بدايتها سلام - اقرب شاعر
 

بدايتها سلام ولا قبل مبد السلام علوم / اجنب شرهة العراف فالمسراح والمسرا

يا سبحان الكريم اللي جعل فوق السحاب نجوم / و فضّل مدة اليمنا على تقديمة اليسرا

هلا يامرحبا ترحيبةٍ مني برووس القوم
..........................................نيابه عن هل المرقاب واهل النهي والامرا
ياسبحان الكريم الي خلق فوق الغيوم غيوم
................................................يج يكم من مطرها غشنةٍ في ليلةٍ قمرا

عسى فيك البقا و المرجله بين الرجال قسوم / و لو سود الليالي تدّرج بالسيره الغبرا


بنيتوا بالسوالف مجد غطّا فوق مجد الروم / و عودتوا لنا قبل امس لا سودا ولا حمرا

انا ادري بان بين الناس احد معطى واحد محروم
.................................................. .لكن انته نصيبك وين من تحويشت العمرا
انا ماهمني ياصاحبي لو ترفعون السوم
.........................................يكفيني رصيدي عند وقت الباع والمشرا

على ريح الدسم جمعتوا الجيعان والاهوم \ و خيلتوا المخايل و انتحت بسيولها حدرا


عسى الله يقهر الظالم عسى الله ينصر المظلوم / تلمّع صورتك بعيون خلق الله وهي قشرا

ماعينا دسم يابو دسم في مجلس المعدوم
...........................................لكن الله يسويها ولا ينزل لنا قدرا
وش الي حاصل الك فالبلد ياتركة الشغموم
..........................................انا مانيب ظالم لاتقول العله النكرا

انا ما اعارض الفكره و ليتك تفهم المفهوم / انا ماعرف خفا نيات صدرك وانت فيه ادرا


بعد ما زرفلت بحمولها كبّر وساد النوم \ و بكره عاين القعدان حول البكرة العفرا

توقع لا تحسب الوضع بالنسبه لكم محسوم
......................................ترى البحر الحمر ماينومن فالمد والجزرا
وش الي كاسبه غير النجاسه والردى واللوم
......................................عسا جرحٍ بسيفي جارحه فالجنب مايبرا

علي / منصور


صحت السنتكم كلكم


واصلوا محاورة ساخنة من بدايتها


,

منصور البادي صح لسانك و لا هنت يالغالي


والمعذره طلعت امس لظروف

صح بدنك والله لا يهيينك

الله الله الله الله

طاروووووق من الووزن الناري

صحت اللالسن

لاهنتوا وبأنتظاركم مستقبلأ

تشكرآآآآآآآآآآآت

عادل


صح بدنك



تشرفنا بحظورك

علي


صح بدنك


وانت الي سامحنا اذا حصل منا قصور



اخوك

محسن


صح بدنك


والله لايهينك