خليت خلان الرخاء فاالزوايا
 

[poem=font="Simplified Arabic,6,black,normal,normal" bkcolor="transparent" bkimage="" border="none,7,gray" type=0 line=0 align=center use=ex num="0,black""]
بد يت بسم اللي له الناس سجاد=سبحانه المعبود رب البرايا
بذكره يصير القاف وافي وينقاد=وتاردني الافكار ورد الضمايا
واللذ مايكتب ويقراء وينعاد= رد الثنا لمتيهين الرعايا
والشعر حلق في سماء ليل الاسعاد=وقدام بدر الضيط رد التحايا
شيخ الوفاء والطيب كساب الامجاد=ورث الشيوخ متعبين السبايا
ماهي بشيخت بشت توخذ وتنعاد=ولاجت بحب خشوم والا هدايا
جت باالحسام اللي للارقاب جلاد=عمهوج من يودع كبار الرزايا
بيمان شجعانٍ لهم فعل وشداد=على ظهور موردات المنايا
من شالح الاول يورث للاحفاد=ومارق بعد ذيب السرب والسرايا
بيتٍ قديم وبدر ماهو بهداد= علا بناه بعاليات الحجايا
يابدر لو المدح اطول له الماد=ماوفاك حقك ياسليم النوايا
لكن يامن صرت للمجد رواد=تمتاز عن غيرك بعدت مزايا
اسمح لي اعلنها على روس الاشهاد=ياطيب السيرة حميدالسجايا
انت الوفا وانت التواضع والارشاد=وانت المروة والسخاء والحمايا
وراعي نباً للضيف يكفي عن الزاد=وراعي يمينٍ ماتمن العطايا
وللمعرفة مصدر وللجهل نقاد=وجاهك مع الاجناب ومع الدنايا
وتمتاز باالفطنه وتقدير الاجواد= وتمتاز باالحكمة وحل القضايا
ولك سيرةٍ تفخر بها امة الضاد=ويسمع صداها في جميع النحايا
واستأذنك في بيت ياسقم الاضداد=توضيح لو مالي بكشف الخفايا
وقفت مع من جاء على غير ميعاد=ونوخ ركابه قدم بابك ونايا
ماعاد لة حيلة ولاعنه نشاد=ومن الزمن كله ذنون وخطايا
ينخاك وانت تقول ماعنك مقعاد=حتى ورد عذب العدود الرهايا
ثنيت من دونه وثبت الاوتاد=وخليت خلان الرخاء فاالزوايا
وياشيخ من لايشكر الناس جحاد=وجميلك اكبر من قصيد وحدايا
بسمي وبسم ملينت روس الاضداد=الاد غايب فاالمدن والقرايا
نرفع لك البيضاء جماعات وفراد=وغلاك يبقى بين هدفٍ حنايا
وصلو على المختار مادق رعاد=شفيع الامة يوم تحشر عرايا
[/poem]

بيض الله وجهك على القصيده الجزله في بناها

والواقعيه في مستواها والضيظ كفو يستاهل المدح
,,,

تقديري

يستاهل الضيط

رجل غني عن المدح والتعريف ولكن يستاهل

وصح لسانك

:wardah:

محيا محمد السلات

ووجهك ابيض الله يطول عمرك

ومرورك يسعدني ويزيدني شرف

تقبل تحياتي

صح لسانك يامحمد ,

وونعم بالمادح والممدوح ,

ودمت بخير ,

يستاهل الضيط

شيخ وفعله مادحه
واللي مثله يستحق أن يمدح ..

صح لسانك يا محمد مليون
التحيه والتقدير لك

سلطان العطاوي

صح بدنك ومشكور على المرور

الكريم

تقبل تحياتي

صح لسانك

وعلى شااانك

ويتساهل ابو بندر كل خير

وانت مبدع مبدع

لابعد حد

تحيتي لك يالذيب

فعلاً قصيده رائعه ومدح في من يستحق ..


قريتها هاتفياً على رفيقك حمود بن شنيف وابدأ إعجابه الشديد بها
ويسلم علاااك :)


تحياتي

محمد مرزوق السميري

صح بدنك الله لايهينك

تقبل تحياتي

صح لسانك تشرفت بسماعها منك قبل واليوم قريتها والاعجاب حاصل

سلم عليك يابو مذكر

وكل عام وانت طيب ومن الله قريّب

صح لسانك يامحمد

وكل عام وانت بخير


يستاهل الشيخ بدر

قصيده وافيه وابيات جزله
كما عودتنا

بالجزل ديما يامغيبي

دمت بود

ضيف الله العالي

صح بدنك الله لايهينك

واشكرك على المرور الجميل ولاعليك زود

تقبل نحياتي

عبدالعزيز الجش

صح بدنك

والله لايهينك على المرور الكريم

تقبل تحياتي

محمد المغيبي ،،، صح لسانك


قصيده رائعه وتليق بمستوى المادح والممدوح



ارفع لك قبعة الإحترام




تحياااااااااتي

علي نايف

شكرا على الاطراء

تقبل تحياتي

نعم بالظيط

وبا الاد غايب


وصح لسانك يامحمد


ابدعت

صح السانك يالقرم