عنكبتنا !!
السلام عليكم ،،
بويتات طرت وجرت .. [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] واهني ّ اللي ضميره مستريح ولا تعنّا=ما يحطّه بين دورات الزمان ولا يشيله يصبح ويمسي .. ويلقى في حياته ما تمنّا=تحته الفرشه حرير .. وفوقه الفيّه ظليله والله أنّي يوم أميّز وأتفكّر في زمنّا=كثروا أصحاب الفضول .. وقلوّا أصحاب الفضيله التطوّر يوم جاب التقنيه منّا ومنّا = ولّعتنا لين سلّمنا على خشم الفتيله وشبكة النتّ الكبيره عقب حلّت في وطنّا=عنكبتنا وإنكبتنا .. من فصيله في فصيله نجتمع في الشاشه اللي نورها الساطع فتنّا=وطاولتنا مستديره والكراسي مستطيله أبتدت غزوات الانتر .. وأنتهت غزوة مهنّا=ما نريد الغزو الاول عقب ورّدنا بديله يوتيوب .. وفوتوشوب .. وفيس بوك .. و يا الله إنّا=في رجاك وفي حجاك عن الفضيحه والفشيله القبيلي يوم شمّر عن ذراعه قال حنّا=من زحول العولمه لو يذبح سلوم القبيله قفّل الغرفه عليه ودردش وفرفش وغنّا=وقام يرقص للعلوم الخاثره ويشدّ حيله شيبت في نصف راسه .. صورة الكف المحنّا=وشيبّت في النصف الآخر صورة العين الكحيله من برب .. لباك ولكم .. شامنا صافح يمنّا=هكذا عاش التواصل بيننا بأهون وسيله يا محرّف بالحقايق لا تردّ العلم عنّا=يوم قلت الذيب عوّد يومي براسه وذيله نتبرّا من بلانا .. والبلا فينا ومنّا=ونتذرّا في خطانا .. والخطا نخلي سبيله ! [/poem] وسلمتوا ،، |
مرحبا بالشعر بـ أبهى حلله ،
ومرحبا بـ مبدعنا ، حـ ج ـــز |
الله الله الله
صح لسانك ي سداح واقع نعيشه للاسف مير ربي يزينها كل الود |
3
مع مرتبة الشرف :) |
4
ويامرحبا بالابداع وراعيه :) |
الله الله عليك ,
حقيقه وواقع مرير تناولته بإسلوبك الخاص .. الله يصلح الحال .. صح لسانك مدد يالغالي .. إعجابي ومودتي .. |
سبحان ملهمك يا دكتور
كـثـروا أصـحـاب الفـضـول .. وقـلـوّا أصـحـاب الفضـيـلـه برب .. ولي باك مفصّل :) |
...
ونتذرا في خطانا . والخطا نخلي سبيله الله الله ياسداح اله .. صح لسانك .. والله يكون فالعون ولايفتنا تحيتي |
حجز مدري كم رقمه مير هنا هنا الى اجل غير مسمى
دكتور الأبدااااااااااااااااااااااااااااااااااع |
نجتمع فـي الشاشـه اللـي نورهـا الساطـع فتنّـا
وطاولتـنـا مستـديـره والكـراسـي مستطيـلـه أبتدت غـزوات الانتـر .. وأنتهـت غـزوة مهنّـا مـا نريـد الغـزو الاول عقـب ورّدنــا بديـلـه ياسلام ,, الله يكفينا شر الأدمان , :) سداح شاعر يكتب ليبدع ,, ويبدع ليبهرنا الف صح لسانك يادكتور , ولك تقديري |
عليكم السلام ورحمة الله وبركانة
يوتيوب .. وفوتوشوب .. وفيس بوك .. و يا الله إنّا في رجاك وفي حجـاك عـن الفضيحـه والفشيلـه اللهم امين صح السانك ولاهنت يالغالي . |
سداح
والله ان الواحد يصعب عليه يلقى رد يليق بـ حضورك دائماً حضورك غير لي عوده بعد ما أجد مايليق من سطور .. إلى ذلك الحين .. صح لسانك , صح لسانك , صح لسانك , ؛ |
نتبـرّا مـن بـلانـا .. والـبـلا فيـنـا ومـنّـا
ونتـذرّا فـي خطانـا .. والخطـا نخلـي سبيلـه ! لا هنت ياسداح وصح لسانك |
صح لسانك مشتاقين
|
صح الشعر
وصح لسانك يادكتور مصبوبة صب شعر ومضموووووووون لله درك لله درك صح لسانك صح لسانك |
,
الله الله الله الله ماشاء الله تبارك الله ابداااااااع وجزاااااااااااله . . صح لسانك يا سداح على الشعر الراقي . . . محبتي , |
وقول صح السان سداح العتيبي
الدكتور سداح مبدع والشهاده فيك مجروحه ابيات من ذهب ودي وتقديري وحترامي والمتابعه المستمره في ما تكتب |
الدكتور ..
الله لا يلجم لسانك .. صدقت بكل كلمه ، وإبداعك متواصل .. ولمساتك الخاصه على القصيده .. |
ياسلام ياسلام ياسلام والله أنّـي يـوم أميّـز وأتفـكّـر فــي زمـنّـا كثروا أصحاب الفضول .. وقلوّا أصحـاب الفضيلـه لله درك وصح كلك . وعسى يزين الحال وبإنتظار القادم ودمت بحفظ الله ورعايته |
والله أنّـي يـوم أميّـز وأتفـكّـر فــي زمـنّـا
كثروا أصحاب الفضول .. وقلوّا أصحـاب الفضيلـه ياسلام صح لسانك يامبدع |
الله الله الله الله الله الله
الله الله الله الله الله الله ! شغل سداحي على اعلى طراز ! سداح يعلم الله انك شاعر لن تتكرر ، وكل نص جديد تثبت ان النهج السداحي حي لم يموت ، ودايم تتطرق للاشياء القريبه منا البعيده عن التناول الشعري ، ولكن تتطرق لها بكل حرفنة لازلت وستبقى هرم شعري كبير نتعلم منه ونفخر بمزاملته ! كثروا اصحاب الفضول ، وقلوا اصحاب الفضيله مجنون شعر ورب الكعبه ! |
عزالله انها قصيده وعزالله انك شاعر ياسداح ونرقب جديدك
خالص الود |
| جميع الأوقات بتوقيت GMT +3. الساعة الآن 05:39 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية