الدره النادره
بسم الله الرحمن الرحيم اعضاء وزوار منتدى المرقاب السلام عليكم ورحمة الله وبركاته تقبل الله منا ومنكم صيام هذا الشهر وقيامه وجعلنا واياكم من عتقائه من النار من باب التواصل وددت ان اضع بين ايديكم مشاركتي الثالثه في برنامج شاعر الوطن تقبلوها بود ((الدره النادره)) [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ديمومة الفكر من نوك سنا البرق ناض=للي يخيله على بعد المسافه وميض [/poem]نو هما الوبل في واد المشاعر وفاض=به مزبد صار له بين الحنايا كضيض قظ القريحه وفاحت به ورود الفياض=بالشعر في روضة الأشجان والشعر هيض لين اثمرت بالخيال الخصب خضر الرياض=تجول به شرد افكاري ربيع ومقيض و على حماية نوادرها من الأنقراض=عنونت اماكن مراتعها بخط عريض وانا المتيم بحب اللي كساها البياض=من حسنها كل شي بوصفها له نقيض معشوقتي في غرامك هاجس الشعر هاض=لو هاجسي مايهيضه كل غض غضيض خافي على نبض خفاقي من الأنخفاض=وخافي على الخافي اللي مابقابه عضيض حبك قدر والقدر مالي عليه اعتراض=وحظي رماني بحبك واشهد اني(حظيظ) لو مارمى العاشقين الا سهام (اللحاظ)=طاهر جنابك سمى عن كل فكر مريض يستاهلك من شهر سيفه لعينك وخاض=معارك الحرب واقصى كل فض (غليظ) ماسطر المجد بالتخمين والأفتراض=ولا هاب يوم الهقاوي ييبسن اللحيض يارد على الموت ورد الضاميه للحياض=ساعة يباس الجريض يحول دون القريض والبيد جرد فدافدها طوال عراض=تطوي بحمرا تورد والنضا له جضيض وعوص النجايب بحملتها يشد (الشظاظ)=في واهج القيض مابين الحجا والحضيض هزيتي الجذع واساقط بوقت المخاض=منه الرطب لين صارت سود الأيام بيض وانجبتي اللي على الجزله سريع انقضاض=حر يسر الصديق وللمعادي يغيض وحضنتي الفكر واحييتي مآثر عكاظ=واصبحتي الرافد اللي بالفرايد يفيض يالدره النادره زاهيك حاضر وماض=من شر عين الحسد تحفظك غين (الحفيظ) ياذروة المجد ياتاج الفخر يالرياض=وجه السعد يافدا طلتك وجه البغيض وكل عام وانتم بخير |
صح قلبك صح قلبك يا هلال
مبدع ورائع للأمانه نص جميل ورائع مودتي لك . :SnipeR (69): |
حجز 2 ولي رجعه
|
الله الله الله الله الله
نص قوي ويستاااهل انك تفووز فيه ياهلال...... قافيه صعبه واجدها..... صح لسآآنك مليووون..... وتقبل تحيّتي ومودتي... |
..
هلا ومسهلا ياهلال .. مبارك عليك ماتبقى من هالشهر الفضيل .. وعزلله انك غبت وحضرت قصيدة تسوالها مليون قصيدة .. وتستاهل الرياض كل هالأبداع منك .. قاف عسر .. ولاعسرك ومعنى جزل .. وانت جزل .. صح لسانك صح لسانك صح لسانك صح لسانك تحيتي |
الرياض الله الله
صح لسانك يا مبدع ولا هنت |
و على حماية نوادرهـا مـن الأنقـراض
عنونت اماكن مراتعهـا بخـط عريـض :) ياسلام إبداع صح لسانك طال عمرك ولاخلآ ولا عدم |
الله الله
ياسلام ياهلال وش هالدره .. الله لايضرك جرس موسيقي رائع ومعاني اروع صح لسانك ولا هنت ياهلال على هالدره |
عليكم السـلام و رحمة الله
هلال عوض المطيري صح لسانك شاعر مبدع وحضورك رائع تقبل تحياتي وتقديري اخوك حسين الدوسري |
اقتباس:
صح كلك على كلك اعتز في شهادتك وتاج على راسي ماخلا ولا عدم شاكر مرورك العطر |
اقتباس:
حجزك مؤكد وترجع سالم |
المبدع ،
هلال عوض لم أتابع المسابقه الاّ بعض أجزاء حلقاتها الآولى ولكن يعلم الله أنّك من أفضل الشعراء وتستحق نجومية المسابقه لإنّك شاعر حقيقي وهذا النص يثبت انّك من افضل الشعراء لله درك ، |
اقتباس:
تستاهل الخير والطيب صح بدنك ملايين واشكرك على المرور المشرف |
نص راقي
له قافية نادرة ومحبوك حبكة شاعر صح لسانك وبارك الله في بيانك وافر التحايا لقلبكـــــــــــ |
هلآل بن عوض آلله عليك مبدع يعلم آلله صح آلله لسآنك مليون ولآ هنت قآفيه و حبك و سبك كل آلشكر |
اقتباس:
ياهلا بك والله يبارك في ايامك وكل عام وانت بخير شهاده اعتز بها ولا عليكم زود صح بدنك وشاكر مرورك المشرف |
اقتباس:
صح بدنك وما تهون مرورك فخر |
اقتباس:
صح بدنك وعمرك طويل مانخلا ولانعدم من الطيبين امثالكم تحياتي |
اقتباس:
صح بدنك ولاهنت اشكر لكم هذا الاطراء والمرور الشرف تحياتي |
اقتباس:
صح بدنك وتسلم يا القرم مرورك شرف تحياتي :wardah: |
درة نادرة
عنوان ومضمون صح لسانك ياهلال مدد بلا عدد اخوك ابوخالد |
اقتباس:
شهادة اعتز بها ووسام على صدري لاهنت يابووليد لاخلا ولاعدم |
| جميع الأوقات بتوقيت GMT +3. الساعة الآن 05:18 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية