباس:
هلا وغلا وحجزك ok ياغالي |
عايض ابو شيبه
صح لسانك ونص رائع ورسالة أخويه صادقه من قلب صادق صح لسانك يامبدع . ومكسب للشعر انت مودتي لك . |
اقتباس:
وحجزك ok مع باقة ورد |
اقتباس:
الله الله الله قصيده تستحق الإقتباس كامله لما تحويه من موعظه و حكمه جزاك الله خير الجزاء و جعلها في موازين أعمالك ألف صح لسانك وسلم بنانك ولاتحرمنا من جديدك الله لا يحرمك الجنه تحياتي و مودتي |
اقتباس:
|
آمين
آمين .. آمين والله يسدد خطاك .. ويسلّمك على هذه النصيحة الشاملة صح لسانك .. صح لسانك |
نصيحة من ذهب ياعايض
صح لساااانك \ تحيتي لك |
الله يجزاك خير
صح لسانك طال عمرك تحياتي |
اقتباس:
وصح بدنك والراقي مرورك تحياتي |
ترى من توحل فالمعاصي لزوم ايفيق
قبل مايعـم الحـزن نفسـه ويغرقهـا نصيحه عسا لاقلتهـا للجميـع اتليـق وبأدعي عسا توفيـق ربـي يرافقهـا الله يجزاك خير ماشالله عليك شعراء جزاله شعريه وموضوع نصيحه قيمه انت ماشالله عليك با الشعر لك نصايح انشالله تثاب عليها صح السانك وبارك الله فيك |
اخوي عايض صح لسانك وجزاك الله خير على النصيحة تشرفت بمروري على هذه القصيدة |
اقتباس:
ومرور تشرفت به تقبل تحياتي |
الراقي / عايض ابو شيبه
شهادتي فيك مجروحه .. صح لسانك ملايين كل الود ؛؛ |
| جميع الأوقات بتوقيت GMT +3. الساعة الآن 07:54 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية