عتاب !
 

صلوا على النبي :)

أدري مالي عذر في غيابي .

لكن يمكن يمكن تشفع لي هالمتواضعه ..!!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي أعاتبـك لكـن مايفيـد العـتـاب=ياكبر ماشال صدري من عتـب كابتـه

لازلت في عين من حبك عزيز الجنـاب=لكن خطاياك فـي تـال الزمـن عابتـه

الأولـه تنمحـي ..والثانيـه تستـاب=والثالثـه مثـل ماقـال المثـل ثابتـه

لولا الأمل شبت من قسوة سنين العذاب=ولولاك مالي ومـال الشعـر وكتابتـه

تعال لي ضقت ذرعا من كثيـر الغيـاب=الوصل مالي ثقه فـي صـدق عرابتـه

يومي بلا قربك أسود من جناح الغراب=وليلي بجفنه علامـات السهـر نابتـه

عطني من الحب مايروي كفوف السراب=وأعطيك مايجهل الحطّاب فـي غابتـه

عندي من الشوق مايثقل متون السحاب=ياكثـر ماصـب مـن كيفـه لشرابتـه

حتى نبت فوق وجه الصد فصل الخطاب=الطيـب مايستحقـه غيـر كسّابـتـه

ولاّ أنت مانته بكاسب في حبيبك ثـواب=صحيح سـوق الغـلا ياكثـر نصّابتـه

لو كل من حب يفتح للمواصيـل بـاب=لو مات موتة شجـاعٍ محتمـي لابتـه

عزي لقلبٍ تولّـع فـي غرامـك وذاب=وصكّـات الايـام راحتبـه ولاجابـتـه[/poem](hrt777-

لولا الأمل شبت من قسوة سنين العذاب
ولولاك مالي ومـال الشعـر وكتابتـه

تعال لي ضقت ذرعا من كثير الغيـاب
الوصل مالي ثقه في صـدق عرابتـه

يومي بلا قربك أسود من جناح الغراب
وليلي بجفنه علامـات السهـر نابتـه

عطني من الحب مايروي كفوف السراب
وأعطيك مايجهل الحطّاب فـي غابتـه

ياحلو هالعتاب وهالحرف وهالإسم يامستور
وعذر غيابك يكفي بهالشامخة
هلا هيل عد السيل وصح لسانك مدد بلا عدد
تقديري لك

لله الله


الله



يامستور مبدع في كل حالاتك

ولاكن غايب عنا ليه ترانا بنحاكمك

الامور ماهيب على خبرك اللي يغيب يحاكم هههههههههههههه


هلا بكم هلابك ولاعاد تعود الغياب

حجز

لي عوده

الله يبقيك يامطلق ..
حضورك النور طال عمركــ ..

هلا هلاهلاهلا

البقا البقا يامعدي ..

نورت المتصفح ..

وفكنا الله يخليك من المحاكمات ..

انا ياااالله الخراج ..:)

قل نعاتبك وأقول لك العتب ..

سعيد بحضوركــ وحبكــ ياشايبنا :woow55:

باقي مقعدأفق يامطر لعيونكـــ أبشر:)

بانتظار عودتكــــ:)

اليمامه ..

كلك ذوق ..

نوّر المكان بحضوركــ ..

لاهنتي :)

اللهم صلي وسلم على محمد

يا مرحبا يا أبو الروائع حي هالشوفه
وكعادتك يا مستور ما تجيب إلاّ رائعه ..

قصيدك فن فن فن
( والطيب ما يستحقه غير كسّابته )

عز الله صدقت ولا يستحق أبو الروائع غيرك ..

صح لسانك ملايين

ولو سمحت لا عاد تغايب سمعت

اللهم صلي وسلم عليك يارسول الله

والله لايضرك يابو شاهر ..


قريت شعر هذه زبدة الكلام ,, ماشاء الله تبارك الرحمن ,,



تقبلني أحد جمهورك المتعطش لجديدك ,,

ابو الروائع

ماعلموك اني صرت مشرف

اقدر احذف القصيدة اللي ماتعجبني ... حر وبكيفي اباأخذ بالسعد حده


والحقيقه ماجازت لي القصيدة فيها كسور شكلها منقلبه فالسيل وهي رايحه مكه

ومن باب اني صرت مشرف قررت ان احذفها






























لأن محلها سويداء قلبي... فقد سرت مع شراييني مثل الدم

غياب ولكنه انتج رائعه من روائع ابو الروائع

ستبقى كما عهدناك شاعر تدخل القلوب بكل سهوله

حد الامتاع يابو شاهر... الله يبيض وجهك

صح كل شي فيك يالامير

تحياتي وتقديري

مستور الذويبي

لن اتكلم عن النص بصفة عامة لن لاغرابة فيه من الابداع مافيه

ولكن بالنسبة للقافية

اتحدى اي واحد يقول انها قافية غير مطروقة
من خلال قراءة النص او سماعه ماتشعر بغرابة القافية للأمانة
لانك طوعتها صح

واهني جمهور الشعربك (( من جد واهني جمهور الشعر بك ))

الأولـه تنمحـي ..والثانيـه تستـاب
والثالثـه مثـل ماقـال المثـل ثابتـه

لله درك ولله در الجزاله ,,

صح لساااانك على هالكايفه ,,,

تقبل اعجابي ومتابعتي ,,

الله الله

مستور الذويبي

صح لسانك مدد


ابدعت كعادتك

اعجابي المتجدد


اخوك

,

لله درك
لله درك

لله درك
لله درك


ابو شاهر :_
انت من اول حبيب القلب .. والآن حبيب القلوووب كلها <- يغمز ,:)

والله ان الشعر معك له روونق آآخر وبعد آآخر ,,

,,

اللهم صلي على النبي وعلى آله وصحبه وسلم


لولا الأمل شبت من قسوة سنين العذاب
ولولاك مالي ومـال الشعـر وكتابتـه

صح لسانك يـ الشاعر

ولاهنت على هـ الفاتنه والأبدااع

تقديري لك,’’

مستور


صح لسانك على القصيدة الفارقة


اعجابي


,