اخواني واخواتي
السلام عليكم ورحمة الله وبركاته وبعد.
البعض يعلم بأن الله رزقني في اواخر شهر رمضان المبارك بابن اسال الله ان يحفظه ويصلحه هو وجميع اخوانه ويحفظ لكم ابنائكم من الجنسين ويصلحهم امين.
فقد اسميته (فيصل) باسم الراحل الشاعر/ فيصل الرياحي فقيد الساحه والعلوم الغانمه فهو كانت تربطني به صداقه حميمه وبيني وبينه مراسلات واتصالات رحمه الله رحمه واسعه واسكنه فسح جناته وقد رأيت ان من واجب الوفاء بهذه الصداقه بعد الموت الدعاء له و اني اسمي على اسمه دون شروط وتكاليف من اقاربه بل اسم فقط.
ولن اتجاوب مع اي احد في بعض التقاليد والسلوم التي لم ينزل بها الله من سلطان.
http://www.shuaraa-almidan.com/vb/up...1286454580.jpghttp://www.shuaraa-almidan.com/vb/up...1286455534.jpg

يافيصل إسمك على إسم الراحل العيّه=اللي فقده الشعر والجود والناسي
والطيب والعز ودروب الشهاميّه=والدين والعِلم والاخلاق والباسي
ادعي له بكل ساعه وارفع إيديّه=ان إله في جنة الفردوس مجلاسي
معَ رسول الله وصحبه وآليِّه=وأنصار طيبه هل النخوه والاحساسي
جاه القدر مع شروق الشمس صبحيّه=في مفرق الخرمه وخلاه متواسي
وتناقلته القناوات الفضائيّه=ومواقع النت مع جوال ألآماسي
وإحتار فكري وثقلت كل رجليّه=وهلت دموعي وضاق الصدربانفاسي
وعليه صليت واخلاقي تجاريّه=من حر مابي ماغير معصبٍ راسي
ماهو سخَط فالقَدَرحِكمه إلهيّه=لكن غلاه ورحيله فالحشى ماسي
وعزَّيّت جمهوره وربعه عموميّه=وعياله اللي عليه الكل محتاسي
في قصر عده لضيفانه خصوصيّه=وضيوف ربعه رجال السيف والطاسي
ان جو معازيم والا جوه طرقيّه=يلقون فيه الكرامه والتوناسي
ماقفله والا حط اسعار شَهريّه=في لافته للتكسب والتلحاسي
كم دعوةٍ من وفاه توجهة ليّه=لكن مالله كتب من ظرفي القاسي
جيته بعد مات والجيّه هي الجيّه=كَوَت فؤادي سنين بميسم إنحاسي
والله لتبطي وهي فالقلب ماريّه=يكود عوضتني واصبحت بك ناسي
لن جيت وافي وصافي قلبٍ ونيّه=تسمح وتدمح ولالك فالردى ساسي
حازم وجازم ليا جت للحرابيّه=ومن الخطر صارت الارياق يبّاسي
وقفت شامخ شموخ فجيج ورييّه=ماتحرتك من هوا عاتي ونسناسي
حي الاسم والمسمي والسَّمي حيّه=عزالله إنك عَوَض فالطير قرناسي
والله يحفظك من هذيّ وهذيّه=من الحسد والغوى من كل وسواسي
وتعيش طايع لربك معتني فيّه=مطيع والدتك ومحبّ للناسي

http://www.almrazeeg.com/up/upload/wh_19774347.JPG
http://www.shuaraa-almidan.com/vb/up...1286454901.jpg
http://www.almrazeeg.com/up/upload/wh_53933759.jpg

رحم الله .. فقيد الوطن
فقيد الشعر فقيد الجميع
فيصل الرياحي
العلم الذي مااازااال بيننا
وعساه ذخر من سمي على من يُفخر به
شكرا لك ..
وصح لسااانك للأبـــــد

المشاركة الأصلية كتبت بواسطة نادر العنزي (المشاركة 1324635) , الله يرحم فيصل ويسكنه فسيح جناته . . ويطول بعمر ابنك فيصل , ويصلحه في دينه ودنياه . . وصح لسانك , وهذا يدل على انك رجل وشاعر وااافي والله يكثر من امثالك . . تحياتي ,