غيض وغضب
السلام عليكم
يسعدني ان اقدم لكم هذه النص امل ان يجد منكم القبول ولكم ودي [poem=font="Simplified Arabic,6,black,normal,normal" bkcolor="transparent" bkimage="backgrounds/41.gif" border="inset,8,firebrick" type=0 line=0 align=center use=ex num="0,black""] يالقصيده بعد دورك وجب=اطلعي مثل مطلاع الهلال ماكتبتك على شان الطرب=ولاهوا اللي تشادي للغزال اكتب الشعر من غيض وغضب=العرب شفت فيهم مايقال ضيعوا دلهم يال العجب=ومنهج اعمامهم وايا الخوال والتراخي على الشيمه غلب=والحيا راح مافيها جدال وقمت ادوّر لعلتهم سبب=واكتشفت انها داءٍ عضال لادعاهم معزب للشبب=عنده ضيوف ومذكي خيال كل واحد بملبوسه سكب=ومن عصر جا متاحي للعيال روحوا قبل لاالشمس تغرب=مثل جيشٍ تحرك للقتال قادهم للمعزب وانكثب=وكل ورعٍ على مركاه مال والفناجيل خلوها حطب=والحقوا صفوة الكيف الحثال والقدوع اعتدوبه وانهب=والعجم صال فى المجلس وجال ولو يجي عقبهم جد العرب=مالقاله على المركى مجال يجلس هناك ابو ظهرٍ حدب=يتحمل لو عضامه هزال ولاروحوا ريح للزاد وزهب=نفذوا واستعدوا للنزال وكل واحد تجهز واقترب=ماترده مرابيع الحبال وفي ثواني على السفره وثب=واشترك باليمين وبالشمال يجتلد كن في جسمه جرب=شيمته دون ويدينه طوال ولا ارسل الضيف للداعي طلب=للمغاسل يشدون الرحال ويفهق خلاف مفتول الشنب=لين يقضون من كل الغسال وشايبٍ يشتكي ضعف الركب=يلزم سراه تقديمه محال ثم كل لمركاه انتدب=مثل ماينطلق سهم النبال وانجضع فوق جنبه وانقلب=يتمغط مثل ذيخ الظلال والمعزب تكدر واكترب=واندفن من حياه بن الحلال والابو للفضيحه ماحسب=ولاعرف قدر لكرام السبال وجهه ابرد من الماء فالقرب=جعل رايب عيونه للخلال يلحقه لوم ويحمل عتب =ليه ما ارخى عليهم بالعقال وليه ماعلم ابنه بالادب=وفهمه في قوانين الرجال من يهمّل عياله ماكسب=منهم الا الفضيحه والخمال يفهم الحر ويزيل الريب=والرخم فالرخامه لايزال وهقوتي موعد الساعه قرب=يالله الطف بنا ياذا الجلال ضاوي العصيمي [/poem] |
الله الله يا ضاوي
ابدعت ورسمت الواقع بحرفنه قصيدة واقعية وملموسه وتسير على قدميها في واقعنا الحي للاسف الله لا يهينك على كل حال لك التحية |
لله درّك يا ضاوي
عزالله انها في الصميم ظاهره بعيده عن الادب والاحترام فصلتها وعالجتها والله يصلح لنا ما عطا ويجنبنا هالظاهره صح لسانك الف وسلمت على هالبدع الرزين يا بوزياد محبه وتحيه واعجاب :) |
لاحول ولا قوة إلا بالله
حالٍ الله يبدله بحالٍ أفضل بيّض الله وجهك ياضاوي على النقد اللي فالصميم صح لسانك مليون * |
ياوجه الله
صح لسانك يابو زياد تقبل تحيتي |
عزالله صدقت
صح لسانك |
بيض الله وجهك
لاهنت ياضاوي وصح السانك عدد حروفها لكم جزالتها وقوة معناها تحيتي |
الله الله
صح لسانك ياضاوي , ودمت بخير , |
وعليكم السلام والرحمه
قضيه اجتماعيه يجب أن تؤخذ بعين الاعتبار لله درّك يا ضاوي شاعر كبير مثلك لا يأتي الا بما هو مفيد صح لسانك صح لسانك صح لسانك لك التقدير والاحترام |
يالله الـطــف بـنــا يـــاذا الــجــلال
صورت الواقع يابو زياد صح لسانك |
.
صح لسآنك يَ ضآوي . وآقعة ملموسة وهذآ من قلّ العوآرف في هالزمن . الله يصلح الحآل يابن عآصم . :wardah: |
الله الله
أبو عايض والله انك نوماس للشعر صح لسانك |
صح لسانك مليون يابو زياد عز الله انك مبدع في كل حالاتك ،، تحيتي لك ّ واعجاب على القديم ،، وعسى الله " يجعلنـــا وياك في جنــات النعيم ومن يشوف ، " :wardah: |
اشكر كل من مر من هنا ويامليون هلا بالجميع
|
ابو زياد
ارحب ارحب ولاغريب الابداع من هله قصيدة تكلم عن واقع ملموس ولا على الدنيا غريب ؟ |
هلابكم جميع واشكركم على المرور والاطراء ويامليون هلا
|
صح لسانك , ضاوي العصيمي مبدع كما عهدناك .. و بيض الله وجهك تشرفت بالمرور هنا .. |
الغالي محمد بن صقيران هلابك واشادتك اعتز بها
|
اقتباس:
قصيدة تعالج قضايا بالفعل هي تحدث الآن وللأسف وبالأخص عدم احترام كبار السن ضاوي مبدع كما عهدتك وللأمانه انت من الشعراء اللي يناقشون قضايا مهمه في طروحاتهم الجميلة .. لله درك:wardah: |
| جميع الأوقات بتوقيت GMT +3. الساعة الآن 06:23 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية