عيــــديّه
السلام عليكم ورحمة الله وبركاته
من العايدين قبل الزحمه وبعدها :) [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""] كلْ عام والمسلمين بخير = لو إنها صعبه شويه جمله ترى مالها تفسير = تنقال فالفطر واضحيه تركيب .. واصياغه .. وتعبير = ومشاعر ٍ لا شعوريه فالمجتمع مالها تأثير = الاّ تثير الحساسيه بالله يا فنّي التخدير = ما ناقص أخطاء طبيه نفخت مع نافخين الكير = وأحييت روح انهزاميه مع خالص الشكر والتقدير = لظروفنا الإقتصاديه نعيش في مرحلة تطوير = وانموت لا ذي .. ولا ذيه اشطب على الفكر والتفكير = وأكتب عن الوعي مرثيه (حوار ) الأديان حاشي ضير = يشرب حليب السعوديه !! والله ليبطي مصار ابعير = لو سوّقوه الشريطيه الزيت مع داهنين السير = تقاسموه الحونشيه بالعيد يا سايق التبشير = مانيب فرحان موليه بشّر به ( احجاب ) و ( التعمير ) = و ( الأندلس ) و ( العقاريه ) كلْ عام والعيد عايد .. مير = بين انفعال وفعاليه كلْ عام ومعايدينا غير = وأعيادنا غير عاديه كلْ عام مانقبل التغيير = الاّ بحاجات سلبيه كلْ عام مع صفنا الآخير = انوقّع الإتفاقيه مال الفشل عندنا تبرير = ولاللنجاحات ماريه وش صار فينا .. وويش يصير = أحداث الأمه دراميه يا مصّور اتعب على التصوير = أدوار ربعي بطوليه تعلقوا في جناح الطير = والطير كلّه رومنسيه شدّت طميه وآقام النير = على ظهر كوره أرضيه لو جيت فازع وجيت امغير = ردّة فعل لا إراديه نستبعد الخمر والخنزير = وانقرّب السمّ والحيه !! ما فيه للمؤمنين أمير ؟ = يا أهل البشوت الحساويه ما فادت اسياسة التشفير = لأقمارنا الإصطناعيه هدّوا شرفكم بأبو جنزير = وابنوا علاقه حميميه يا معلن العيد بالتكبير = ما عاد للعيد اهميه تراك مسموح فالتأخير = وأعيادنا شبه يوميه كلْ عام .. كلْ يوم وأنت بخير = من قلب والنيه النيه عيّد على ذمّة أهل سدير = وأخذ مع العيد عيديه [/poem] وسلامتكم :) |
كل عام انت بخير
1 :wardah: |
عايض صديقي :
معايده رغم انها تحمل في طياتها التشاؤم .. الا انها مليئة بروح التفائل .. التي يعجز اي شاعر ان يضمنها في نص واحد .. الا من هو على ماركة ( عايض النفيعي ) اجبرتني اسجل دخول واكتب هالرد .. والله يسامح العطاوي يوم يسبقني على الكرسي الاول رأيي فيك تعرفه مبطي .. مير كل عام وانت الخير والسعد لهالدنيا ياالشاعر العملاق .. |
صديقي العطاوي
يا مرحبا يا مرحبا بالحجز وراعيه مما يشرفني أنك دايم على المقاعد الأولى في رحلاتي :) كل عام وأنت بخير يا صديقي |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مصّور اتعب علـى التصويـر=أدوار ربـعــي بـطـولـيـه تعلقـوا فـي جنـاح الطـيـر=والطـيـر كـلّـه رومنسـيـه شـدّت طميـه وآقـام النـيـر=علـى ظهـر كـوره أرضـيـه لو جيت فـازع وجيـت امغيـر=ردّة فــعــل لا إراديــــه نستبعـد الخـمـر والخنـزيـر=وانقـرّب الـسـمّ والحـيـه !! مـا فيـه للمؤمنيـن أميـر ؟=يـا أهـل البشـوت الحساويـه مـا فـادت اسياسـة التشفيـر=لأقـمـارنـا الإصطنـاعـيـه هـدّوا شرفكـم بأبـو جنزيـر=وابـنـوا عـلاقـه حميمـيـه يـا معلـن العيـد بالتكبـيـر=مـا عــاد للعـيـد اهمـيـه تـراك مسـمـوح فالتأخـيـر=وأعيـادنـا شـبـه يومـيـه كلْ عام .. كلْ يوم وأنت بخيـر=مـن قلـب والنـيـه النـيـه عيّد علـى ذمّـة أهـل سديـر=وأخـذ مـع العـيـد عيـديـه[/poem] ,, [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عيّد علـى ذمّـة أهـل سديـر=وأخـذ مـع العـيـد عيـديـه[/poem] يا كثر ما عيدنا لى ذمتهم صديقي الغالي يشهد الله أني معجب بكل ما تكتب تسلسل يعور القلب وقصيد ينومس لله درك , لله درك , لله درك , صح لسانك كثر مافيها من خطوط حمراء وإبداع :wardah: |
مرحبا ياعايض
وكل عام وأنت بخير وصحه وسلامه وألف شكرا ً على هذه العيديه المميزه قصيده مالها اسم الا ضرب مخلص اللي يقولونه :) عيّد علـى ذمّـة أهـل سديـر وأخـذ مـع العـيـد عيـديـه:) صح لسانك تحياتي وتقديري |
أرحب أرحب يالأمير
والله أني أتنومس بك ياعادل واتشرف بـ ردّك ولي حق أفخر بك صح بدنك يا أمير وشاكر لك الإطراء كل عام وأنت بخير يا صديقي << ولا تنسى تجيب لي قهوه :icon_mrgreen: |
صح لسسسآإنك يـ عآيض وكل عام وآنت بـخيرررٍْ :wardah: |
مرحبا تراحيب السيل
عد مابين الخرج والبجاديّه انتظرني لين اصلي القيام وأجيك بأختها ان قالها الله :) |
الله الله الله الله الله الله الله الله
الله الله الله الله الله الله الله الله ما شاء الله تبارك الوهاب ايه ياشيخ ايه ايه عايض النفيعي لله درك على هالابداع وهالعيدية اللي توقف شعر الراس والله انك رقم صعب في الابداع ياعايض تقبل التقدير والاعجاب اللي يزيد مع كل نص وكل عام وانت بخير |
اقتباس:
وعليكم السلام وحرمة الله وبركاته وكل عام وانت بخير .. وغير :) لله درك ياعايض عزالله انك اشبعت الذائقه صح لسانك الى حد الثماله .! محبتي واعجابي ياكنق أخوك |
ماشاء الله وكان ياعايض
صح لسانك وفكرك يامبدع تغرف من بحر الله يزيدك متابعتي وشكري |
..
عايض لو خليت خربت صح لسانك .. وتفائل بالخير تجده : ) |
كـلْ عـام مانقبـل التغيـيـرالاّ بـحـاجـات سـلـبـيـه
صح لسانك ولا هنت |
عيديه بـ عزف على جروح ،
وبإبداع راقي رهيب بديع لله درك ياعايض .. مذهله مذهله مذهله هكذا الشعر الذي يستحق أن يكون في القمّه تحياتي لك وكل عام .. كل يوم وأنت بخير :) |
الله الله الله
يالنفيعي..... ويآآحلوو هالطرق هذآآ حلوآآه..... صح لسآآآآنك مليووون.... وتقبل تحيّتي ومودتي.... |
كل ّّ عام وكل ّّ يوم وأنت بـ خير ورايـّّي تعرفه يـ الأمير صح لسانك وترانا بـ إنتظارك : ) وتقديري لك ،، |
'
الله الله الله الله الله الله الله الله نص متكامل .. نص نموذجي ، عايض .. اول شي : وحشتنا ، ثاني شي : كل عام وانت بخير ثالث شي : سبحان من ألهمك يا مبدع ! لله درك وصح لسانك ملايين ولا تكفيك ! |
الخير قدام بإذن الله الواحد الأحد
صح الله لسانك ولا هنت وتقبل الله طاعتك وكل عام وانت بخير |
مجرم مجرم مجرم مجرم
صح لسانك ياعايض وكل عام وانت بخير لله درّك يامبدع . :wardah: |
سلطان العطاوي
صح بدنك يا غالي وشاكر لك مرورك الجميل والعذب إطرائك وسام على صدري وأنا اخوك تقديري لك وسلامي عليك |
وعليكم السلام ورحمة الله وبركاته
الغالي سمي العود كل عام وانت بخير والله يقبل منا ومنك صالح الاعمال وصح لسانك على هالعيّديه الكايفه اخوووك |
| جميع الأوقات بتوقيت GMT +3. الساعة الآن 01:33 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية