وهي تنضو ثيابها!!
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على عرشها بلقيس كل ٍ يهابها=ويخشى غضبها ويتمنى اقترابها!
تقربت منها زادي الخوف والرجا=وهي في ظلام الليل تنضو ثيابها!
يا كم شاعر هوجس بها طمعة بها=وانا هاجسي قبل الهواجس سرى بها!
مع الليل كن الموت خلفي وامامها= ترى الموت في عيني واراه بخضابها!
جفول وذعور وكل حاجة تريبها= لو يهب نسناس الهباهيب ارابها!
ركضنا على غر المعاني وناحرت=وساع الفجاج اللي تعاوى ذيابها
فلا نوها يرجى ولا ظلها ذرى=ليا شحت بماها تجود بسرابها!
فجاج يهم الذيب فيها من العطش=يشمشم حصى الحره ويلحس ترابها!
هي الفكرة المستعصية كيف اجيبها= وانااللي عصته المستحيله وجابها
على محبرة من نور والحبر ضوءها= بسيطة ولكن مستحيل انسكابها !
كذا يا طلال الشعر واديه اضاعني= بمكة وانا ادرى من اهلها بشعابها!
فكم من غريب ٍعن بلادٍ احاطها= وكم من مقيم ٍفي بلد مادرى بها
عدلت رقبة عوج المعاني وطاوعت=فهل يا ترى الايام تعدل رقابها؟!
ارى حاجتي تعطى لغيري وانا الذي=عطوه العوض فيها وهو ما رضى بها !
ليا اخطا الزمن كبد الحقيقه وصابني= فانا اللي رمى كبد الحقيقه وصابها
تعلمت قبل الشيب يغزي عوارضي=وجربت قبل النفس يذوي شبابها!
ومن يامن الدنيا واهلها ليا اهتنى=ستبدي له الايام مافي جرابها!
[/poem]

فلسفه شعريه جميله تستحق القراءه مرات عده جميع البيوت جميله بصورها وحسها ولكن استوقفني هالبيت بجماله ..
فـلا نوهـا يرجـى ولا ظلـهـا ذرى
ليـا شحـت بماهـا تجـود بسرابهـا!

شكرا اخوي حمد على هاللوحه الجميله .

سجلني متابع .

وتقبل تحياتي .

الله الله

يادكتور


صح لسانك .. وتقبل تحياتي

هي الفكرة المستعصية كيـف اجيبهـا
وانااللي عصتـه المستحيلـه وجابهـا
على محبرة من نور والحبر ضوءهـا
بسيطـة ولكـن مستحيـل انسكابهـا !
كذا يا طلال الشعـر واديـه اضاعنـي
بمكة وانا ادرى مـن اهلهـا بشعابهـا!
فكم من غريـب ٍعـن بـلادٍ احاطهـا
وكم من مقيم ٍفـي بلـد مـادرى بهـا
عدلت رقبة عوج المعانـي وطاوعـت
فهل يا تـرى الايـام تعـدل رقابهـا؟!
ارى حاجتي تعطى لغيري وانـا الـذي
عطوه العوض فيها وهو ما رضى بها !
ليا اخطا الزمن كبد الحقيقـه وصابنـي
فانا اللي رمى كبـد الحقيقـه وصابهـا


اخي ابو تركي اسمحلي رايح اعطي نفسي مطلق الحريه فالتعليق رغم انك فوق التعليق

ترمي بسهام البلاغه فتصطاد رحابة الخيال وبصدق الاحاسيس تجتذب شوارد الافكار

لايزال بيت لك راسخ في ذهني

ماتخرج الصدفه من الجعبه على الشاعر سنان
إلا و باقي في كنانتها سنان اقوى منه

ما اعذب نصوصك وافكارك البكر لله درك

صح لسانك ودمت كما انت

تحياتي واعجابي اللامحدود

ليا اخطا الزمن كبد الحقيقـه وصابنـي
فانا اللي رمى كبـد الحقيقـه وصابهـا
تعلمت قبل الشيب يغـزي عوارضـي
وجربت قبل النفـس يـذوي شبابهـا!
ومن يامن الدنيـا واهلهـا ليـا اهتنـى
ستبـدي لـه الايـام مافـي جرابهـا!


صح لسانك ياكتور الشعر ياحمد هلاليه فاتنه
تقبل مروري وتحيتي

كل الود...

،’
د / حمد العصيمي

الله الله الله

ما أجمل ما تكتب يا مبدع ، ماشاء الله عليك وعلى فكرك الواسع
صح لسانك و سجل متابعتي الأزلية لما تكتب . ،

تح ـياتي

وانا لست الوجيد المتيم بابداعك وثقافتك وكل كلك ..

الغالي سالم العبدلي مرورك فخر يا الامير وشهادة اعتز بها
لا خلا ولا عدم يا الامير

الغالي وليد الغربي صح قلبك لا خلا ولا عدم يا الامير

الغالي سعود غنام وش اقول يا سعود الا كل الشكر لكرمك ولاطراءك يا الامير لعله يوفيك بعض مما تستحق

الغالي سلطان الظيط مرورك فخر يا الامير لا خليت منك ومن حضورك

الغالي ناصر تراحيب مرورك وسام شرف وشهادة اعتد بها لا خلا ولا عدم يا الامير

الغالي فهد الزعبي مرورك تاج على راس القصيدة
كلي سرور بمرورك الانيق يا الامير

الغالي منيف الشيباني مرورك محل اعتزاز يا الامير لا خلا ولا عدم يا الامير

الغالي ابو عبد الله لا خليت منك ومن مرورك ولا تعليق بعد تعليقك يا دب
على قول ابو سالم سقها وشكلنا بنسوقها هههه
اتصل مبطي عن سوالفك

مبدع يادكتور مبدع

محلا القصيده وحلا معانيها ومحلا طرقها الجميل والمميز الهلالي الطويل

انت دكتور شعر ياحمد

صح السانك

خالص الود

دكتور العلم والحرف

تبقى متفراد دائما وانا من عشاق حرفك المخملي النابض

ارى حاجتي تعطى لغيري وانـا الـذي
عطوه العوض فيها وهو ما رضى بها !
ليا اخطا الزمن كبد الحقيقـه وصابنـي
فانا اللي رمى كبـد الحقيقـه وصابهـا


لك مني المتاابعة الجيدة يامبدع