ساعة الضيقة
السلام عليكم ورحمة الله اسعد الله اوقاتكم بكل خير للتواصل هذه الابيات واتمنى أن تنال على رضى ذائقتكم [poem=font="Simplified Arabic,4,darkred,normal,normal" bkcolor="transparent" bkimage="" border="double,4,red" type=2 line=0 align=center use=ex num="0,black""] البارحة يوم حانت ساعة الضيقة = واسبورها .. يم صدرٍ ما بعد ضاقي جتني زرافيل وايديها مطاليقة = من كل فجٍ عميقٍ داخل اعماقي ومن قبل تقرب من الصدر وصناديقه = سليت راس القلم واسرجت الأوراقي ما حركت قلبي اللي في معاليقه = هاقي بهقوة وجت في مستوى الهاقي نخيت شعري ولبت لي طواريقه = تقول مفزاع زراقي .. لزراقي أقفى على الهم لين أخلف تفاريقه = قدام صدري يضيق وتقفل أخلاقي من فضل ربي ومن مده وتوفيقه = موهوب والموهبة من عند خلاقي رجمٍ بغير السنع ما أبديه وأويقه = والعين ما ألدها في كل براقي ماأقول هذا صعيب وذاك ماأطيقه = من وين ما أسج رجلي درهمت ساقي ما هي باماني وحلمٍ صعب تحقيقه = أرضيت باللي كتبته كل الأذواقي شعرٍ ينومس وتطرب له عشاشيقه = ابداع شاعر وفكر ومستوى راقي أرفع من الطير يوم يزين تحليقه = وأحر من دمعةٍ في عين مشتاقي وأمضى من السيف أبو حدين تدقيقه = وأرقّ وأزكى من الأزهار فالساقي مير النصيب انكتب مافيه تبريقه = والله ولا القسمة اللي تقبل الباقي لو كان حظي ما دونه حاجز يعيقه = يمديني اليوم من شعار الأطباقي [/poem] وهنا الابيات بصوت المتألق الشاعر / محمد العازمي [youtube]http://www.youtube.com/watch?v=6HW4NB_33aQ[/youtube] |
وعليكم السلآم ورحمة الله وبركآآته..
عمران الزراقي.. صح لسآآنك مليووون.. وتقبل تحيّتي ومودتي.. |
عمران
صح لسانك وسلم بنانك قصيدة جزلة بجزالة شاعرها لاهنت يالزراقي لاهنت تحياتي لك أبو ناصر |
نخيت شعري ولبت لي طواريقه / تقول مفزاع زراقي لزراقي عمران الزراقي والنعم فيك وفي الزراريق وصح لسانك نص جميل ومتعوب عليه .. لاهنت تحياتي لك |
يا سلام يا عمران حلوه حلوه حلوه هـ الأبيات تطرب عز ّ الله صح ّ لسانك تقديري لك ،، |
يا هلا بك يا عمران
جزل وتنافس شعراء الأطباق صح لسانك ولسان العازمي ولا هنت على هذا التواصل تحياتي |
نخيت شعري ولبت لي طواريقه = تقول مفزاع زراقي .. لزراقي
والله ونعم المفزاع رائعه يا عمران رائعه صح لسانك عدد حروفها ،، .. |
ومن قبل تقرب من الصدر وصناديقه = سليت راس القلم واسرجت الأوراقي
عمران الزراقي صح لسانك على كل حرف ابداع غير مستغرب وحرفه شعريه واضحه اشكرك على هذا النص الرائع تحياااااااااااااااااتي لك |
اقتباس:
هلا وغلا ياعبد العزيز صح كلك اسعدتني بتواصلك الجميل تحياتي:wardah: |
الله يبعد الضيق يابو يزيد
تشرفت بسماعها منك وتعرف رائي اخوك فيك ,, لكن للامانه انك شاعر الى ابعد مدى لهذه الكلمه .. واتمنى لك التوفيق |
اقتباس:
صح كلك اسعدتني بتواصلك الجميل تحياتي:wardah: |
اقتباس:
صح كلك وماعليك زود اسعدتني بتواصلك الجميل تحياتي:wardah: |
اقتباس:
هلا وغلا يابو ناصر صح كلك اسعدتني بتواصلك الجميل تحياتي:wardah: |
ومن قبل تقرب من الصدر وصناديقه = سليت راس القلم واسرجت الأوراقي :) الله لايضرك صح لسانك مدد وعشت ,, |
| جميع الأوقات بتوقيت GMT +3. الساعة الآن 02:39 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية