,,, غمضة عين ,,,
 

,

,


سلاااااام


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يقولون المواجه زين وآآآقول الموادع شين=بعد ذقت الموادع .. ما يهم اللي يقولونه
بعد عشت العمر يومين مرّت مثل غمضة عين=عرفت إن إبن آدمْ ماله الا من يحبونه
سقى ربي ديار ٍ جيتها في قايلة الاثنين=لو إن سكانها لو فات فرض ٍ ما يصلّونه
تمام الواحده / تاريخ 7/4/2000 =بوقت ٍ من طلع به راح يخدم راحة عيونه
وأنا راحة عيوني / بيّنت بعيوني الثنتين=من أول ما لمحت اللي غلاها يضفي ردونه
عليْ / وإضفايته من فوق راسي لأسفل الرجلين=وأنا لولا غلاها ما قدرت آعيش من دونه
غلا شيهانة ٍ قرناسها فالخمسه وعشرين =وأنا خمسه وعشرين الف مرّه قلت مزيونه
خذت من أندر انواع الحرار الفارسيّه عين=ومن عنق الظبي عنق ٍ ومن لون الزهر لونه
ومن ريش الغراب أسود شعرها ماخذٍ شيين=سواده من سواده وإن لمع شكله ومضمونه
تقول إنهم يكبون الكحل من فوقه / وبعدين:=يجيبون الذهب الاسود على سطحه يصبونه
ومن نسمة صباح اسبانيا والمغرب وبرلين=خليط ٍ كن نفسها اوكسجيناته وكربونه
ومن رقّة ورق ورد ٍ جمع مابين ريْ ولِين=جمال خدودها يسقى على ما كان يسقونه
ومن شمس الضحى من عقب غيم ٍ وابله شهرين=لها طلّة جبين ٍ يفتن عيون البشر كونه
جبين ٍ ناصع ٍ مثل الزبيدي بين عشب وطين=وخدّ ٍ كن عروقه عشب روض ٍ ما يعسونه
وغير الرسمه اللي ترسم حدود الفراولتين=خذت من فك تمثال الاطبّا صفّة سنونه
يجوز إن حكيْها بنج / ويجوز إن حكيْها هروين=لو أنغام الوتر كن صوتها ياخذ من لحونه
نحر يشبه نحر من مقتفيته ركزة السكين=وخصر ٍ مثل خصر الضامر اللي ما يصيدونه
ليا منها تثنّت / رحت أقول : معوّقة ساقين=لو إن سيقانها مبرومه ومن فوق مشحونه
نزلت أرض المطار الا وهذي هي تقول : اهلين=وترسل : مرحبا بك جوّنا بك هلّت مزونه
وأنا لساني يتمتم كل ما يقرا مسج / مسجين:=هنّي اللي ( مشاعر ) نوّرت شاشة تليفونه
ركبت وما نزلت الا وانا واقف على بابين=ثواني وإنفتح باب ودخلت وشفتها دونه
وساعة شفتها تو إكتملنا وإلتقت روحين=وساعة شفتها حلو الغرام وحلو مكنونه
وساعة شفتها طارت من شعور اللقا قلبين=وذا عوجه يردّونه / وذا عوجه يردّونه
وساعة شفتها ما عاد للآآآقصين=على بالي وجود ,, الله يلوم اللي يلومونه
وقالت لي : تفضل من هنا قلت آتفضل وين=وعيت الا وانا مثل الضرير اللي يقودونه
دخلت الا وريح العود الازرق فالمكان يبين=وانا ما استغرب انها في علوم الطيب دندونه
اعْرف اخلاقها زين ٍ وأعْرف انها ترّبت زين=واعْرف انّ الشجر لا بدّ تاخذ منّه غصونه
مكان ٍ خذت لي بالضبط فيه آآآقل من يومين=ولو تكمل سبع ساعات يمدي جات موزونه
مكان ٍيوم جيته ما غبطت المانيا والصين=ولا النمسا / ولا نهر الامازون بأمازونه
تقول مصممه : صمم اثاثه للرومانسيين=وخلا بصمته / بقلوب كل اللي يمرونه
بديكوره وإضائاته واباجوراته الطافين=وهذيك الشموع اللي ضياها يضوي ركونه
مكان ٍ من كثر ترتيبه ومن كثر ماهو زين=تقول ان مابه احد ٍ غيرنا مرّوا يزورونه
مكان ٍ فيه عشت احلى سنيني واختصرت سنين=لو ان راسي مهدد وقتها يفصل من متونه
مكان ٍ والله ان كنّي بجدرانه الى هالحين=ولا لحظه نسيته / والغريبه ما يطرونه
ولا بنساه / الا في نهار ربوعي الوافين=يجون اقرب قريب ٍ لي يواسوون ويعزونه
سقاه السيل لين يسيل ساقيّه ولين ولين :=يذوب اسمنته ويندا ثرى قاعه على هونه
[/poem]

وسلامتكم



,

والله مدري يا عبدالله

الوكاد انها رحله سياحيه

والله لايسقي ديرهم ويلعنهم((الملحدين))

وعموما صح لسانك ودمت لمحبينك

صح لسانك ولا هنت

الله يجيرك يا عبدالله

ابدعت وامتعت الله لا يعوقك يا الشيخ وصح لسانك ولا هنت

بحفظ الله

مبدع ياعبد الله وقصيده من مطلعها لقفلتها درررره


\


صح لسانك

:

عليكم السلام والرحمه والبركات
أخي الكريم عبدالله المري صح الله لسانك ولاهنت على تميز الأبيات ..
دمت بكل الخيـر ..

سلام الله عليك يا بوعابد

والله يحييك في مرقابك

وصح لسانك عدد حروفها ،،

..

الله الله

رائع يالمري ماوجده هنا

صح لسانك مدد

تحياتي

عبدالله ،
صحّ لسانك مليوووووون ،
ماودنا انها انتهت ..
مبدع وممتع ،
شعر واحساس ..

،’
عبدالله

ياحبي لـ قصيدك ، عزالله إنك تطرب الفكر وعفاك
صح لسانك ولايبطي جديدك .

تح ـياتي

لله دررررررررررك يالمري



ولا بنسـاه / الا فـي نهـار ربوعـي الوافيـن
يجون اقرب قريـب ٍ لـي يواسـوون ويعزونـه


ياسلااام :)


صح السااااانك


قصيده وااافيه وكااايفه



تقبل تحيااتي

,

,

عبدالرحمن السمين

//

صح بدنك
والجميل إضافتك الجميله للنص :)

تقبل فائق الاحترام والتقدير

,

,

,

سعد مخلد

//

صح بدنك
ولاتهووون ,,

تقبل فائق الاحترام والتقدير

,

,

,

مخايل

//

صح بدنش
ولاتهووونين ,,

تقبلي فائق الاحترام والتقدير

,

,

,

بدر ناصر العجمي

//

صح بدنك
ولاتهووون ,,

تقبل فائق الاحترام والتقدير

,

الله الله

يقولون المواجه زين وآآآقـول المـوادع شيـن
بعد ذقت الموادع .. مـا يهـم اللـي يقولونـه

ياسلام على المطلع والقصيده كلها يا عبدالله

صح لسانك ولاهنت ياغالي

محبتي واحترامي ومتابعتي

اخوك

رووووووووووووووووووووووووووووعة .. ابدعت بالوصف يالمري ... صح لسانك لين ترضى .

سجلني متابع .

وتقبل تحياتي .

,

,

فالح الشلوي

//

صح بدنك
ولاتهـــون ,,

تقبل فائق الاحترام والتقدير

,

عبدالله المري

ليتني كنت معك في ذا السفره

ص لسانك واعتلا شانك ولاهنت