مشاري بن سعود
 

،،، جاءت هذه القصيدة تفاعلاً مع الصورة التي نُشرت لصاحب السمو الملكي الأمير / مشاري بن سعود بن عبدالعزيز أمير منطقة الباحة وهو يُقبل رأس أحد كبار السن في إحدى جولاته التفقدية لمحافظات المنطقة ،،،
التواضع شيمة الشامخين من الرجال
وأنت من شيخانهم يا " مشاري بن سعود "
يا الأمير اللي تواضعك وأخلاقك مثال
والله ما يستغرب الجود من منباع جود
يا سليل المجد والعز وكرام الخصال
أصلها من صوب والد وعِمّان وجدود
يا الأصيل اللي مواريدك النبع الزلال
والأسد ياخذ طبوعه من أطباع الأسود
مثلك اللي يقرن القول بصدوق الفعال
الحقايق في مسيرتك وأفعالك شهود
ما نسى (الخفجي) بطولتك في شرق الشمال
سجل التاريخ موقفك عن دارك تذود
والقطاع الشرقي اللي وصل حد الكمال
التفاني من مباديك وإخلاص الجهود
وجيتنا والله يحييك يا سمح القبال
مرحبا وأهلين مليون يا وافي الوعود
كل قلبٍ مع قدومك بدا فيه احتفال
ونبت في درب ٍمشيته رياحين وورود
وهلت الفرحة على الباحة سهول وجبال
وأقبلت معك التباشير وأيام السعود
يا عسى جيّتك خير وصلاح وطيب فال
والله مال آمالنا فيك يا الغالي حدود
أول أفعالك تبشر بالأفعال الجزال
والمطر من عادته يسبقه برق ورعود
ذاخرينك يا البطل للمهمات الثقال
وأنت تقدرها ولو هي على غيرك تكود
ودنا تسأل هل الكنز عن حجم الحلال؟!
وتسأل أصحاب المشاريع عن بعض العقود؟!
وتسأل السارق متى صار عنده راس مال؟!
وتنقذ الباحة من الظلم وأيام الركود
وكلنا رهن الإشارة معك في كل حال
للوطن والدين والقائد الأعلى جنود
والعُذُر ما يوصف الحال شعر ولا مقال
ينقص المعنى والآمال في عدلك تزود
شعر / عايض بن مساعد

ياسلام عليك يابن مساعد

صح السانك ولاهنت ياالقرم


هذا القصيد اللي ينومس راعيه


ويستاهل مشاري بن سعود المدح

ومن تواضع لله رفعه



لك تحياتي

الله الله الله الله
\

صح لسااانك اي والله وامير يستحق المدح وتواضعه دليل على اخلاقه

لاهنت
لاهنت

حسين الحبابي


شرفتني بحضورك وتعليقك



تحياتي

صح لسانك ياعايض

قصيدة وافية من وافي

والامير مشاري يستاهل العلم الغانم

محمد بن رشيد


شرفتني بردك وحضورك


لك التحية

علي الغامدي


كل الشكر لحضورك وتعليقك الجميل



تحياتي

صح لسانك يا عايض

ويستحق الامير / مشاري بن سعود
أمير منطقة الباحه المديح


سلمت ولاهنت ،

مشخص السلمي

كل الشكر لك


تحياتي

صخ لسانك وعلى شانك

ياعايض والامير مشاري يستاهل

كل خير

تحيتي لك

يستحق
ويكفيه التواضع وهو من اجل سمآت الرجال

صح لسآنك

عبدالله المرشدي

شرفتني بكرم حضورك


لك الشكر

يا عسى جيّتك خير وصلاح وطيب فال
والله مال آمالنا فيك يا الغالي حدود
أول أفعالك تبشر بالأفعال الجزال
والمطر من عادته يسبقه برق ورعود


الله عليك يا عايض
و ابن سعود يستاهل ما قلته

صح لسانك و سلم بنانك



تحياتي،،

سلطان العطاوي

شكراً لك من القلب


تحياتي

فيصل بن نايف


يشرفني رأيك وتعليقك الجميل



لك التحية