ماقلتها ابغى شاعر العضيان بالقاب الشعر
قصيدة تشرّفت بالقائها في حفل
الشيخ / بدر بن نايف الضيط الذي اقيم الخميس ليلة الجمعه 13/11/1431 بمناسبة اعتاق الشيخ صالح بن سفر التويس العضياني لرقبة بن اخيه والذي شرّفه العديد من مشايخ القبائل والمسئولين وغيرهم [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""] في موقف العضيان ماقدّم عن الواجب عذر=مهما اشغلتنا فالحياه ايامها واليالها النير في جنبه بنينا للعلا بيت الشعر=بيت ٍ لو اتجيه السحابه يعترض لخيالها هذا محل اللي بوقفاته مع الناس اشتهر=وقفاته الحال ومواقيف العباد لحالها شيخ ٍ بناله هامة ٍ من فعل ماهي من حجر=وركاب مجده في رياض العز حط ارحالها بشته على عدة قبايل ضافي ٍ طيب وقدر=تذود عنها شيوخ مزحم في جميع احوالها الضيط جاهه يعتق الارقاب ويفك الاسر=لو كان جده لاغضب قص الرقاب وشالها شالح سطى بعمهوج فالاتراك شرق من القصر=واسقط حكومه فالخليج اتامّن استحلالها ياكاتب التاريخ سجّل كل ليل من الشهر=هذي تراها تشابه اليال العياد اليالها هذي من احدى المعجزات اللي يخلّدها الدهر=ولافاز فيها غير شيخان ٍ تعد افضالها تركي بن بجاد وبن محمد صنيتان وبدر=حتى الحكومات يغبط منزالهم منزالها ياصالح اعتاقك تراه اعتاق لارقاب البشر=مكانتك على غرار الفعل ماحد ٍ نالها نرجي لك الجنّه جزا والله لايحرمك الاجر=هذا جزاك وكل نفس ٍ تنجزي بعمالها حاتم هو اجود من عطى لكنّ فقته فالامر=توقيعك انقذ روح مومن كبّلت باغلالها ماهي غريبه تعتقه دين وكرم يابو سفر=حنا من اللي تفخر عتيبه بطيب افعالها لنا على الدنيا عزوم ٍ تنوخذ منها العبر=نصبر ولو نفقد بعضنا من حدود اسلالها امتونّا تشيل الحمل وعزومنا تقض الصخر=وبيوتنا من ماضي الدنيا يظل ضلالها نرى الشجاعه واجبه والذله الذله كفر=وندحر شياطين النفوس اللي تبي تغتالها فينا على الفزعه غلاثة ذيب واسهامة صقر=الاوله نسبق لها والمعجزه نسعى لها بظلالنا حتى الطيور تعيش ماجاها كدر=وباحساننا حتى اليتامى ناسيه فقد آلها كان الشيوخ نجوم بدر الضيط يشبه للبدر=وكان القبايل بالفعول جبال حنا اطوالها الياحضرنا فعالنا تلجم عنيد ٍ يفتخر=وان كان غبنا افعالنا تحضر بدال ابطالها اليا عطانا جودنا يغني قبايل من فقر=واليا بطشنا قوم ٍ تكابر قطعنا اجيالها عدوّنا ماله ملاذ ٍ من سهمنا الا القبر=وصديقنا لو ودّه يطول الكواكب طالها لنا من الحكم القضا ومن المجاليس الصدر=ومن الديار اسنامها ومن العدود ازلالها الناس تارث مال والعضيان مورثهم فخر=الناس تجمع مال والعضيان تفني مالها اللي خذا منا يبي نسب مقام ٍ معتبر=واللي خذانا بنته يفاخر بفعل عيالها مافيه صبح ٍ يشرق الا امجادنا ازدادة ذكر=ولافيه ليل ٍ يمسي الا فاعلين امثالها هذي مشاعر شاعر ٍ لاطوّح بصوته عصر=ترايعت له من هواجيس القصيد اجزالها ماغبت يالعضيان والليله هنا النثري حضر=قصيدتي مثل الشوامه والفكر خيالها اليا سرجها مثل مقذل من هواجيس الفكر=شفت اكثر الشعار مع قولي تضيع اقوالها ماقلتها ابغى شاعر العضيان بالقاب الشعر=مير المواقف من قديم الوقت حنا ارجالها[/poem] وســــــلاــمـــــتكم |
صح لسانك يا مشاري
والله يكتبها في ميزان اعماله قصيدة وافية وانت وافي لاهنت ولك التحية |
كفو كفو يالعضياااااااان قول وفعل
وصح لساااااااانك مليون يا مشاري وبارك الله في من سعى للعفو وفي من عفى |
صح لسآآنك..
يامشاري.. وعزالله انك شآعر جزل.. ولآهنت.. |
,
الله يكتب أجر كل من سعى في هذه القضيه . . ويعطيك العافيه على الجمال والإبداع صح لسانك يا مشاري . . . لا زلت في نظري الشاعر الراقي . . . محبتي , |
مشاري النثري
صح لسانك يامبدع معلقه من معلقاتك كفيت ووفيت ونعم بأهل عمهوج |
مشاري النثري
تشرفت بسماعها منك شخصيا صح لسانك قلتها لك قبل واليوم اجددها لك لك مني اطيب تحية |
ماقلتها ابغى شاعر العضيان بالقاب الشعر
مير المواقف من قديم الوقت حنا ارجالها كفو والله ماشاء الله تبارك الرحمن الله لايضرك حضور راائع وشاعر جزل صح لسانك لين ترضى لاهنت احترااامي و ج د |
ماقلتها ابغى شاعر العضيان بالقاب الشعر=مير المواقف من قديم الوقت حنا ارجالها
مشاري..وأضاهي..بك شعراء الخليج اليعربي لله درك قصيده عصماء قيلت في من يستحق الثناء لاشلّت يمينك..يامبدع وكثّر الله من امثالك |
قصيده من ذهب ذهب ذهب
ومن العيار الثقيل اهنيّك عليها وصح السانك ملايين الملايين |
الله الله الله يا مشاري
صح لسانك صح لسانك صح لسانك صح لسانك و تقبل صادق الاعجاب اخوكم |
اقتباس:
الله الله الله الله سلمت و دمت يا مشاري بيض الله وجهك وأنت جزل كالعاده و خالي بدر يستاهل ما قلت جعلها الله في موازين أعمالك أنت وأبو بندر و كل من سعى في هالصلح دمت كما أنت يا وافي تحياتي،، |
محمد بن صقيران
وجهك ابيض صح بدنك ومشكور على المرور تقديري |
وانت سالم وغانم
وصح لسانك يا مشاري والله يبيض وجهه و يكتبها في ميزان اعماله قصيدة وافية وجزله وانت مصدر للجزاله لاهنت تحاياي وتقديري وجل احترامي |
صح لسانك يالنثري
شرفت الشعر يارجل وموقف ماهو غريب عليك |
.
. ماقلتها ابغى شاعر العضيان بالقاب الشعر مير المواقف من قديم الوقت حنا ارجالها كفو كفو كفو ووالله ان الشعر يتشرف بك يابو رفاعي فـ صح لسانك وعزالله شّرفت وقصيده قصيده تحيتي لك . . |
مشاري النثري
والله ونعم في العضيان ويعلم الله انها قصيده جزله فاقت الوصف وليس بغريبه عليك يابو رفاعي وبيض الله وجهك ورحم الله والديك. والله يكتب الاجر لصالح سفر على اعتاق رقبة ابن اخيه خالص الود والتقدير |
محمد مسفر
ماعليك زود صح بدنك تقديري |
عبدالعزيز الجش
صجح بدنك تقديري |
نادر العنزي
جزاك الله خير صح بدنك تقديري |
الله الله الله الله
والله كفو يامشاري وجزاه الله خير من فعل الخير صح لسانك مدد ياكابتن تحياتي |
عيضه الثبيتي
صح بدنك تقديري |
| جميع الأوقات بتوقيت GMT +3. الساعة الآن 12:27 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية