واعــــــــبرتي !
سلام الله ورحمته على كل من قرأه يطيب لي ان اشارككم بهذه المتواضعه , عسى ان تنال شيئا من الاستحسان ليا ضاقت الدنيا وضاقت فجـــــوجهــا -------- من ضيقها ياكيف اعوّد و ادوجها واعبــــــرتي ماعاد يبري خنـــــاقــها -------- شرب القراح وشم ذعذاع موجها اخذت في دنيـــــاي بيــعٍ و مشتــــرى -------- ونفسي لقت منها هــمومٍ تلوجـها وردّيت عنــها النفــس ماعــاد لي بهـا -------- وعذّرت في ربحٍ تشيـله دروجها ولا همّــني هاليــوم بقـــعا و مابهـــا -------- ولا همـنّي ناسٍ جداها هروجها عفــت الرقــاد وعفـت ماكنت اناشده ------ وعفـت الديار و عفت ضحكة غنوجها ولا عادت الدنيــا و وقـــتٍ نكــابده -------- خيول الـــوفا به خالياتٍ سروجها وهو ليه اضيق بضيقها وانشراحـها؟ -------- وانا معاي الله مـــشعــل بروجها لــذّة مناجــاته وذكــري لــرحمتــه -------- هي سلوتي بعدل الليالي وعوجها يارب تـــــوبه ما أبي غير شوفتـك -------- وفـردوسك العـالي اسجّ بمروجها ولا من ذكرت انّك مجيـبٍ لطالبك -------- وش عاد لو ضاقت عليّه فجوجها! وســ لا مـــ تـــ كــــ م |
أخى الغالى : ناصر
جزل جزل صح لسانك وبيض الله وجهك لك تحياتى |
الاخ ناصر
صح لسانك ولاهنت على هذه القصيده تحيااااتي لك ناايف بن عيفااان |
ناصر الثبيتي...
ومناجاة صادقة.... وهو ليه اضيق بضيقها وانشراحـها؟ -------- وانا معاي الله مـــشعــل بروجها لــذّة مناجــاته وذكــري لــرحمتــه -------- هي سلوتي بعدل الليالي وعوجها يارب تـــــوبه ما أبي غير شوفتـك -------- وفـردوسك العـالي اسجّ بمروجها اهلا بك ياناصر وصح لسانك مشاركة تمتلك حق التميز والحقيقة موضوع يستحق التفرد تمنيت ان تطول بنا القصيدة اطول من ذلك.... الف شكر لك ياناصر وتأكد من حاجتنا الماسة لمثل هذه القصائد لك وافر تحياتي |
الشاعر وابن العم ناصر
صح لسانك ولاهنت قصيده جزله من راس جزل سجل اعجابي ننتظر القادم ابوزيد |
خالد الذيابي
الله يسلّمك يا ذيبان اخوك الثبيتي |
الجميل ناصر الثبيتي
لله درك على هذا النزف الجميل صح لسانك يا رائع , وعسى الله يبلغ ما تمنيته . تقبل تحياتي ,,,,,,, أخوك / عبدالله مرّان (1)http://vb.almergab.net/showthread.php?s=&threadid=351 (2) http://vb.almergab.net/showthread.php?s=&threadid=724 |
ناصر الثبيتي
صح السانك والله لايهينك ولا يحرمنا من ابداعك تحياتى لك |
| جميع الأوقات بتوقيت GMT +3. الساعة الآن 10:53 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية