بسمة المرباع !
 

السلام عليكم ورحمة الله وبركاته

اسعد الله جميع اوقاتكم .. كانت تلويحه واصبحت مواهبيه والبركه في ابومحارب
جعل عمره طويل :con200:


[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
اعلمك وافهمك واشرح لك الاوضاع=وتخطي وخطوة شيمتي عنك تمشي بي
سلامات يا وجه الرضى والطعون وساع=ليا قامت الذكرى تمرك وتسري بي
اقول الغلا لا مال غصنِ من النعناع=وادوّر دواليبك وتوقف دواليبي
تعلمت ما ارسم فوق وجه الشعور قناع=ولا اخون تربيتي ولا اخون تأديبي
اهش بهواجيسي على بسمة المرباع=لو اني لقيت الصبر في عاتق الذيبي
ولا همني لو صار دربي عليه سباع=عيون السباع ادقها بالمناسيبي
خلقت الكريم اللي خذا مد واعطا صاع=ماهو فضل مني فضل من عالم الغيبي
ترى الحب ماهو ضحك ساعه وطق اصباع=ولا ادمح عذاريبك وتدمح عذاريبي
ترى الحب نقش الشوق في رابع الاضلاع=بعيدٍ عن التسويف والشك والريبي
وانا والله اني كل ما غبت صبري ماع=يوايق علي الهم واحضر واغيبي
ادورك واوافق عليك انت بالاجماع=ويجرحني اللي جارح الشارع الليبي !
[/poem]



سلامتكم واعذرونا على القصور :wardah:

حجز متقدم


:wardah:

مشخص السلمي

حياك وحي ماجبت الوكاد انه نص مايقبل القسمه وانت سمه باللي تسميه

جميل هالطرح سلاسه وعذوبه واعتزاز بفكر متزن

تحياتي وتقديري

عليكم السلام ورحمة الله


تعلمت ما ارسم فوق وجه الشعور قنـاع
ولا اخـون تربيتـي ولا اخـون تأديبـي
اهش بهواجيسي علـى بسمـة المربـاع
لو اني لقيت الصبـر فـي عاتـق الذيبـي
ولا همني لو صـار دربـي عليـه سبـاع
عيـون السبـاع ادقـهـا بالمناسيـبـي
خلقت الكريم اللي خذا مد واعطا صـاع
ماهو فضل مني فضل مـن عالـم الغيبـي


سبحانه,,,

صح لسانك شاعرنا

وتسلم على هـ الواارفه والأبدااع

تقديري,’’

اعجابي واحترامي

متصفح فخم وشعر مختلف واسم احبة وحب راعية في لله

..


قريتها في " ركنك " ..

وهنا .. نسجل " الاعجاب " يا مبدعنا ..

صحت قوافيك ولا هنت ..

تقديري لك ..

:wardah:


..

الله الله
الله الله
الله الله

ياحلو الطرق وياحلو القصيده وياكثر عذوبتها
ابو منصور طبعاً الشهاده في كل ماتكتب مجروحه
لكن قصيدتك هذي بسمة ربيع في عز الصيف

سلطان العطاوي


حجز درجه اولى في ثومة القلب :)

أرحب يا بومحارب

انت الاول وراعي الاوله جعل عمرك طويل :)

ارحب يا بوصالح

والاكيد ان مرورك يسعدني ويشرفني دائماً

صح بدنك وسلم راسك يالغالي


محبه وتحيه :)

نص فاخر يا ابو منصور

لا هنت ولا عدمتك

مميز ومبدع .. وتسنحق التقدير

مودتي

هو فيها اقصور ياعلي



الله ايسامحك والله انها ذهب ذهب مصبوب صب لاهنت



ابداع منقطع النظير تقبل الأعجاب المتناهي



تحيتي

:wardah:

ولا همني لو صـار دربـي عليـه سبـاع
عيـون السبـاع ادقـهـا بالمناسيـبـي

صحّ لسانك يا مشخص .. ولاهنت

ابدعت وللقاري امتعت

تحيتي,,,,,

وعليكم السلام ورحمة الله وبركاته



مبدع وهذي عوايدك ولا به جديد غير تجديد التميز

الله لا يلجمك وصح الله لسانك ولا هنت

كالعادة


أبداع × أبداع


مراقب ومتابع ومعجب لكــ وبكــ وفيكــ


صح لسانكــ

الله درك يا مشخص

وابداع × ابداع


وصح الله السانك مليوووووووووووون


ودي وتقديري

أبو محارب يقصر عنه التعبير
وأنت كتبت وأبدعت وأمتعت
وآخرها ذهب
والأصيله تزود كلما طال الماد
تحياتي لك يالقرم.

وعليكم السلام ورحمة الله وبركاته
هلا اخوي مشخص
صح لسانك لاهنت
قصيده قمه