خبرتي تكفيك عن مكتبه يانايف معلا!
 

اسعد الله اوقاتكم جميعا....

صديقي المشاكس دائما نايف معلا سعدت منه بقصيدته سمعتها منه وقرأتوها على هذا الرابط... http://www.mergab.com/montada/showthread.php?t=57285

فتفاعلت معها بهذه الابيات...وعذرا مقدما على القصور

غرّر به الضو قبل العام في الافتتاح
واشعة الليزر اللي كانت مركبه

مشى على ما اشتهى من رغبته واستباح
ويدور حول الحمى والقوم مستغربه

هو يدرك انه نجح والناس فيهم شفاح
ان ماتحصّن بذكر الله وقع فسببه

ناديتني واسمعك.... والجد غير المزاح
ويلزمك تسمع جوابي قبل ماتكتبه

لـعيـون خاطرك يانايف (خفضت الجناح)
بين اعذب الشعر في بث الفضا واكذبه

ابيات بعض القصايد مثل زرق الرماح
تحتل في مقتل اهل الذائقه مرتبه

ولا بعضها تزوّد فالجراح.... الجراح
تدبل غثا المستمع للشعر وتعذبه

اسما قليلة من الابداع تلبس وشاح
النور يانايف الغربال مايحجبه

واسما كثيره تحاول بس مامن فلاح
العالم مشرّقه ولاهي مغرّبه

لايحسبون القصايد ....باللغا والصياح
كم مات من شاعر التاريخ مايحسبه

ذكرت (منــخــالـك) اللي يبعث الارتياح
في بال من يبحث عن الراي ويقربه

الجود ماهوب فطره فالـيدين الشـحاح
قلته وانا خبرتي تكفيك عن (مكتبَه)

لايخـدعـك برق صـيـفٍ كل مالاح... لاح
ماهوب عيب ان سألت وجاتك الاجوبه

الله الله

صح السانك يامعيض


قصيدة تحوي بين طياتها قصائد ومقاصد

لك تقديري

صح لسانك

يامعيض الكرشمي

كم يعجبني شعرك ويطربني

تقبل تقديري واحترامي

لـعيـون خاطرك يانايف (خفضت الجناح)
بين اعذب الشعر في بث الفضا واكذبه

الله الله

جميل ماقرأت هنا لله درك وكفا

صح الله لسانك مدد

تحياتي ياجزل

معيض الكرشمي

صح لسانك وعدلت الميل ، ووفقك الله

تحيتي وتقديري

ابيات بعض القصايد مثل زرق الرماح
تحتل في مقتل اهل الذائقه مرتبه


مثل قصيدتك يامعيض

صح لسانك

وجزله من راس جزل

صح لسانك يامعيض

لله درك يامعيض
ياحبيب الكل..

الاستاذ/معيض العتيبي

مرحبابك من خلال هذا الصرح الذي تواجدنا فيه عن طريقك واخذنا فيه بعض الضو ويعلم الله انني احبك كرجل قبل الشعر لان الشعر ليس من حقي تقييمك ولكن من حقي الفايده من ماتكتب امثال هذا البيت الشامخ الذي بحد ذاته رد كافي على قصيدة الشاعر المبدع نايف معلا

ابيات بعض القصايد مثل زرق الرماح
تحتل في مقتل اهل الذايقه مرتبه

صح لسانك واعتلا شانك

تحياتي وتقديري

ياسلام عليك يا بونوره

مبدع وهالمزيونه أروت الذائقه والبركه في أبو معلا وابياته


صح لسانك الف وسلمت ولاهنت



محبه وتحيه :)

صح لسانك يامعيض

عز الله انها قصائد في قصيدة


لاهنت والله


كل التقدير

بدعتواااا الثنين وامتعتوا المشاهدين خلف الشاشات


معيض ونايف


لله دركما



تقديررررررررررررراتي

الاخ العزيز /معيض الكرشمي
الله يمسيك الخير
نايف لن يطيح ابدا ولن تطيح انت ايضا
لانكما عملاقان تجيدان السباحه في بحور
الشعر

الجود ماهوب فطره فالـيدين الشـحاح
قلته وانا خبرتي تكفيك عن (مكتبَه)

لايخـدعـك برق صـيـفٍ كل مالاح... لاح
ماهوب عيب ان سألت وجاتك الاجوبه

وانا اقول انك خادعنا طول الوقت الماضي
لانك ماتنزل لنا من هذا المخزون الجمييل
جملك الله يا ابو نوره

ابو نوره
والله انك فخر للشعر

تدري عن شي
كنت اتصفح المرقاب زاير ويعلم الله انها خلتني اسجل دخول

صح لسانك
صح لسانك