َبنوك بلا رصيد !
في ظل حملة التغيير التي يقودها المفكر فضيلة الشيخ / سلمان العودة ، أبيت إلا أن أكون شريكاً فيها بما وجدته ، وقد قالت أمةُ خلت : ( الجود من الموجود ) ..!
احترامي لكل من سأحضى به هنا ولو بالصدفة ! [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا شيخنا سلمان والتغيير مفتاح الكمال = والآدمي مجبول في الدنيا على حب الجديد لكن في ظل الظروف الراهنة يبقى السؤال = وش قيمة التغيير لا صرنا بنوك بلا رصيد ؟! نقول ما لا نفعل ونفعل بعد ما لا يقال = ونوعد ونخلف ونتعذر دايم بعذر البليد عقود من عمر الزمن مرَّت وحنا لا نزال = نبكي على أطلال النصر ورسوم ماضينا المجيد من كثر ما نحكي عن الماضي ونسرف في الجدال = ما نعرف لبغداد حاكم غير هارون الرشيد ومن كثر ما نغفل عن الواقع ونجفل للخيال = صرنا نوابغ في الخطابة والمقالة والقصيد يا كثرنا في القول والمنقول لو ما له مجال = ويا قلنا لا جا مجال الفعل في اليوم الشديد نقول ما للحمل غير الحمل وظهور الجمال = وجمالنا هادت عزايمها وعيّت لا تهيد ولولا الجمال اللي بقت بحمولها تشيل الثقال = صارت عروبتنا مجرد رمز في طابع بريد ستين عام القدس تستجدي بسالات الرجال = وحنا نعشمها بحلٍ سلمي وعيشٍ رغيد ستين عامٍ وانقضت والاحتلال الاحتلال = وحنا نحاول نجمع الأضداد في وجه الضديد نعقد قمم ، نشحذ همم والسالفة روح وتعال = نشجب ونستنكر ولا ندري وش اللي نستفيد وهناك في غزة يغيب البدر ويهل الهلال = والطفل ما حصل غذا صالح ولا حقنة وريد وبغداد مسرح للفتن والتصفية والاغتيال = وش لون ما تختل والمحتل له فيها عضيد متوارثين الضعف أباً عن جد وإلا عن خوال = نزيد لكن مع زيادتنا مواجعنا تزيد ويا قاري التاريخ سامراء مضرب للمثال = والله يستر لا تصير ( إسلام أباد ) إسلام أ ُبيد ! يحق لك تسأل وأنا أجاوب على قدر السؤال = والأمر لله والله يدبّر بخلقه ما يريد إن كان تبغى تعرف اللي يحكم العالم تعال = ( ارسم مثلث وأقلبه ، وارسم مثلث من جديد ) [/poem] |
1
يا برنس |
نايف معلا
لله درك على هذا النص المتفرد الذي يشي بما تمتلك من موهبة وابداع وفكر فذ فيه اخطاء في الطباعة اتمنى تعديلها حتى يستمتع جميع من يمر من هنا بهذا الابداع صدر البيت الاول وصدر البيت الاخير اعتقد ان فيها اخطاء طباعية تحيتي وتقديري ومودتي |
اخوي نايف صح لسانك شعر غني عن التعريف
وشاعر مبدع ولست في حاجه لشهاده اواطراء عندي ملاحظه لو تسمح صدر البيت الاخير ناقص كلمه مدري انت متعمد او خطا مطبعي تقبل مروري واعجابي تحياتي لك |
نايف معلا
صح لسانك و صح فكرك قصيده مليئه بغزارة المعنى خاليه من العبارات ( الجوفاء ) :icon29: تقبل مروري وإعجابي الشديد بما تكتب من إبداع منقطع النظير |
لكن في ظل الظـروف الراهنـة يبقـى السـؤال
وش قيمة التغيير لا صرنا بنوك بـلا رصيـد ؟! نقول ما لا نفعـل ونفعـل بعـد مـا لا يقـال ونوعـد ونخلـف ونتعـذر دايـم بعـذر البليـد عقود من عمر الزمـن مـرَّت وحنـا لا نـزال نبكي على أطلال النصر ورسوم ماضينا المجيـد جلد للذات ولكنه في محله صح لسانك كثر ما ابدعت في حبك وسبك هذا النص احترامي يا نااايف |
الله الله الله
اما ابو مثلث هذا له قصه غيييير الله يذهبه عاجلاً غير آجل جزل ياابو معلا ومُحلق في سماء الإبداع بيض الله وجهك وتقبل فاااائق تحياتي وإعجااابي |
هذا هو الحال ..!
نايف حضورك دائماً مميز هنا بإسلوبك الخاص ، تفننت في تشخيص واقعنا المرير لك كل التقدير والود . وياليت تصحح صدر البيت الأخير .. علشان يكتمل الجمال : ) |
،
لله درك يا نايف ، كتبت وابدعت ، ســتـــيـــن عــــــــام الــــقـــــدس تــســتــجـــدي بــــســـــالات الــــرجـــــال وحــــــنـــــــا نــعــشـــمـــهـــا بــــــحـــــــلٍ ســــلــــمـــــي وعــــــيـــــــشٍ رغـــــــيـــــــد ســــتــــيـــــن عـــــــــــــامٍ وانــــقــــضـــــت والاحـــــــتـــــــلال الاحـــــــتـــــــلال وحــنـــا نــحـــاول نـجــمــع الأضـــــداد فــــــي وجــــــه الــضــديــد صح لسانك ولاهنت |
صح لسانك شاعرنا القدير نايف
قصيدة تحاكي واقع مرير نظمها شاعرها بموهبة فريده صح لسانك يانايف معلا واعتلا شانك |
والله يستر لا تصير ( إسلام أباد ) إسلام أ ُبيـد !
كبير يابو معلا كبير ! والله انها من آجمل النصوص اللي قريتها واجمل ماكتبت يامبدعنا شعر يدرّس بكل ماتعنيه الكلمه صح لسانك |
لكن في ظل الظـروف الراهنـة يبقـى السـؤال
وش قيمة التغيير لا صرنا بنوك بـلا رصيـد ؟! صح لسانك ولا هنت |
من كثر ما نحكي عن الماضي ونسرف في الجدال مــــــــا نــــعــــرف لــبـــغـــداد حــــاكــــم غــــيــــر هــــــــارون الـــرشـــيـــد ومـــــن كــثـــر مـــــا نــغــفــل عــــــن الـــواقـــع ونــجــفــل لـلـخــيــال صــــرنـــــا نــــوابـــــغ فــــــــــي الــخــطـــابـــة والــمــقـــالـــة والــقــصـــيـــد يـــــا كـثــرنــا فـــــي الــقـــول والـمـنـقــول لــــــو مــــــا لــــــه مـــجـــال ويـــــا قـلــنــا لا جــــــا مـــجـــال الــفــعــل فــــــي الـــيـــوم الــشــديــد نـــقـــول مــــــا لـلـحــمــل غـــيـــر الــحــمـــل وظـــهــــور الــجــمـــال وجــــمــــالــــنــــا هــــــــــــــــادت عــــزايــــمــــهــــا وعــــــــيّـــــــــت لا تـــــهــــــيــــــد ولـــــولا الـجــمــال الـــلـــي بـــقـــت بـحـمـولـهــا تــشــيــل الــثــقــال صــــــــارت عــروبــتــنــا مــــجــــرد رمــــــــز فــــــــي طــــابـــــع بــــريـــــد ياسلااااااااااااااااااااام يابو معلاااااااااااااااا جزاااااااااااااااااااله وابدااااااااااااااااااااع كم عهدناااااااااااااااااااااااك صح السانك وبنانك تقبل تحياتي وتقديري ابو تركي |
ويا قـاري التاريـخ سامـراء مضـرب للمثـال
والله يستر لا تصير ( إسلام أباد ) إسلام أ ُبيـد ! ويا قـاري التاريـخ سامـراء مضـرب للمثـال والله يستر لا تصير ( إسلام أباد ) إسلام أ ُبيـد ! ابو معلاّ... لن أزايد في الإطراء.. فيكفيها فخراً انها سادت بإسم عمّها نايف معلاّ.. صح لسانك و اعتلا شانك.. رأيي فيك لا تحجبه الشمس.. و أقولها بالفم المليان.. انت ابداع آخر في سماء الشعر.. اخوكم ش. س. |
ابو معلا ,
مختلف مختلف مختلف عن السائد , شعر كثيف وفكر متألق وطرح مميز , صح لسانك وبيانك وفكرك , مودتي لك يا عملاق . :wardah: |
أشكر الأخوة الذين نوهوا بشأن الأخطاء المطبعية ، وأرجو من مشرفي الشعبي تعديل صدر البيت الأخير ليصبح :
وإن كان تبغى تعرف اللي يحكم العالم تعال ! وشكراً :) |
نايف معلا
صح لسآآنك مليون.. شآعر مبدع وجميل.. لآفض فوك.. وتقبل تحيّتي ومودتي.. |
العم فيان صح لسان واعتلا شانك
شاعر علم وشهادتي فيك يقطر دمها:0012: |
نايف معلا
صح لساااانك وبيض الله وجهك ولا هنت على ما بدع فكرك |
اقتباس:
ياسلام عليك يابومعلا صح لسانك لين ترضى شهادتي فيك مجروحه دام ابداعك |
سلطان العطاوي
جعلك سباق لكل خير حتى تعود تقبل شكري وتقديري |
الله الله
ابدعت وامتعت يا بن معلا الله لا يعوقك وصح لسانك ولا هنت :wardah: |
| جميع الأوقات بتوقيت GMT +3. الساعة الآن 08:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية