طاح كرته !
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يالغايب اللي تنعش الروح طرياك = وعلى خفوقي كل درب اختصرته مشاعر الحرمان بالحزن تنعاك = وحبك ما بين ضلوع قلبي قبرته وجدي على شوفك وحضنك ولاماك= وجد اليتيم اللي من اول صغرته حفيت قدم رجله على درب الاشواك = بعد توفى والده طاح كرته حلاوته فالعيد تمره ومسواك=طفلٍ ظروفه في زمانه غدرته إيه أتوجد بعد طالت جفياك =يزورني طيفك ولن غاب زرته أمسى نهاري ليل من يوم فرقاك =ولافيه ليل يمرني ماسهرته الشمس تكسف والكواكب والأفلاك = مستغربه من صبري اللي صبرته مرت ثمان أعياد وآنا أتحراك = متى تحس بقيمة اللي خسرته ؟ ياليتني عادي عشان اقدر أنساك = ياصاحبٍ مهما نساني ذكرته , وياليتني قصرت فالحب وياك = سلمت لك قلبٍ غرير ونحرته اثر الحصاد اهموم وآلام وأشواك = هذي نتيجة حبي اللي بذرته كان الزمن على تجافيك وصاك = حملتك الشرهه ووقتي عذرته اهديت لك قلبٍ عشق طعن شلفاك = ولاباقي الا دمع عينِ ذخرته معقول ترجع لي بعد ثقلت خطاك = يالغالي اللي من غلاه انتظرته سالت نفسي جاوبتني سواياك = ماينجبر كسر القزاز إن جبرته ! صحيح احبك وأعشقك وأتمناك = وأعظم بيوت العشق لأجلك صخرته واعيش هايم همي القاك وأرضاك = وكم بحر هايج لاجل عينك عبرته لكنك أنسى مستحيل أترجاك = إلا شموخي بعد قلبي كسرته! [/poem] |
غلاب
صح لسانك ملايين وبيض الله وجهك على هذه القصيده دمت بود |
2
عوده لا محالة |
إيه أتوجـد بعـد طالـت جفيـاك
يزورني طيفك ولن غـاب زرتـه أمسى نهاري ليل من يوم فرقـاك ولافيـه ليـل يمرنـي ماسهرتـه الشمس تكسف والكواكب والأفلاك مستغربه من صبري اللي صبرتـه مرت ثمان أعيـاد وآنـا أتحـراك متى تحس بقيمة اللـي خسرتـه يالك من مجرم يالك من مجرم:woow55: |
معقـول ترجـع لـي بعـد ثقلـت خـطـاك
يالغـالـي الـلــي مـــن غـــلاه انتـظـرتـه سـألــت نـفـســي جـاوبـتـنـي ســوايــاك ماينجـبـر كـسـر الـقـزاز إن جبـرتـه ! الله الله الله قصيده عذبه ، وإحساسها طاغي صح لسانك ملايين اخوي غلاب ودمت بخير |
يا لطيف
يا لطيف يا لطيف والله ياغلاب بن عايض اني اغيب معك لا قريت لك شاعر مبدع ( بمعنى الابداع النقي ) ولقصائدك روح حيه اي والله صح لسانك مدد في مدد في مدد في مدد بلا عدد ، .. |
للشعر هنا نكهة .. للشعر هنا متصفح ..
غلاب : والله اني ما اتقن فن نسخ الكلام ولصقه .. انت شاعر غير .. ومن القلة اللي تتفق على جمال وروعة ماتكتب جميع الذوائق .. تكتب الشعر كما هو الشعر , وفقط للشعر لا قطع الله لك لسان ولا اشل لك بنان .. |
صح لسانك ياغلاب قصيدة جزلة ومعبرة صح لسانك مرة اخرى |
• وياليتني قصـرت فالحـب ويـاك سلمت لك قلـبٍ غريـر ونحرتـه اثر الحصاد اهموم وآلام وأشـواك هذي نتيجـة حبـي اللـي بذرتـه الله الله الله شاعرنآ المبدع / غلآب بن عآيض صح لسآنك لين ترضى دمت ودآم إبدآعك |
اقتباس:
لله درّك يا غلاب مبدع وجزل والشعر الحقيقي معك دائماً موجود صح لسانك الف الف المحبه والتحيه :) |
الأنيق
غلاب عايض لله درك وكفى |
أمسى نهاري ليل من يوم فرقـاك
ولافيـه ليـل يمرنـي ماسهرتـه الشمس تكسف والكواكب والأفلاك مستغربه من صبري اللي صبرتـه مرت ثمان أعيـاد وآنـا أتحـراك متى تحس بقيمة اللـي خسرتـه ؟ الله الله نص فاخر و شاعريه رائعه غلاب ألف صح لسانك والله لا يضرك مودتي،، |
اقتباس:
أبداع يابو عايض الله لا يضرك عز الله ان قصيدك يطرب لا تحرمنا من إبداعك طال عمرك |
صحيح احبك وأعشقـك وأتمنـاك
وأعظم بيوت العشق لأجلك صخرته كلك حلآ صح لسانك ياغلاب وعاش من شافك يعلم الله لك وحشه تحياتي ,, |
ياسلام ياغلاب
مبدع وجزل وعذب صح السانك لين ترضى وسجل اعجابي المتواصل تحيتي |
الله الله
عليك ياغلاب لاتعليق على هذه القصيده لانها لم تترك شيء من الجمال الا وحملته لله درك على الابداع اطربتنا يابو عايض الله يطربك تحياتي وتقديري ومتابعتي واحترامي لشخصك القدير |
غلاب
والهوى غلاب صح لسانك يامبدع قصيدك يرتاح له قلبي ويطرب مسامعي |
,
حفيت قدم رجله على درب الاشواك بعـد توفـى والـده طـاح كرتـه حلاوته فالعيـد تمـره ومسـواك طفلٍ ظروفه فـي زمانـه غدرتـه صح لسانك , وسلم فكرك يا غلاب . . . شاعر تقدم الإبداع بأجمل صوره . . محبتي , |
عبد الله لفهري
سلمت يالغالي على مرورك اللي يبهج الخاطر .. اخوووك.. |
فالح الشلوي
مكانك القلب يانقي . |
غلاب بن عايض
صحّ منطوقك ولاهنت على هالرائعه.. تحيتي,,,, |
مبدع مبدع مبدع .. وشهادتي فيك مجروحه : )
أثرك هوواي للحين :icon29: |
| جميع الأوقات بتوقيت GMT +3. الساعة الآن 05:07 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية