وش فيك ما تشتاق لي ..!
 

.
.
.


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا نوف دمعاتي اللّي معْ قصيدي حكن = ما ردّن اللّي عشانه ينكتب كل بيت
لولاه ما كان لي في القسم هذا ركن = ولولاه ما مرّت الذكرى عليْ و بكيت[/poem]

.
.
.

.
.
.





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سافـرت لجل انسـاك لكّن السفـر=حطّب لهيب الشوق من حدب الضلوع

وأنا احسب انّي من امر يم (الحفـر)=بسلى عن احساسي و عن هلّ الدموع

ذكراك ما خلّت لنسـيانك مفـر=دربٍ يودّي وألف دربٍ للـرجوع




[/poem]

.
.
.

.
.
.





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كل ما ناديـت بإسمك يجاوبـني الصدى=و أصبح بحالة ما بين الوعي و اللا وعـي

كيف تتركني وحيدة و لا عندي جـدى=عقب ما مسحت عن مقلتـيني مدمـعي

انت غايب عـن مسٍنْجٍرْك و اعن المنتدى=و أنا من بـين الثنيـنه متعبّـني السـعي

انتـهى كـل ما جمعـنا و توّه ما ابـتدا=قول لي وش لون بقنع و أستوعب و أعي![/poem]

.
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ليه القلـوب النابضة مثل القلـوب الميّتــة !=تنبض عشان تعيش .. بس احساسها مافيه حـل

بعـض النـوايا من بعد ما غبـت عنّي مبيّـتة=والبعض الآخر من غلاتك : بألف خير و ميتْ فل

الدمـع هلّيـته عشـان تشـوف به ماريّتـه=يا مفارق عيوني يا ليت تشـوف دمعي يوم هل

جوّالي مـن كم يـوم ما شحنـت بطّاريّتـه=ما جاني منّك اتصال.. وشحنـها للحين فل:([/poem]



.
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]




قاسي و قلبـك صخر واحساسـك بليـد=و تعطـي وعـودك وانـت مبـ \قد العطـا



متكبــر و جاحــد ومغـرور و عنيـد=و في سكّــة النكــران وثّـقت الخطـى



النــاس لا اخطـت من خطاها تستفيـد=و أنا استفــدت ا من الخـطا مثله خـطا[/poem]




.
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ما كان ودي( اشتكي )منْك يومك تعتــذر لي =احتجت اكثر.. من الـ\عتاب انّي (اشتكي لك)

البعد عنّك عطاني درس وافي.. واختصـر لي=اشيا كثيرة تمنيّت اختصـرها : (بالبكي لك)[/poem]



.
.
.

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوقت خيره ضايع بـ \شره وانا اتقي شره=والخوف لو يفتح لي بيبانه سكّرت بيبانه
ما كنت خلف احساسي منجرّة والحين منجرّة=تخاطفت من وجهي ألوانه ولا ردّت ألوانه
يلي تغيب وغيبتك مُرة و مب مثل كل مَرة=هالمرة هذي مالها خانة ولا للعذر خانة
لا جيتك اعاتبْك وأتشره من حقي اتشره=كرامتي في البعد منصانة واحقوقي منصانة[/poem].
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ودي اضحك لين ما تدْمع عيوني=مبطي ما نزّلت لي دمعة فرَح


وآتريّح و أرمي حملي عن متوني=ولا ألتفت لأي ضلع فيني منجرح


نفسي مرّه منهو يسألني شلوني=أقدر آجاوب و صدري منشرح[/poem]

.
.
.

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

لي متى وإنت تجـرحني كـذا!=و لي متى بَـتحمّل هالـجروح



لوعة ..و ضيق.. وآلام.. وأذى=و فوق هذا.. تخلّيني وتــروح[/poem].
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]




من نغزني خفوقي وأنا ماني بخيـر=أضحك ابلا شعور وأبكي ابلا سبب



أشعر إن المصايب فوق راسي تطير=وخايفة ماتوقّع فوق صدرن رحب



اللّي أعشقْـه غايب عن عيوني كثير=وْلا أعَرف كيف أوصّل له (رسالة عتب)



دربه الّيــا مشيته طال فيه المسير=كل خطوة تقدّم بعد خطوة هرب



حلمي اللّي معيّشني بواقع مرير=إيه ماهو حقيقة بس ماهو كذب



أكتب امن القصيد الليّ يهز الضمير=لجل يكتب شعوري كل بيت انكتب



ليه يا نجلا تلومين قلبي الكبير؟ =مو بديني احب اللي يا نجلا أحب




ما اقول انّي غير وباقي الناس غير=خافقي لاتوّلع من ضلوعي حطب[/poem]




.
.
.

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أنا شعوري فوق هامات السحب=ومتعافية وبألف خير وطيّبــة


دامي عرفت إن القلوب اللي تحب=مهما خذاها البعد تبقى قريّبــة[/poem]



.
.
.

.
.
.



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


اشتاق لك وإنتَ معي=وش لون لو خلّيتني!


يمر صوتك مسمعي =و أتخيّل إّنك جيتني


بين الوعي واللا وعي =مرّيت ولا مرّيتني[/poem]

.
.
.

.
.
.


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


خلص كلامي وإنت خلّص كلامك =وش عادي باقي ياحبيبي نقوله!


من قبل لا ترمي عليّا سلامك =وأنا أحسب امواجهْك حاجة مهولة


أثر الغلا لو حل ضيمه .. وضامك =ماعاد تشعر به إليـ دار حوله


مشاعري كانت محط اهتمامك=من يوم كنت أشتاق وأعشق وأوله


واليوم أنا ما عدت لذّة غرامك =و اللّي بقالك .. من مشاعر ملولة


كل ما نسيتك رحت تطري.. علامك!=ويطري معاك الورد لحظة ذبولة


ما كنت عجلى في موادع هيامك=لو خطوتي للبعد كانت عجولة


لا تعتذر لي عقب خلّص كلامك=عذرك سمين .. ولا يسعني قبوله: )
[/poem]

.
.
.

.
.
.




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عساك بخير يا قلبي ويا نبــضه و شريانه=كثر ما مرّني طاريك في بالي .. وقبّلته


تغيب وتزعل اعيوني وانا مانيــب زعلانة=غلاك ان طاح من عيني.. بقلبي يالغلا شلّته


انا من يوم قابلتك فتح لي الحــظّ بيبانه=كأنه شي ناقص في حياتي وإنت كمّلته[/poem]







.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قاطعة ومنغرّة ومتكبرة ومغرورة=هذا رايك بعد ما طوّلت عنْك الغيبة!



خل قلبك لا ذكر قسوتْك ينسى اشعوره=ولا يدوّر في وداعي لك مواري طيبة[/poem]

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


لا سلام ولا كلام ولا وصال !=شنهو اللّي غيّر اطبوعك معي!


بستهل الحكي لو مالي مجال=وإسمع إسمع قبل لا تقول اسمعي


الجفا حرام يا ولد الحلال=وإنت أكثر شخص بإحساسي يعي


أبكي الفرقا على مر الليال=وأنتظر صوتك يمر بمسمعي


سال كحل العين يوم الدمع سال=ولا قدرت أرد نظرات النعي


كيف كنت أم الدلع وأم الدلال=وصرت بعد الكبر أسعى لك سعي


بسألك .. لو مت من ذل السؤال:=عادي عندك لو غرقت بمدمعي؟


وإنت من خلّيتني يابن الحلال=صرت بين الوعي وبين اللا وعي[/poem]
.
.
.

.
.
.



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وش ذكرك فيني بعد طول الغياب= شلّي تغير فيك لجل يرجعك؟
من يوم غبت وكل شيٍ معك غاب=ظلي وهو ظلي تركني واتبعك
ذوبت قلبك لين قلبي فيه ذاب= وقربت لي ولابه اللي يمنعك
اعطيتك ا من الحب ما لذ وطاب=وكل مافي قلبي كان رهن لإصبعك
اذنبت حبك بس قلبي عنْه تاب = والحين تبغاني أوقف واسمعك؟
إن قلت لعيونك هلا رغم العذاب = ماهوب لجلك .. لجل فيضة مدمعك
سكرت بابي وانت عندك الف باب=انا معاي الله وانت الله معك
وإن قلت وين الحب يا سمح الجناب = ودّعْك قلبي يوم رحت أودعك[/poem]



.
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الضيق مِركي على صدري وخانقني= وانفاسي يادبوها تلحق على عمري
وشهو انا يا حبيبي لو تفارقني = مخطوف لوني ومغلوبة على امري[/poem].
.
.

.

.

.



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


يا نوف هذا الجو ماهو ابــ \عادي=وأنا شعوري يشبه الجو يا نوف


أحس حاجة ناقصة في فوادي=وأحس بي حاجات زادت على الجوف


ارقى على رجم المشاعر وأنادي=واللّي نصيـته صار أبعد من الشوف


علّـمني كيف أخاف وأكره وأعادي=ومن قبل أعرفه ماعرف قلبي الخوف


راح وتركني بين صفق الأيادي=واظروف ترعبني وتقتلني اظروف


كانه تغيّـر في الثياب الجدادي=الله يبيحه.. والله ابـ حالي يروف


امّجمّل ابـ ماضيـه لوّ.. البعادي=ما كسّـبه فيني جمالة ومعروف[/poem]


.
.
.

.
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


وش لون ما اضحك وانا ودّعتك البارح!=والجو مبعث فـرح والقـاع ممطـورة

قصيدك وشوقك واحساسـك الجـارح=ما نزلو دمعتـي لـو كنـت مقهـورة

لا ينتظر دمع عينـك رد فعـل شـارح=البعد عنّـك يحطـك داخـل الصـورة[/poem]



.
.
.

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

قل الأدب ماهوب مثل الميانة = هذا وللحينك علي ما بعد منت
الرجل عند البنت يطيح شانه = لا صار ما يعرف يسولف معَ بنت[/poem]



.
.
.

.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يلي كلامك مثِل قصايدك غير = و كل سالفة منْــك تكفل رفْع شانك
سولف .. و خل الشعر لعوير وصوير = وبقول كل ما تسولف : صح لسانك[/poem]


.
.
.