الزمان يدور و الدنيا معه دواره
 

سلام ُ ُ عليكم :icon31:




تواصليّه :-



[poem=font="simplified arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
الزمان يدور و الدنيا معه دواره = والله اللي عالم ٍ حالي وكيف أوضاعي
طحت مدري طاح حظي واختلف مقداره = واختلفت و ضاع عقلي واستهنت اطباعي
يا زماني ليه مثلي ما بغيت إشعاره = كود يقوا قبل صاعك يلتقيه بصاعي
كان ظنك فيه جاهل و البشر غداره = ما عرفته يا زماني لا تجيب الداعي
ليت جاني علم والا قد سمعت أخباره = كان هانت واستعد العقل واصبح واعي
بس صدمه فوق كدمه في صحيح عباره = مثلها مثل الكسير اللي وقع في قاعي
هاض جرحي باح سدي شب فيني ناره = وأعلنت رحلة ضياعي قرب وقت إقلاعي
طرت بالجنحان مدري من على طياره = طرت مدري وين دربي وين يمّه ساعي
كل من حولي يقول العقل ويش أخباره = قلت مبطي عنه روّح يوم لوي ذراعي
كان جاكم خبروه إني بغيت إحضاره = مير قفـّا والعواطف أصبحت لي راعي
شاعر ٍ من دون عقله وش مصير أشعاره = و العواطف قايدته و يمها منصاعي
يستمد المفردات و يحتضر في داره = يرفع يدينه و يدعي يا مجيب الداعي
حراً وخانه زمانه ما كمل مشواره = وأول يشن الهجوم وكان له مطلاعي
فيه غبنه ذاق طعنه فاجئوه بغاره = يوم خايل للسباع وهاجموه ضباعي
نعنبو حظ ٍ قردني نعنبو محداره = أتجنب ما قدرت أجمع عليه إجماعي
بس يكفي يا عواطف لا تبين أسراره = قلبي المسكين يكفي ضاع عقلي ضاعي
وانتهى جزء الحديث اللي بغيت إقراره = ويا زماني كان تسمح مد لي إقناعي[/poem]

وسلامتكم



رساله :-


" مرقابي العزيز عذرا ً منك في طول الغياب و عذرا ً من أحبتي هنا :con200: "


.
.
عمر

يرفع يدينه و يدعي يـا مجيـب الداعـي
يرفع يدينه و يدعي يـا مجيـب الداعـي
يرفع يدينه و يدعي يـا مجيـب الداعـي

ما أجمل اللجوء إلى الله
صح لسانك ياعمر وهذي تشفع للغياب
تقديري لك

الله الله الله ,

صح لسانك مليون ياعمر ,

ونص جميل من شاعر مبدع ,

ودمت بخير ,

الله الله الله


صح بوحك


ياشعر

صح بدنك يا محمد

و سلمت ع الإطراء

.
.
.


ع م ر

جعلك ما تفقد غالي يا غالي ,

و أنا أسعد بحضور شخصك في متصفحي

و المرحب باقي يا بعد راسي

و مرحبا بعودتك ..

ارحب يالامير

والله انـّي فاقدك أنا على الصعيد الشخصي صدق : )

لكن مرحبا بك مليون وصح لسانك

تقديري لك ،،

الله يا عمر

صح لسانك مدد