ياعين أبــــوهــــــــــا !!!
علموها ياهـل الطـالات ياعيـال الحمااايـل لافقدتني .. في غيابي عن غلاهـا علموهـا قولو ان الود باقـي بالغـلا والشـك زااايـل يمكـن ابياتـي ووجـدي بالغـلا مافطنوهـا خابراً نظم القصايد والجزيـل مـن المثايـل لا نظمته في غلاها .. رددت ياعيـن ابوهـا مهرت(ن) هزت خفوقي وطلعت بين الاصايـل كانها ترقص خطاهـا لامشـت ثـم اتبعوهـا جول ترفات الصبايـا حولهـا والكـل نايـل نظرت(ن) فيها تكفي .. بس لو هم ! يلمحوها والله .. انها في خفوقي مبطيه ولهـا دلايـل غاليه وجيوش صدري مـن غلاهـا قلطوهـا بنت شيخ(ن)قاد قو(من)باللظى صايل وجايـل مـن فعولـه زاد صيتـه فخرهـا لا لقبوهـا ولاتعزوت باسم اخوهاماله افعـول(ن) قلايـل ذاخر(ن) راس الشجاعه والمرااجل كلبوها جادلن يفخر صداها لاضربـو زيـن الدلايل والله انهـا سيـدة كـل العـذارا لاذكـروهـا لارقصت بين العذارا .. كانها غص(ن) تمايل واسعد الصاله صداها يوم جـات ولاعبوهـا واهني العين شافت كيـف تنطيـل الجدايـل والتوا خصر الجميلـه والردايـف ساعدوهـا هبت انسام الحنايـا مـن شفاهـا بالقوايـل كأنهـا ديم(ن)بروضـه والمعاليـق وردوهـا وصفها فـوق الخيـال ولانوفيهـا الجزايـل درت(ن) تسـوا وتسـوا بوزنهـا لاثمنوهـا والله اني مـا الـوم القلـب لومانـي بقايـل ان قلبي راح فيهـا.. بـس امانـه طمنوهـا لوتبي .. روحي فداها جيتها بـرق ومخايـل وامطر إحساس ومشاعرلجلها بس احشموهـا لانها .. تسوى بعيني بنت شيخ ومن قبايـل ولا اخبر ! بيوم اهلها .. عند حاجه زعلوهـا كان لي قدر وحشيمه عندكم يا اهل الجمايـل في غيابي وجد قلبي لجـل عينـي كرموهـا وقولو !! ان الود باقي بالغلا .. والشك زايـل والقصايد كلبوها .. فدوتـك ياعيـن ابوهـا |
الله الله الله ابداع وحضور رائع يا اخي خالد صح لسانك الف ولاهنت احترآمي و ج د |
هبت انسام الحنايـا مـن شفاهـا بالقوايـل كأنهـا ديم(ن)بروضـه والمعاليـق وردوهـا صح لسانك نص جميل ومعاني رائعه لاهنت تحياتي |
خالد..
صح السسانكـ مبدع .. . لاهنت |
هذي المفروض فـ الركن : )
صح الله السانك مليون ودي وتقديري |
اقتباس:
لاخلا ووولاعدم ياوجد .. شكراً من العمق تقديري |
صح لسااانك والله ياشاعرنا العذب ,,
تقبل مروريـــــــ ,, |
اقتباس:
الرووعه حضوورك النقي ... صح بدنك ولك الوود محبتي |
جمال جمال جمال
لاهنت وصح السانك ولك اجل التحايا . ., |
اقتباس:
صح بدنك ياعنااد محبتي |
,
الله الله الله صح لسانك يا خالد .. قصيده رائعه .. , |
خالد عبدالكريم "
صح لسـانك ، ولاهنت " قصيده جميله بجمال شاعرها ، تحيتي :wardah: |
اقتباس:
صح بدنك ولاهنت محبتي |
صح لسانك
ملاااااااااااااااايين ياخالد تحيتي وتقديري |
اقتباس:
صح بدنك يالقرم محبتي |
| جميع الأوقات بتوقيت GMT +3. الساعة الآن 12:50 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية