حامد البراق
ياسلامي سلامٍ مـن هجـوسٍ ماتـزل الـدروب المستـقيمـــــــه
0000000000جيت ابا انشد عن البراق حامد كيف وضعه وش احواله وحـاله عقب هاجرت ياحامد علامك ماتمر البلـد لـو هـي قديمـــــــه 0000000000يزهد الزاهد اللي فوق راسه ماضبط ياولـد سكبـت عقالــــه |
يا سلام يا عكاشه
بعد الجولات و الصولات في الاقلاع جيت تسوي محاورات هنا. على العموم اعتقد راح نستمتع بمحاوره طرفاها عكاشه و حامد البراق. مرحبا بك ايها ( الاشم ) انبسطت الحين؟ ما تمشي علينا دقاتك. هلا والله و غلا يا سيف |
هلا وغلا يا سيف ابرك الساعة
واستلم طال عمرك مرحبا يا هلابك يا عكاشه وانت من قوم شوفتها غنيمة ,,,,,,,,,,,,,,,, عد طلع الثماري والزهور اللي سقها المطر بـــ أصدق خياله سلمنا يا عكاشه ماتغير لاضلمنا ولا نرضى الضليمه ,,,,,,,,,,,,,,, ومن لقى الرزق فـــي داره يا شاعر بات اومرح ولا دور بداله |
هلا يا شفق
وخلك قريّب يمكن احتاج فزعتك خصوصا اني مقابل عكاشة |
انت لحالك فزعه يا حامد و انت من نحتاجه طال عمرك.
و عكاشه فارس كلمه ماهوب بسيط وانت خيال المعنى. الله يقويكم و اهم شي نطلع بمحاوره رائعه . بالتوفيق |
حامد وعكاشة اسعد الله اوقاتكم
واصلوا كلنا متابعين..... واشوف ان عكاشه كل شوي يتأخر .....عجل يبو عبيد <<<<< يستفز بقوة |
صح السانك يالبراق انت وعكاشه
استمرو ترى حنا متابعينكم |
اسف ياحامد على التاخير واستلم لاهنت
والبقاء ياعميل الخير حامد وانت من ناس اهل قدر وحشيمه -----------------------وإن نسيت ازملاك اللي من اول قالوا الناس عرق من الجهاله وانت رجال راعي عرف وافي تحتسب من رياجيلٍ حكيمه ----------------------- قدر الوضع في عرفك وميز لاتظن الدعاوي بالسهـــــاله ================================================ شفق السريع 00 اررحب تسرنا متابعتك 00 وحامد ماجيت له خصم اكثر من اني جيت استفيد منه ومن شرواه ============================================ معيض العتيبي00 ارحب يامعيض 00 وارفق علينا وانا اخوك 00 والله لي يومين مادخلت النت 00متابعتك تزيد حماسنا ========================================== ابن سعيد 00 حياك الله 00 متابعتك تسرنا لاعدمناك |
شفق تسلم وماعليك زود
متابعتك يا معيض شرف لنا ابن سعيد شرفتنا حضورك اخي الاكبر والاشعر عكاشه كلي اسف على التأخير ويعلم الله اني ماودي افارق الجهاز مادام انت موجود ولكن....................المعذره وترا الماد طويل لاهنت واستلم طال عمرك لا تفتش وتبحث فالسوالف ثم اعلمك بعلومٍ طميمه ,,,,,,,,,,,,,,,,,,,,,,, سرها يا عكاشه سرها لين القمر فالسما يكمل هلاله العدود الرويه حاسها حواحس والقوم ياعكاشه محيمة ,,,,,,,,,,,,,,,,,,,,,,, مانذم العقيد و صاحبه والعز والطيب والمعروف فاله |
بسم الله الرحمن الرحيم
الاخوين الشاعرين الكبيرين حامد وعكاشه السلام عليكم ورحمة الله وبركاته 00 والحاضرين الصيف على اوله شدوا حيلكم والى الامام والله الله الله على عدم التاخير اخوكم ابو تركييييييييييييييييييي |
حامد وعكاشه الله الله أسمين عليكم .
. ليت المد يطول. . وتشتعل ياحامد وأنا مدري لاكن. . . لا تفتش وتبحث فالسوالف ثم اعلمك بعلومٍ طميمه ,,,,,,,,,,,,,,,,,,,,,,, سرها يا عكاشه سرها لين القمر فالسما يكمل هلاله العدود الرويه حاسها حواحس والقوم ياعكاشه محيمة ,,,,,,,,,,,,,,,,,,,,,,, مانذم العقيد و صاحبه والعز والطيب والمعروف فاله . . عكاشه لك وسجل إعجابي يالقرم بك وبأخوي عكاشه. |
استلم ياحامد 00 واتاخير ماعاد عنه اسف 00 والا الظاهر بيرروح موضوعنا كله اعتذارات 00 لكن متى 00 ماسمحت قل وقف ياولد لاني والله اعرف اني تاخرت واجد 00 واعرف الشي اذا طال 00 ممكن يكون ممل 00 لكن انا على الاقل ابا اطلع بفايده وانت ياحامد 00 العلم عندك واستلم لاهنت
الله اكبر وانا اعدك من الشعار وشلون جاء تال الوسيمه؟ 0000000000000000000 كيف كملت ناقص ياقمرنا؟ كيف مثلك تصرم به حباله لاتعذر وانا عارفك سبعٍ مايــعــدّيه فالهــووشه غريـــمه 0000000000000000000جت على الكيف واثرك ماطمعت ورحت تركض وقدمت استقاله ========================================== ابو تركي 000 ومحمد البشري متابعتكم شرف واسف على التاخير 00 وادري والله اني ازعجتكم بالتاخير بس طمعي بسعة صدوركم لاعدمتكم |
الأخوان : عكاشه و حامد
واصلو الله لا يهينكم و أنا تراني في صف حامد عكاشه بيني وبينه وقفت خاطر ;) تحياتي لكم أخوكم : عزيز النفس |
| جميع الأوقات بتوقيت GMT +3. الساعة الآن 06:23 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية