الصاحب اللي راح ما عاد شفناه
 

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
الصاحب اللي راح ما عاد شفناه = قفّى ولا جتنا بعدها علومه
منهو يطمنا عنه كيف دنياه = وش لون عايش . كيف ليله ويومه
لولاه غالي عندنا ما فقدناه = القلب في بعض البشر وش لزومه
ياكثر من قفى وحنا نسيناه = والنفس لو تنسى ما هي بمعصومة
الا الصحيب اللي فريدة مزاياه = في غيبته عيني تقول مغمومة
ما شفت مثل صويحبي في حلاياه = لو حمت فوق الأرض عشرين حومة
سبحان من هو بالتواصيف خلاه = نجمٍ تعلا ّ فالفضاء مع نجومه
غلاه يشعل فالحشى شموع ذكراه = والقلب مع ذكراه ينسى همومه
القلب يانس به ويانس بطرياه = لامن طرا قلبي تغيّر عزومه
اليا ذكرته قلت لا واحلالاه = ياحظ من هو في حياته يرومه [/poem]

معوض بخير يا عادل

صح لسانك والله على هالفاتنه

تحيتي

لـولاه غالـي عندنـا مـا فقدنـاه
القلب في بعض البشر وش لزومـه


نعم نعم وش لزووومه


صح لسانك والله يرد غايبك

لـولاه غالـي عندنـا مـا فقدنـاه
القلب في بعض البشر وش لزومـه

انا اشهد

عادل

صح لسانك مدد..ولاهنت
ومغوّض خار يا سنايدي

تحيتي:wardah:

يا سلام يا سلام

عادل العصيمي

والله إنه فقيده صاحبك هذا :)

قصيده كتبت من قلب وتدخل القلوب

صح لسانك مدد مدد

تقبل التحيه والتقدير والاحترام

سلم قلبك يا عادل

وصح لسانك مدد ،،


..

صح لسانكــ ياعادل ..

محبتي لكـــ :wardah:

صح لسانك

تحيتي