انته عتيبي ٍ تشرف قبيلة
 

السلام عليكم ورحمة الله وبركاته

وشلونكم ياهل المرقاب وعسى الجميع بخير

اقدم اسف للجميع لانقطاعي عن المرقاب وعن الشعر عموما

لي حول السنة ما كتبت شي وليا اشتقت للشعر مريت على المرقاب وكيفت مزاجي

من ابداعات عمالقة المرقاب ومشيت

وبناء على ما ذكر بعاليه الرجاء عدم التدقيق وخلوها تعدي المرة هذي لان الياقة تعبانة


هذا بيت ٍ جاني قبل يومين في رسالة ما ادري كيف جاني يقول


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] انته عتيبي ٍ تشرف قبيلة = واسمك ترى ماهوب عيب ٍ ليا قيل[/poem]


وجات هالبويتات

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت بيتك بن مع زنجبيلة = صح الله لسانك على كل ماقيل
عن المعاني هاجسي كلّ حيله = منحل حاله حول حول وبلا حيل
لكنّ بيتك برق هز المخيلة = وارخت على جرد الفياض الهماليل
لين ارجعت ريضان صدري ..وسيله = احيا الورود اليابسات المذابيل
وقامت تمايل والنسايم عليلة = وطابت على بنة هواها التماثيل
يابنت مشكورة وبيتك...جميلة = ولك ردها باذن الولي فالمقابيل
والعيب احشم اسمي عنه كيف اجي له = القاع ما يجذب هل الجدي وسهيل
لكنّ ياليت الليال الجميلة = يوم جمعتنا ما تقافت معاجيل
ياليتها دامت سنين ٍ طويلة = وسجيت انا وياك فاحلى التفاصيل
ليتك عرفتي معدني يا اصيلة = وليتك عرفتيني من ايا الرياجيل
ليتك عرفتي من علومه جزيلة = ووش منزله بين الزحول الحلاحيل
وليتك عرفتي من هوى المستحيلة = ولا نافس الا كاسبين التنافيل
وليتك عرفتي اي قلب ٍ يشيله = قلب ٍ يمد الود هيل ٍ بلا كيل
قلب ٍ سكن بين الضلوع النحيلة = (كله عطا) يم الرموش المظاليل
ليتك وليتك مير ما فيه حيلة = ريح الجفا شالت بذور الامل شيل
حتى وداعك ما تيسر سبيله = رحتي وجيتي مثل حلم ٍ بعد ليل
ومادام قلبك صرت ماني نزيله = واصبحت ذكرى تنحكي فالتعاليل
مع السلامة والهجوس العليلة = ما ظنتي بعدك تجر المواويل


[/poem]

كلام كلام كلام

كفو وبيض الله وجهها وصح لسانك

ياحيه من حضووور ومن عوده

ابو فالح

ابداعك وشعرك فارق / وانت من اللي ينومسون الشعر ومتذوقيه
صح لسانك ولسانك من خلانا نقرالگ

تحيتي واعجابي

صح الله السانك مليون


ودي وتقديري

لكـنّ يالـيـت اللـيـال الجميـلـة
يـوم أجمعتنـا مـا تقافـت معاجيـل

ياسلام ياسلام

مرحبا يا مشعل

وصح لسانك مدد .. ولاهنت

تحيتي:wardah:

كفو والله وصح الله السانك يالمبدع .

لك تحيتي القلبيه.

سلطان العطاوي

ياهلا ويامرحبا

كل الشكر علي عذب مرورك

ارحب يامشعل
وحياك الله
وصح السانك

صح لسانـــــك

لـــيـــتـــك ولـــيـــتـــك مـــــيـــــر مــــــــــا فـــــيـــــه حـــيـــلــــة
ريـــــح الـجــفــا شــالـــت بـــــذور الامـــــل شـــيـــل

الله الله الله


حجز عشان امخمخ بالقرايه

جازتلي القصه :)

ياسلام / ياسلام



بيض الله وجهك وعزالله انك ماخليت شي .,




تحيتي

،



ليتك وليتك مير ما فيه حيلة = ريح الجفا شالت بذور الامل شيل
حتى وداعك ما تيسر سبيله = رحتي وجيتي مثل حلم ٍ بعد ليل



هذي والله الرساله المبروكه يابو فالح ،،
ما شاء الله تبارك الله كتبت وابدعت يا المجرم :)



تحياتي وتاكد اني سعيد جدآ بعودتك يا مشعل