اغلى الهدايا
مسيتوااا بالخيـــر
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] اغلى هدايا الزمن ياقلب واقداره = الجادل اللي تتل القلب وتجره والهاجس اللي براسي دق مسماره = يقول طب البحر واختار من دره قدامك اللول يانايف ومحاره = اسبح بحوره وقص الجزل بالجره وانا سبحت البحر من عرض بحاره = حتى لقيت الجواهر فيه منثره ثم جبتها من صميم الراس وافكاره = والحمدلله وبعض الناس محتره ورتبتها في قصيدة حب مختاره = واجر صوتي واهيجنها وانا اجره لعيون من جت هواويه ودواره = صدفة غلا ماتكرر يازمن مره تقول انا معجبه ماجيت عياره = ودي اعرف الغموض بشعرك وسره ودي بقلبك اشوفه وافتح ستاره = وان كان به غير انا ماجيت مضطره ابيه يانايف وكلٍ يبي داره = والدار قلبك وانا مستوطنه حره قلت ارحبي والخفوق فداك واسراره = ويفدونك اهل الشمال ونجد والحره والقلب خالي وهذا موجز اخباره = لكن قلبي عليك اليوم يتشره قد صار لك مدة العامين محتاره = دايم تفرين حول الاسم كم فره قالت تعال اسمع افضل واصدق عباره = والله ماجيت غير ابغاه ومصره تكفى حبيبي تراني جيت منهاره = تكفى حبيبي لاعاد تزيد وتكره قلت ابشري والغلا والحب وادواره = لابد مانعيشها لو تكبر الذره وانا اعترفلك بصدق القلب واصراره = انه على شوفتك ولهان بالمره والحب ياهل المحبه ولعت ناره = لو قالوا الناس دنيا الحب مفتره ياليتني جارها ولا لنا جاره = واشوفها ساعةٍ والشمس محمره ولا بنجد العذيه ساكنه ساره = من وادي الشبرم اليا عبلة البره [/poem] وسلامة الجميع :wardah: |
حجز
و لي عوده تليق بهذا النص يا مبدع تحياتي ،، |
مساء الانوار
قصيدة جميلة يا نايف استحقت المرور والقراءة صح الله لسانك ولا هنت بانتظار جديدك |
تقــول انا معجبـــــه ماجـــيت عيــــاره ودي اعرف الغموض بشعرك و ســره نايف ابوثنتين صح لسانك بوحك جميل وروحك اجمل تحياتي لك |
قدامـك اللـول يانايـف ومـحـاره
اسبح بحوره وقص الجـزل بالجـره أنت كفوو صح لسانك يانايف احترامي |
صح السانك يانايف
مبدع وجزل كماعهدناك جدداعجابي تحيتي |
نآيف أبو ثنتين الله صح لسآنك مليون ولآ هنت كل آلود |
والهـاجـس الـلــي بـراســي دق مـسـمـاره
يـقــول طـــب الـبـحـر واخـتــار مــــن دره قـــدامــــك الـــلــــول يــانــايـــف ومـــحــــاره اسـبـح بـحـوره وقـــص الـجــزل بـالـجـره الله الله وقصيده جزله اخوي نايف صح لسانك ملايين ، ولاهنت دمت بخير |
مسآك الله بالنور..
يآمرحبا يانايف.. وصح لسآآنك مليووون.. قصيده عذبه وطرق جميل.. وتقبل تحيّتي ومودتي.. |
اقتباس:
وحجزك يشرفني وحياك ربي دايم :) |
اقتباس:
يامرحبا يابدر وصح بدنك وحضورك يشرفني تحيتي لكـ |
اقتباس:
حياك الله وصح بدنك يابو صالح وحضورك يشرفني طال عمرك لك اصدق الود |
صح لسانك يانايف
اشبعتني شعر بهذه المعزوفة تحياتي |
اقتباس:
يامرحبا ياعبدالله وصح بدنك وحضورك يشرفني لك اجمل الود |
الله الله الله الله
ياسلام عليك يا نايف ابو ثنتين عز الله انها كايفه وعذبه وتروق لمحبين الشعر الاصيل صح لسانك عد الهبوب اللي تهب بين وادي الشبرم وعبلة البره ولاعدمناك ، |
الله يصح لسانك نايف
وتسلم على هـ الأبدااع والنص العذب تقديري لك,’’ |
صحّ لسانك يا نايف
مبدع لله درّك لاهنت |
اقتباس:
وصح بدنك وحضورك يشرفني يانواف لك ودي وتحيتي |
نايف ابو ثنتين للهوى لغة واحدة .. وللشعور الصادق علامة وهنا .. حوار بين قلبين .. به مابه من مشاعر واعترفات ومطالب صياغة شعرية سلسة و تلقائية اوصلت الكلمة بكل سهولة للقلوب والأذواق معا نايف ابو ثنتين صح لسانك |
.
. |
اقتباس:
يامرحبا يانواف وصح بدنك وحضورك يشرفني طال عمرك تحيتي لك |
الله الله يا صديقي
صح لسانك مدد والله لاعدمتك |
| جميع الأوقات بتوقيت GMT +3. الساعة الآن 06:05 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية