أخواني وأخواتي هنا في هذه المنتديات الخصبه بالشعر والشعراء(المرقاب)

أسعد الله جميع أوقاتكم بالخير والمسرات

مبروك عليكم قدوم الشهر الكريم أعاننا الله وإياكم وجميع أخواننا المسلمين على صيامه وقيامه

آمين

كانت ليلة البارحه الإثنين 27/8/1431هـ من أسعد وأمتع الليالي لدى عدد كبير من أبناء

قبيلة عتيبه أهالي جنوب الطائف وفي مقدمتهم الشيخ/عبدالله بن مستور أبااللعسا .

شيخ قبيلة الروقه الثبته

وذالك في إستراحة الشيخ/عوض بن بادي الروقي الثبيتي بالطائف

تكريماً للشيخ /عبدالله بن عمر بن ربيعان

بمناسبة عودته إلى أرض الوطن سالماً معافا بعد رحلته العلاجيه إلى ألمانيا

حمداً وشكراً لله على سلامة أبو ماجد

حضر الحفل عدد من كبار شعراء النظم والمحاوره وسيعرض قريباً على قناة صدى الفضائيه

هذه مشاركتي مع زملائي الشعراء

عسى أن تنال رضاكم

[poem=font="Simplified Arabic,6,darkblue,normal,italic" bkcolor="transparent" bkimage="" border="double,7,darkblue" type=2 line=1 align=center use=sp num="0,black""]
بإسم عبدالله واسم ربعه إروقة الحجاز=مرحبا والله ياامير القبيله كلها

جيَتك يابن ربيعان منها الشعر فاز=والقوافي من مزون القصيد إتهلها

من روابي نجد إلى الطائف أخواناً عزاز=من رجال عتيبه اللي يظلَل ظلها

كلنا ربع اوقبيله ولافيه إنحياز=عزوة الهيلا بدق العلوم اوجلها

عزوةٍ بين العزاوي يميَزها إمتياز=الشجاعه والكرم والمروَه دلها

عزوةٍ ماتـنـخنـع للعبث والإبتزاز=والقلوب اللي بها غل ندبل غلها

ساسنا ثابت ونبني على الساس العزاز=والأصاله والقيم والسلوم إندلها

وانت شيخ القوم ياضلع راسي مايراز=وانت في يمناك فتل العلوم اوحلها

رحت وقلوب القبيله معك كل الحزاز=والعلوم أوَل بأوَل نبي نوصل لها

عودتك كلاً يبشر بها عبر الجهاز=فرحة عتيبه وكلاً حجاجه فلها

وبإسم عبدالله وإسم ربعه إروقة الحجاز=مرحبا والله ياامير القبيله كلها

[/poem]

المشاركة الأصلية كتبت بواسطة بدر ناصر العجمي (المشاركة 1293086) الحمد لله على سلامة بن ربيعان وصح الله لسانك ولا هنت

المشاركة الأصلية كتبت بواسطة سلطان العطاوي (المشاركة 1293112) الحمد لله على سلامة بن ربيعان وصح لسانك وافي يالامير

المشاركة الأصلية كتبت بواسطة د . حمد العصيمي (المشاركة 1293336) لله درررررررك يبو فيصل لله دررررك علم من اعلام عتيبة وقصيدة في امير من امراءها عانقت هام السحب

المشاركة الأصلية كتبت بواسطة عبدالرحمن السمين (المشاركة 1293410) الحمد لله على سلامة بن ربيعان وصح لسانك وافي ولا عليك زود . وكل عام وانت بخير . مودتي لك .

المشاركة الأصلية كتبت بواسطة منصور البادي (المشاركة 1293428) اول شي السلام عليكم ورحمة الله وبركاته ثاني شي مبروك عليك الشهر الكريم ثالث شي الحمد لله على عودت الامير عبدالله بن ربيعان بالسلامه واسعد الله ايامه وايامك ويجعل افراحكم دوم ماهيب يوم

المشاركة الأصلية كتبت بواسطة وليد الغربي (المشاركة 1293577) بيض الله وجهك ياوصل وصح لسانك وشهادتي في ربعي مجروحه

المشاركة الأصلية كتبت بواسطة عيضه الثبيتي (المشاركة 1294053) صح لسانك يابو محمد كفيت ووفيت وابيض وجه

المشاركة الأصلية كتبت بواسطة علي العضياني (المشاركة 1294098) الله الله صح لسانك يابو محمد قصيده تشرفت بسماعها أثناء الحفل على الهواء مباشره تقبل مروري و إعجابي

المشاركة الأصلية كتبت بواسطة مستور الذويبي (المشاركة 1296479) هلا وغلا ابو محمد:) كل عام وانت بخير .. وصح لسانك وبيض الله وجهك .. دوما حاضر في جميع المناسبات بالجزل من الشعر :) محبتي لكـــ :)