فتات أحلامنا !
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

غاب الرقيب وطالت يدين السروق = اللي سرق حتى فتات أحلامنا

ما خاف فينا الله ولا صان الحقوق = نُصِّب لرفع الضيم لكن ضامنا

يستخدم السلطة بلا ذمة وذوق = ويحكم بما لا ترتضي حُكَّامنا

مبداه ما قدم اليدين إلا الحلوق = ولوهي على كيفه حكم بإعدامنا

شمس النزاهه مالها عنده شروق = وفي مجهره تصغر كبار أحجامنا

حماقته تجري بدمه في العروق = لا صايم ولا معتبر بصيامنا

وبين الفعل والقول يا كبر الفروق = وإليا صدقناه الملامة لامنا

شف روسنا من فعله وعد الفلوق = وحنا علينا رفع بيض أعلامنا

ماهو ردى منا ولا فينا ذروق = لكن تقيدنا شروط إحرامنا

مدري متى من نومة الغفلة يفوق = وإلا متى يفرض عليه إكرامنا

وهذا الوطن ما نرخصه في كل سوق = غالي وترخص من غلاه أقيامنا

نفدا ثراه ونحفظه من كل بوق = مادام تنقلنا عليه عظامنا

أرواحنا نسوقها لرضاه سوق = وتذود عنه سيوفنا وأقلامنا

حقٍ علينا نرفعه بالحب فوق = ونحط من عاداه تحت أقدامنا

وحقٍ علينا لا أعترض مسعاه عوق = عوقه يصير أعتى وألد أخصامنا

وحقٍ عليه إن طالت يدين السروق = يكفها وإلا يكف أحلامنا !
[/poem]

نمبر تومستر نايف

:)

لله درك
لله درك
لله درك

صح لسانك يـ ابومعلا

الله واكبر يانايف


لله درك من شاعر


جزل ومبدع قليله في حقك



تحياتي يالذيب

ماهـو ردى منـا ولا فينـا ذروق
لكـن تقيدنـا شـروط إحرامـنـا



اشهد انه عن مية بيت


الله الله الله يا ابو معلا


لله درك و انا اخوك


و صح لسانك


صراحه؟؟


ابداع ابداع ابداع



اخوكم


ش. س.

الله المستعان يا بومعلا

الحقيقه انك جيت على الجرح مير الله يزينها

دائماً مبدع ومتميز في حضورك وتكتب الشعر الذي يلامس الواقع بتجرد ايجابي


صح لسانك الف الف



محبه وتحيه :)

يا مرحبا يا نايف

صح لسانك ولا هنت
ابدعت
ابدعت
ابدعت


تقبل تقديري واعجابي

ياسلام يانايف ياسلام



شاعر مبدع وجزل ومتميز ومختلف فيما تطرح


صح الله لساااانك ملايين




بودي لو بقت في هذا القسم لروعتها ولانها مكسب للقسم الذي تتواجد فيه

لاكن القصيدة تجاوزت السبع ابيات وهذا مخالف لقسم المواهب


تحياتي لك

خالد الحصين

أولاً : لـ كلماتك دائماً بالغ الأثر في نفس أخيك

ثانيا : شهادتك مبعث فخر واعتزاز لأنك شاعر بحق وحقيقة

ثالثاً : أرى أن تحفظك على مفردة ( ذروق ) بسبب التداول الخاطئ لهذه المفردة ، وصدقني وقفت عندها ولكني اقتنعت آخراً أنها من المفردات التي تقبع في إطار الأخطاء الشائعة ..ومع ذلك فأنا مستعد لتغييرها في حال وافقك أخرون من شعراء المرقاب اعترافاً مني بأن رأيي صوابٌ يحتمل الخطأ ، والسبب غير المباشر هو تحريك مياه النقد الراكدة في المرقاب ..

عموماً ألف شكر
وملاحظتك على الرحب والسعة

نايف معلا

صح لسانك لين ترضى

مبدع دائما وجزل

تحيتي وتقديري واعجابي

وأنت نمبر ون يابندر

شكراً

نايف معلا




صح لسانك مليون ولا يكفون


شاعر جزل وغني عن التعريف الله لا يضرك

ما يحتاج يا نايف

صح لسانك مدد

وحقٍ عليه إن طالت يدين السـروق
يكفـهـا وإلا يـكـف أحلامـنـا !

الله الله


ابدعت يابو معلا


وصح الله لسانك مدد


اخوك

فارس بن مرداس

شكراً كما أنت فارس ..

صح كلك

تحيتي وتقديري

.
.

وهذا الوطن ما نرخصه في كل سوق
غالي وترخص مـن غـلاه أقيامنـا

نفدا ثراه ونحفظه مـن كـل بـوق
مـادام تنقلنـا علـيـه عظامـنـا


وعزّك ومقامك دائمآ عالي يابو معلا
والله يزيّنها وتزين !





:)


.
.