كبت الزمن - طرح آخـر
 

مساء / صباح
الخيرات والمسرات

أقـدم لكـم هـذه المتواضعه عسى ان تنال الاعجاب


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياذهين العقل لاحدك زمانك للغرابه =لايميل حجاج عينك والعجب دنيا غليله
دست من ميلاتها دربٍ يهول من مشابه = لاوصلبي للمراد ولاكفاني شر ويله
النصيب يصيب بس الصبر لايطوي زهابه=والزمن لاشفت وجهه مبتسم حاذر قليله
إنشد المهموم عن كبت الزمن تلقى الاجابه= الليالي كم توريه العنا في كل ليله
لاتغرك ضحكة المهموم ياوجه الكئابه= المرض وسط الحنايا موجعٍ مافيه حيله
العمر وقع بنود الضيق والواقع عتابه= حدته دنيا عواقبها على الواحد قتيله
المصايب دوم تقعد للبنادم عند بابه= تفطر القلب النظيف ولاتكبه في سبيله
كيف لو تدري عن اللي شايبٍ بوّل شبابه=جار به وقته وحده للعذاب الله وكيله
بين صدر وعجز بيت المشكله واقع عذابه= جوّد الصبر ورضى في قسمة النفس العليله
السكوت أرحم من الشكوى ومقسومه رضابه= وش يبي في شرهة الجهال واذناب القبيله
قفل ابوابه عن اللي لاسمع علمٍ حكابه = لين زاده حاقدٍ من طامن الهرج وهزيله
الصدوق إن بان بين الناس جرد من ثيابه= والكذوب يصدر المجلس ولاغيره مثيله
بس ما اسهل من كبير الذنب ياكود ارتكابه= والحقيقه مثل عين الشمس والواضح دليله
ياضعيفين النفوس العمر مايسوى ذبابه= حين تشتد الكروب وتصهل الخيل الاصيله
الردي فينا يبيع العمر مايحسب حسابه= قبل لاتدمع من طعون الزمن عين الكحيله
يقلب الوقت الكئيب ولاحسبنا لنقلابه= كم قدحنا النار من بلواه في راس الفتيله
الكلام اسهل ومضمون الفعل نوخ ركابه=لد عينك للغبن واحذر من الدمع وهميله
تهتك الاعراض في غزة ولاحولك إجابه= والعرب لاهين وسيوف العدو حدب وصقيله
نادت الاقصى بعال الصوت مافيه استجابه=ومن نشد عن مشنقة سيف العرب يوم الفشيله
تسقط جهود التكاتف بين يعرب بالحرابه= والولى للغرب مضرب للتماثيل الجميله
بس معدوم الثقه وثق مواثيق التشابه = بين قضبان الحديد وسطوت الغرب النبيله
صادق التشبيه والمشبوه ماحوله رقابه= والذكي ياخذ مكاسيب الغبي لو هي قليله
والدليل الاعجمي وسط العرب تنبح كلابه= إستحل وحل واحتال الوطن بهون وسيله
ما درى عن مخلب الشيهان وانياب الذيابه= داخل اسوار الحكي في قاعه الذرب وعميله
المهايط طبع لابان القشر يعلن ذهابه= والجبن عند العرب وجبه ولايوكل بديله
النكد بين الضلوع العوج قلي ويش جابه = غير ذل الكافل المكفول من جردة كفيله
رجح الكفات ياسيف الحكي يوم الخرابه= وكيل كان الحاصل المشهود مايعجبك كيله
ورقع اطراف الحكي لن كان في راسك ذرابه= الحقايق مثبته قدام عينك يالهبيله
الحزن بين الحنايا للفرح كشر بنابه = لاجزاك الله ياليلٍ سرابي للطويله
ضاعت آمال التواصل بين خلي وإغترابه= آه لو تدري بتال الوقت وش قصة رحيله
وضاعت آمال التفرق بين جرحي وإلتهابه= مثل مايثبت على كف الهوى خل وخليله
الزمن عنى غرابيله على صوت الربابه= ينشد الالحان والا المستمع يا عزتيله
البشر ياصاحبي كلٍ على قدره ثوابه = والحمول جبال والعالم تعدى المستحيله[/poem]



القصيده أطـول ولاكـن أعذرونا

أخوكم / علي بن معلي السلمي

الله الله الله

صح السـانك واعتلا شـانك ولا هنت تقبل مروري

الله الله الله

علي السلمي

صحّ لسانك يا مبدع :)

نصّ يتميّز بالحكمه والأبداع

لله درّك وسلمت ودمت بخير

تقبل تحياتي واعجابي ..!

صـح بدنـك اخوي مبـارك والله يعطيك العافيه

تقبل خالص تحيااتي

لاهنت اخوي سعود على المرور وبيض الله وجهك

الابداع حضورك .. وصح بدنك حتى ترضى

تقبل خالص تحيااتي

الله الله

صح لسانك مدد
وافيه من وافي

لاعدم

لاهنت يالذيب وصح بدنك مدد بلآ عدد

خالص تحياتي

نص طويل ومحمّل باالشعر والحكمه

علي السلمي

صح منطوقك مدد مدد

تحيتي:wardah:

الله الله

قصيدة عميقه ومن بحر غزير

فاضت بالحكم والمعاني ا لنفيسه بحق

صح لسانك مدد يا علي السلمي

ولاعدمناك ،،

..

مبدع ياعلي


نص راقي ومميز


تحيتي