منتديات المرقاب الأدبية - هذا كل مابيني وبين

مابيني وبين الشاعر / ملفي المورقي من أمور بدأت تتنامى وتكبر في

فترة ما .... المهم تقابلت ذات مساء مع " ابو وافي " في منطقة الدوادمي ودار الحوار /

سفر /

مرحبا في حفلة عتيبة ،،، وفي ديرة عتيبة
من هواجيس ٍ تصوغ البيت ... وتحكم المعاني

صاحبي ملفي مع ربوعه سواليفه عجيبة
مر اقول انه عدوّ ٍ لي ، ومرّ ٍ من خواني

ملفي /

البقا بالشاعر اللي مايحوش الا ّ نصيبه
لو يدوّج طول عمره من مكان ليا مكاني

إن هرجت ليا مصيبة ، وان سكت ّ ليا مصيبة
مير ابا امسك هرجتي في خاطري وامسك لساني

سفر /

أنت صادق ,,, وتعرف ماللصحيب الا ّ صحيبه
ما الله مكلفك بين الجدي ، وسهيل اليماني؟؟؟!!!

لاتهرّب من مشاريهي .... مشاريهي صعيبة
ولاتحسب ان العلوم اللي مع ( الربع ) تخفاني

ملفي /

أكثر الشعار يالعتبان شر ٍ يندعي به
لوعطيته عشر في كفه يحســّــبها ثماني

والله اني عارف ٍ كل البعيدة والقريبة
ماخبرت العوشزة تثمر بـ ورد وزعفراني؟؟!

سفر /

ياوسيع المعرفة ... كثر المراوَغ وش تبي به ؟؟؟!!
المراوَغ والمحايل شغلة عيال الحـَـصاني!!!

ياعتيبي لاتكسـِّـــر سيفك اللي تعتزي به
ثم ماينفعك بكرة لا(فلان) ولا (فلاني)!!!

ملفي/
ياعتيبي ثوبك اللي لابسه ياوسع جيبه !!
إحذف الثوب الوسيع وشوف غيره ثوب ثاني؟؟!

إن توليت العدا راحوا سريبة في زريبة
وانت عينك يمنا مارحت.... شمر وقحطاني!!!!!

سفر /

أحمد الله من حلالي ثوبي اللي مكتسي به
ماتحذ ّيته من اهل الشام ؟؟ مدري من عماني؟؟
وإلى اللقاء مع محاورات ساخنة هذا الموسم .................