تعبت اردد قولة الناس للناس
 

متواضعه من الارشيف
للتواصل


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعبت اردد قولة الناس للناس = وان الشدايد مالها غير حلحيل
وان العرب لوهم على قطع الانفاس = تجذبهم النخوه لفك المحابيل
وبديت احسبها على كل مقياس = واشوف فعل الناس جيلٍ بعد جيل
ضاع الوفا والناس مافيهم احساس = ولا عاد به تكفى تهز الرياجيل
لو زين المضهر بديكور ولباس = الا نخيته صد مثل المهابيل
اخذوا على النمه طريقه ومرواس = وصارت سوالفهم على القال والقيل
تفاخروا بالمال وبجمع الالماس = والا قصور مزينه بالقناديل
حتى ايش ياقصرٍ ركونه على ساس = لاصار منت بمدهل للمشاكيل
لا صار مابك للمناعير مجلاس = ولو زينوك من التحف والمعاميل
راعيك ما يطمح لشيمه ونوماس = وبابك مسكر في وجيه المقابيل
محدٍ بميت جوع يابنك الافلاس = لو زاد روادك وزدت المحاصيل
احيان اقول الوضع طيب ولا باس = واحيان اقول الوضع كله غرابيل
تمشي بنا الدنيا ونمشي بلا قياس = والله يعديها من العوج و الميل
وانا ما اعم الناس واقيم الناس = لكن شفت الناس جيل بعد جيل
كل مالهم في دون والوضع حساس = بالمختصر واقولها دون تفصيل
ماكل من وقع على الرجم قرناس = ولا كل لمعه للسيوف المصاقيل
[/poem]

1


ابجي انشالله

صح الله لسانك


ولاهنت

يابو فايز

قصيده معبره

يا سلام عليك يا سلام

الشاعر
عبدالله بن مناحي

سلمت على هالقصيده الجزله
ولا هي غريبه جزله ومن جزل

صح لسانك ملايين يا عبدالله ولله درّك ..

سلمت ودمت

تقديري لك وسلامي عليك

ابوفايز
ماهوب غريب عليك الابداع
صح السانك ملايين

الله الله الله

صح لسانك مليون يالعصيمي ,

ودمت بخير ,

ياسلام ياسلام



صح السانك يابو فايز لين ترضى


تعتب اردد قولة الناس لناس

وان المواقف ماله غير حلحيل


نص عالي وفائق الجوده


اعجابي

الله الله الله

حتى ايش ياقصرٍ ركونه على ساس
لاصار منـت بمدهـل للمشاكيـل

اي والله حتيش .. وعساه يحوّل فوق راعيه

عبدالله العصيمي

شاعر جزل وحرفك خير شاهد..

صحّ لسآآآنك مـدد مـدد .. ولاهنت

تحيتي:wardah: