الوطن والرجوع !
السلام عليكم ورحمة الله وبركاته
مواهبيّه للتواصل , واعذروني على قلّة التواصل :) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""] ياوقت ذرني على حالي نديمي نديملا مال ظل العصر تلقى طبوعه طبوع بين انتظار المتيم وانكسار اليتيم=وبين امنيات الغريب الى الوطن والرجوع اذا سكت مانسى ذكرى حميم وحميم=واذا تكلم وش يسوي كلام الجزوع والصبر حجم المسافه بين ضيقه وضيم=والحب مشوار مابين السهر والدموع وانا غريم اكسر الخاطر و وقتي غريم =من المعاناه في صدري خذا كل نوع جرحي كريم اجودي والحظ ما هو كريم=والحزن طماع في قلبي و قلبي قنوع الذكريات القديمه والغرام القديم =شمعه ولكنها ماهي بـــ مثل الشموع ماينطفي ضيها لاهب شوقي نسيم=ولا تذوب بحرارة لهفتي فــــ الضلوع باقي لها نور في عيني يشق العتيم=وان خيم الليل اسامرها لحد الطلوع واسج فكري مع لحظاتها لين اهيم=وامشي وكلي وله واطوع اخطاي طوع واوقف على اطلالها واحتار في سين جيم=ويفوع وجدي على ذيك الليالي يفوع واجر صوتي عليها واترنم رنيم=واقول يالذة الماضي حنيني يلوع بالعين باقي لها برد وسلام ونعيم=والصدر مدهال والذكرى وفود وجموع وان شدوا البدو ماشدت غلاها مقيم =الاصل ثابت ومن عشقي تفرع فروع من وين مالد الاقيها وربي عليم=اني ولوع فــ هواها وان قلبي ولوع احبها حب نابع من صميم الصميم=واشتاق لايامها واحن واظمى واجوع شيٍ ينسيك شي وشي والله العظيم=ماينسي لو تناسيت الاهل والربوع تختلف الاحلام والانجاب حلم العقيم=وحلمي مع الذكريات اعيشها لو اسبوع [/poem] |
1
لي عودة بأذن الله تعالى ياابو معد :) |
.
. . ياسلام ياسلام لله درك لله درك لله درك صح السانك ملايين يايزيد نص عذب من شاعر جزل تحيتي لك |
جرحي كريم اجودي والحظ ما هو كريم
والحزن طماع في قلبي و قلبي قنوع الله على الابداع فلسفة راقية .. وكلمات تستوقف القارئ بحق ..! سلمت اناملك ولا هنت على هذا التواصل الجزل تحياااااااااااااااتي .. |
الله الله
ابداع يايزيد ابداع صح لسانك صح لسانك لاتبطي بجديدك كل الوود .. |
يزيد الكناني
صح قلبك وياهلا وغلا عقب غياب جميل ورائع يامبدع لله درك ولا تغيب لأننا نحتاج لهذا الأبداع لأشباع الذائقه . مودتي لك . |
اقتباس:
انت شاعر مبدع جداً رغم اني اكره غيابك ، لكن عشقي لقصيدك طغى عليه ! |
,
ياخي من اول قصيده لك وانا متابعك لكن غيابك كثييير ولا نرضاه تختلف الاحلام والانجاب حلم العقيم وحلمي مع الذكريات اعيشها لو اسبوع قصيده من اجمل مايكون حساسه وعذبه يزيد انت شاعر جميل جدا جدا جدا 1000 صح لسانك :) |
وعليكم السلام ورحمة الله وبركاته
قصيده تقاطر عسل :) صح لسانك مدد تقديري |
،
وعليكم السلام والرحمة صح لسانك ولا هنت يا يزيد بانتظار جديدك ، |
بين انتظار المتيم وانكسار اليتيم
وبين امنيات الغريب الى الوطن والرجوع الله الله مطلع عن قصيــده صح لسانك ولا هنت تقبل مروري |
/
\ \ , الغالي / يزيد الكناني مرحبا بك وبحضورك ابيات راقيه برقيك يا غالي صح لسانك , ,, ولا هنت ,, |
كنا نتحدث عن مبدعين المرقاب في جسلة البارح
وقال محمد الشويب : في واحد اسمه يزيد الكناني اقراله .. ترا مبدع .. وبعد ماقريت باقي لها نور في عيني يشق العتيم وان خيم الليل اسامرها لحد الطلوع ,,, بالعين باقي لها برد وسلام ونعيم والصدر مدهال والذكرى ( وفود وجموع) أمنت ً بأبداعك وبذائقت ابوخلف .... |
ياسلام يايزيد
بصراحه وبدون مجامله من اروع ماقرأت صح الله لسانك ملايين سجل متابعتي يامبدع تقبل تحياتي |
,
ياسلام عليك يا يزيد . . . اسلوب مميز , وقصيده عذبه . . والله اني اطرب لقصيدك دائما , لكن لا عاد تغيب . . . تحياتي , |
عليكم السلام
باقي لها نور في عيني يشق العتيم وان خيم الليل اسامرها لحد الطلوع صح لسانك شاعر مبدع يا يزيد دمت بكل خير |
يزيد
ماشاء الله عليك كتبت وابدعت صح الله السانك مليون ودي وتقديري |
اخواني... نجوم منتدى الابداع (المرقاب) كل الشكر .. واكثر على الاطراء والثناء واما عن الغياب .. فالعذر كله خجل من عتابكم اللطيف واعترف بالتقصير كلي اسف...... |
مُبدع ومثل ماقال الشويّب ، صحّ لساااااانك |
احبها حب نابع من صميم الصميم
واشتاق لايامها واحن واظمى واجوع شيٍ ينسيك شي وشي والله العظيم ماينسي لو تناسيت الاهل والربوع الله الله يزيد الكناني وصح لسااانك حتى ترضى ***** |
| جميع الأوقات بتوقيت GMT +3. الساعة الآن 09:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية