مرثية ابن بديع
 

[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

سعيد ابوديه: =
ابن بديع يرثي الشعار ويعزي القصيد= والظاهر انه مات بيت الشعر من مرثيته
ياحيف ياهل الضاد وين الفكر والعقل الرشيد=الابجديه تنتخيكم والضماير ميته
مضواح بن شتوي : =
وانا بعد بارثي معه حسب الحقايق ياسعيد=ياعنك ديوان العرب ماتندثر قافيته
لا والله الا عيدوا في يوم ماهو يوم عيد=والكل منهم دق سلف مويتره مازيته
سعيد ابوديه: =
الا على الطاري من اللي يابن عامر مستفيد=حسب اعتقادي ان النوايا من زمان مبيته
الظاهر ان السالفه تمت بلا شرطٍ وقيد=في هرطقة فكر عقيم ما عرفنا نيته
مضواح بن شتوي : =
تدري وانا ادري وانشد اهل العقل والراي السديد=واللي جهل في معجم التاريخ تدبل كيته
ماني وانا خولان باتشره على شلة فريد=ماتلحق الشرهه سوا قصراً تضلل فيته
سعيد ابوديه: =
لا مانع انك تاصل الحروه وهقوتنا بعيد=والصيد جا فل مير لا ترميه في محميته
حراميٍ نشال حاط الي معه علم وكيد=مير انكشف كيده ولا نفعه كبر جاهيته
مضواح بن شتوي : =
اللي بناء بيته وركب حيدة من فوق حيد=ماينحسب في روحته ولاتسجل جيته
المشكله لاصارت الغلطة على مثل رشيد=ولا الخبل يلبس شماغه من تحت طاقيته
سعيد ابوديه: =
بحر القصايد يصطفق موجه ولا ينقص يزيد=مير البلا شعر الحداثه ماخذٍ حريته
المشكله في بهرجة منظومة العقد الفريد=والمجد وش حصلت ياتاريخ في مطويته
مضواح بن شتوي : =
زكاة الانفس حيلها محدود من رب العبيد=وانا باعزي من لقا له ذيب في جنيته
إشعار خالف تنعرف مطبوع في ظهر البليد=اللي يضحى بالعروبه في عجب ماليته
سعيد ابوديه: =
لي صار ماله من علوم الطيب والحكمه رصيد=ما يكتب التاريخ له علمٍ على في طيته
راعي البكار الوضح للبراق يطوي كل بيد=مير البلا في تاجر الجمله وفي منقيته
مضواح بن شتوي : =
متى نشوف العامرية تلبس الثوب الجديد=جاها زمان شافت الاهوال من طرقيته
والبكرة اللي وصفها يسوى مواتر بالبيد=ليت الفحل تمام عندي عشر من ترثيته
[/poem]

يالربع هذي منين جت

مع احترامي لشعارها وناقلها


انقلوها فالمكان المخصص للاستفاده

احترامي