كنه الزبد طفاح
 

مساكم ورد

البارحه ماهملج الجفن بمراح=عن الكرى كن العيون محديه

تقول لافحني من القيض لفاح=قضيت ليلي بين روحه وجيه

اخيل في جوف الدجا بارقن لاح=في مزنتن قيل انها عقربيه

نون على روس الاقاذيل كثاح=يجذب سناه اهل الديار السنيه

قدمه ربابن كنه الزبد طفاح=ولدري وش اللي صار في موخريه

قامت تسوقه من مناشيه الارياح=سوق العصا لزمالتن دوبليه

عله على جون له البدو نزاح=دارن من الاجواد ماهي خليه

دارن بها ندله ونسلا ونرتاح=وعندي لها عن غيرها قابليه

ولنا بها عدن كما النبع نضاح=ماهي على قول العرب جاهليه

عدن لو اللي فيه تسعين مياح=مايلحقونه لو تعاقب دليه

عليه شيدنا مقاصير واصواح=مجالسن لهل الضفر والحميه

مجالسن برباعها الطيب فواح=وكيف عقابه كل حايل ثنيه

هي معقل اللي للمواجيب نطاح=شيخن على الطاله عزومه فويه

ياما جدعت يمناه من كبش مصلاح=معلاقهن فالمور راس الحنيه

ياعنك ماهو من مدورت الارباح=صينيته تندا وكفه نديه

واليا عطا يعطي مصاغير ولقاح=عطيتن مامن وراها جزيه

عن فعل ابونايف يعجزن الامداح =والله على ماقلت يشهد عليه

وختامها مرحوم ياشايب راح=ليت الليالي ماهلنه شويه

ياالله لعل الغيث فوقه لياطاح=وتعوضه عندك حياتن هنيه

وعليه ماخط القلم فوق الالواح=سلام مني كل صبح وعشيه

صح السانك وكفو ومن فعل طيب يتستاهل المدح