الفشل بيت ٍ تهده رياح الناجحين
 

السلام عليكم ورحمة الله وبركاته


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
والله أن لولا مكانة طويلين العمار "=" وأحترام الذات بين الرجال الحاضرين

أن أرد برد ماله على الشيمه ستار "=" غير تردعني سلوم الرجال الأولين

الرجال اللي لها قدر وحساب وقار "=" تحشم أحثال الأوادم عشان الطيبين

وأنت لو زليت مالك على الزله فرار "=" ضعت من بين الثلاثه ومن بين الثنين

تحسب أنك مالك الكون وأن عندك قرار "=" وأنت ماتملك أحاسيس وشعور وحنين

لا تشك وشكة الرجل فالرجال عار "=" مشكله لاصرت رجال وقصّير يدين

مايشك الا ردي الروابع (( وتكرمون )) "=" واحد ٍ مادله ألسانه أبقول الثمين

وألا أنا مدة يديني على راس الفقار "=" وكاسب ٍ أرضاي وأرضا شعور الوالدين

وقاطعن ظن الردين وإإيدين القصار "="وباقي ٍ في ظن من ظن ظنه لي زين

والهقاوي الكبيره تبيّن فالكبار "=" والمعرفه ثابته عند سيد العارفين

وأسمي أكبر من كلام ٍ يسجل فالشعار "="ومن كلام اللي يغيبون عند الغايبين

لاحقروني من يجيدون فن الأحتقار "=" ذا دليل أني دعست بخشوم الحاقدين

ولا لبست النصر من ثوب خام الأفتخار "=" ذا دليل أني عدو الفشل والطامعين

لا جعلت الروس تسطر بفعل الأنتصار "="لا تطاولنا ف حنا مع هل الطايلين

لابة ٍ تقلط على النار من فوق المهار "=" ماتهاب الذل تنطح وجيه المعتدين

مابقى الا حاجة ٍ مالها باب وجدار "=" بختصرها وأختتمها معاك بجملتين

الثقه فالنفس بيت ٍ وبانيها عمار "=" والفشل بيت ٍ تهده رياح الناجحين

وأسمي الحاله فخر للقصيد.. وبختصار "=" الثنا والشكر لله رب العالمين





[/poem]

كفو يا عايض

والشكر لله رب العالمين
صح لسانك ودام عزك وانا اخوك

صح لسانك ياعايض

كفو ياعايض

وصح لسانك وعساه من فداياك


غيمار

العطاوي

كل الشكر ال مرورك الكريم

احمد

لاهنت ع المرور والتواجد

الثقه فالنفس بيـت ٍ وبانيهـا عمـار "
" والفشل بيت ٍ تهـده ريـاح الناجحيـن

إسلوب ( سامي ) في الهجاء
عايض
العقلانيه والثقه والهدوء ( هنا )

كل التقدير لك

أحمد

كل الشكر ال مرورك وتواجدك

ابو مبارك

محشوم عن الحقران

و واصل يا القرم

صح لسانك وسلمت ،

..

سلطان

كل الشكر ال مرروك وتواجدك الكريم

الفشل بيت تهده رياح الناجحين
شطر عن العديد من القصيد
وقصيده ليست من نسج الخيال
وصح لسانك ياعايض.

قصيدة فايف ستار :)

كرمت يابو مبارك .. وصح لسانك وعلا شانك

تحيتي

العطاوي

كل الشكر ال مرروك الكريم ياكريم

فهيد


كل الشكر ال مرروك الكريم

انا اشهد انك كفو وقصيدتك كفو ياعايض واضرب بيمناك ولاعليك

صح لسانك عدد مالاح براق الغمام يالذيب

احمد

صح ابدنك

الله الله الله الله

اسلوب راقي جدآآ ,

وصح لسانك مليون ,

وتقبل تحيّتي ومودتي ,

أخوك ,

عايض
دمت ودام قلمك
صح الله لسانك مليووووون
حرف عذب
واسلوب كامن
تحيتي واعجابي اينما كنت .. يالغالي لك وحشه