على جفنين باكيـهـا ..!
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ذكرتك والسحاب ابيض وضوي في حشاي تشب = تحت طلح المشاعر وانت ولعتها وصاليها أحبك ياصبح طلت شعوري والشعور ايحب = يدين الطعن واسماع المواجع يامناديها ياعذبٍ مابقا غيرك على وجه البسيطه عذب = يا شمسٍ لو تغيب انوارها ماجيت راجيها هجوسي واكبر طعونك ومشعل والزمان الجدب = يردون الطواري لا تجي يمّي وتعميها ابوك الحزن مايرحم ليا خيّل سماه وصب =على قفرٍ لحنه الوجد وحزومه تغنيها يا حزن الفرح يابو الجرح تخيّر فالجروح ورب = صغيرٍ موّت قلوب الليال وعاد يرثيها تمايلتك وهب اللي على غصن الضماير .. هب = تثبّتك وطاحت شرهتي بيدين ساقيها على عيوني ولو تبّت يدينك يالبكا ماتب = تسامي دمعةٍ تاقف على جفنين باكيها امرك والفكر يرسم على ذيك المواعد درب =تدل الرجل غايتها وتغريها مساريها حيام العشق لو تذكر مسايل زهرها والعشب = على فياض الضمير وبين هضبتها وودايها بتقصر خطوها جفلا.. ولو تحرج ضمير الصب = ويبقى العشق نفس العشق.. وحيامه معنيها [/poem] |
صح لسانك ولا هنت
|
تمايلتك وهب اللي على غصن الضماير .. هب
تثبّتـك وطاحـت شرهتـي بيديـن ساقيـهـا صح لسانك يا مشعل ,, نص جميل , ومختلف ,,, |
صح بدنك يابدر وشاكر لك حضورك ..
|
اقتباس:
مشعل بن حويد الله الله الله الله ابداع فن ذوق جمال شعر فكر تجلّي حضور نور و ويش اقول و اقول صح لسانك يا مشعل و بيض الله وجهك اخوكم ش. س. |
صح لسانك ولاهنت
ابيات جميله |
اقتباس:
الله الله الله ، ، هنا للشعر رونق آخر مشعل بن حويد إسم إرتبط بالإبداع في كل نص جديد تبحر بنا إلى آفاق آخرى من الجمال لله درك لله درك لله درك في إنتظار المزيد من هذا الجمال تحياتي،، |
| جميع الأوقات بتوقيت GMT +3. الساعة الآن 10:21 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية