خوّة تنومسني .. وذكرى فالزمان أحيابها ( مصآفحـة أولى )
 

السلآم علـيكم ورحمـة الله وبركآته

يسـعد لي جمـيع أوقـآتكم بالخـير والمسـرة

مصآفحـة أولى .. خآطـرة ليس إلآ

تشرفت الفتـرة المآضـية إبّآن توآجدي في سآجـر .. بصحـبة رجآل ستـبقى ذكـرآهمـ معـي مآحـييت ..

شآءت الأقـدآر أن تكـون سآجـر إطلآلـة نـور صحـبتهم واخوّتهم النقيّــة ..

وكمآ جمّعـتنـآ .. شتّـتنـآ وأصـبح كلٌ منـآ أبـعد مآيكـون مكانه عن الآخـر .. ( بدّآ هيك سيآسة التعلـيم )

وهم حسب الأكـبر .. ( خآلد فيحـآن الشيبآني .. المرقآبي سعد منير العضيآني .. عبد الله عبد الرحمن الشيبآني .. محمد دآحم العآزمي .. مآجد عبد الله النفيعي .. محمد عبد الرحمن الدعجـآني .. والشآبين محمد ترآحـيب العآزمي وعلي دآحم العآزمي )

اترككمـ مع الخـآطرة ..


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
بسم الله الرحمن وابدأ بالتحية والسلام = بسم الله أفضل كلمةٍ قبل الكلام أبدابها
ثم السلام ورحمة الله وبركاته للحشام = العزوة اللي كاسبين العز في مرقابها
صحبة ونخبة كلهم من روس قوم ومن سنام = غالين وأغليهم غلا العينين بين اهدابها
ربعٍ لذكراهم يشوش الراس ويطيب الكلام = والشعر يفخر .. والفخر كله لمن غنّابها
سلام يا خالد ولد فيحان يالشيخ الامام = يا سمح يا فاتح قلوبٍ مقفلات ابوابها
أبيض وجه ونقدّر الطيب بكل الاحتـرام = الكاملة يبدابها والناقصة ماجابها
وسلام يابن منير ياحرٍ هوى العليا وشاام = حتى فهق نجم الثريّا والنجوم اصحابها
قاضي ولد قاضي وذخر قضاة من ماض العوام = والكايدة يارد لها لامن غيره هابها
وسلام يا عبد الله أزكى من رياحين وخزام = ياللي ليا حل الزحام الأوّلة يهنابها
لامن حضر ماغاب أحد والنور جلّاي الظلام = يا علّة اللي ما يحسّـب للهروج حسابها
وسلام يا محمد ولد داحم ويا عال المقام = يا راعي الكف النديّة يا كثر ما اعطى بها
اسمك محمد واسمك الثاني صقر وألا حسام = الوافية يرضى بها والشامخة يرقى بها
وسلام يا ماجد ولد عبد الله الحر القطام = يا وافيٍ منك الوفا يكسب وقد فزنابها
صدرك وسيع بحال وألا حال مثل الداب سام = تارد ليا من المصايب كشّرت بأنيابها
وسلام يا محمد ولد مفلح كريمٍ من كرام = روح المجالس والسوالف كلها وأطبابها
خوّته تشرا بالذهب مثل الذهب على الدوام = رجلٍ تشب النار للخطّار يا شبّابها
ومحمد تراحيب ويّا علي دايم للأمام = الطيبين أهل الشجاعة تعتزي بأنسابها
حسب العمر عديتهم وألا الغلا واحد تمام = ولكل عين الله يحفظ ناسها وأحبابها
صفحة وعدت في رياحين الغلا بين الأنام = صفحة وفا والطيب عنوانٍ بصدر كتابها
ستة شهورٍ فالمكانة عادلت سبعـين عام = خوة تنومسني وذكرى فالزمان أحيابها[/poem]


وسلامتكم

محمد ضـيف الله سـويلم ..

ربــعٍ لـذكـراهـم يـشــوش الـــراس ويـطـيـب الـكــلام ,, والـشـعـر يـفـخـر .. والـفـخـر كـلــه لـمــن غنّـابـهـا

الله عليك يابو ضيف الله

مبدع

مصافحه اولى مشرفـه

الله لا يضرك

صح لسانك مليون ولا يكفون

تحياتي واحترامي لك

اخوك

وعليكم السلام والرحمة

حيه حي مصافحته الطيب والعلوم الغانمه الله لا يفرقكم
قصيدة تستاهل القراءة الله لا يلجمك وصح لسانك ولا هنت

بانتظار جديدك

صح لساااانك




مبدع بكل حالاتك

.
.
.

ابوضيف الله

الله الله

صح السانك ملااايين على هذه الرائعه

نص كله وفاء

كتبت فأبدعت

لله درك

تحيتي لك

الله الله الله

ياسلام الله عليك يا بو ضيف الله

ولاهوب غريب الشعر العذب منك

قصيدة رجل وافي

صح لسانك عدد حروفها ،

..

هلا وغلا يامحمد


صح لسانك ملايين


ليس مستغرب عليك الأبداع وانت من عائله شعريه معروف


كل الشكر لك على هذه الرائعه

وكل الشكر لك على جهودك المبذوله


تقبل تحياتي

الله الله الله


يامحمد


عزالله انها رائعه


صح لسانك مدد