سود الظلايم ..!
اعضاء و زوار هذا الصرح الشامخ ,, طابت اوقات الجميع بالخير و الرضاء :wardah:
مبارك عليكم الشهر الكريم ,, :) و كلّ عام و انتم بخير و سلامه :wardah: تقبّل الله منّا و منكم صالح الاعمال ,, إليكم الجديد / اقبلوه كما اتى ,, و المعذره على القصور :) [poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] يا هجوسي لا جلت سود الظلايم=ابدعي قافك لا خطيت الكتابه والله اني عن هزيل القول شايم=دام فكري ما يخيّب من هقابه شاعرٍ في غبّة الأشعار عايم=كل ميقافٍ صعيبٍ ما يهابه والقوافي لو لها مليون رايم=العقول افكارها ما هي تشابه علّم اللي ينّقد جداد وقدايم=ما درى بأنه على العمياء يجابه لا يحسب انه عن الزلات صايم=أ/يتريّح دام ما نحسب حسابه ما تهّم أفكار عقلي كلّ لايم=وكلّ راسٍ لا حكم عقله رضى به غنّها باللحن يا ضعيف العزايم=شيلةٍ لو هي على قوس الربابه و اعرف الفرصه ترى ما هيب دايم=وان نشدت الشعر يعطيك الإجابه و إلاّ انا مانيب لا مخطي و ضايم=محّتمي قولي على عزّ ومهابه و الردى لوّ كان له بايع وسايم=ما نزلت أ/ بجوف سوقه ويش ابى به ! عايفه لو كان جاني بالغنايم=في بعيد الناس و إلاّ فالقرابه قلتها والحظ بإذن الله قايم=من قصّدني بالمعزّه مرحبا به و من بغى ينهج وسيعات الخرايم=لا اختفى ما نيب ناشد عن غيابه يا يبين وتنّجلي سود الظلايم=أو يروح وكنّ ما حيٍ درى به ![/poem] |
علينا و عليك يتبآرك ، , كل عام و انت بصحه و سلامه
و الردى لوّ كان له بايع وسايم ما نزلت أ/ بجوف سوقه ويش ابى به ! عايفه لو كان جاني بالغنايم في بعيد الناس و إلاّ فالقرابه صح الله لسسانك يا سعود قصيده وافيه / من شاعرٍ وآفي ، :wardah: |
للابداع اهل وانت من اهله
سلمت وصح الله السانك من اولها الي اخرها |
ابو مشعل
كل عام وأنت بخير ،، و الردى لوّ كان له بايع وسايم ما نزلت أ/ بجوف سوقه ويش ابى به ! عايفه لو كان جاني بالغنايم في بعيد الناس و إلاّ فالقرابه صح لسانك والله .. مبدع يابو مشعل والشهادة (داعسها بلدوزر) على ماقال واحد من الربع :) كل التقدير |
والله اني عن هزيل القول شايم دام فكري ما يخيّب من هقابه صح منطوقك وسلم فكرك يابو مشعل ونصوصك خير شاهد على ذلك تحياتي لك |
و الردى لوّ كان له بايع وسايم
ما نزلت أ/ بجوف سوقه ويش ابى به ! عايفه لو كان جاني بالغنايم في بعيد الناس و إلاّ فالقرابه والله والنعم وكفو وهذي عوايد الطيبين شرواك امتعت واجزلت صح لسانك مليون تحياتي صح لسانك مليون |
ياسلام يابو مشعل
قصيده في الصميم والله يكفينا شر نقاد تالي الوقت والبعض منهم ينطبق عليه المثل اللي يقول : ( اللي مايطول العنب حامضٍ عنه يقول ) ارقا سنود وصح لسانك |
مبدأ رائع من شاعر استطاع ان يجسده في النص
صح لسانك يا سعووووود احتررررامي |
كل عام وانت بصحه وسلامه
و دام هـ التوهج والادبداع حليفك صح لسانك صح لسانك صح لسانك |
اقتباس:
صحّ بدنك طال عمرك حضورك شرف لاعدمتك كل التقدير |
صح لسانك
ولاهنت ياسعود تعبير رائع من شخص رائع:wardah::wardah: |
اقتباس:
صحّ بدنك طال عمرك لاعدمت حضورك الكريم |
علينا وعليك يتبارك ,
وأنت بخير وبصحه وسلامه , ولله درك ياسعود , مبدع يالأمير , وصح لسانك مليون في مليون , ودمت بخير , |
اقتباس:
شهادتك تشرفني و تسعدني ومرورك فخر لاعدمتك لاهنت |
اقتباس:
صحّ بدنك طال عمرك حضورك شرف و فخر لاعدمناك كل التقدير |
سعود مشعل
صح الساااااااانك جزلة من جزل لاهنت |
يا مرحبا والله يا سعود و حيّ ما جبت
صح لسانك و بيض الله وجهك وافي يا ابن العم |
.
حيّ سعود وحيّ جديده . صح لسآنك مدد بلا عدد . وتقبل الله منآ ومن المسلمين جمع . لاهنت . :wardah: |
اقتباس:
صحّ بدنك ,, و شرواك الطيب طال عمرك حضورك شرف لاعدمتك كل التقدير |
صح منطوقك
ولا عدمتك يالحصان |
اقتباس:
صحّ بدنك طال عمرك حضورك شرف لاعدمناك الف شكر لك |
اقتباس:
صحّ بدنك طال عمرك يعطيك العافيه و لاهنت كل الود |
| جميع الأوقات بتوقيت GMT +3. الساعة الآن 02:56 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية