مرثيه في والدي الله يرحمه
السلام عليكم ورحمه الله وبركاته مرثيه في والدي الله يرحمه ويسكنه فسيح جناته اتصال ٍ شب في قلبي لواهيب ٍ قويّه احرقت كل الظلوع الحدب واعروق المحاني في صباح السبت قيل ابوك وافتـه المنيّه المنيـّه جات مآنقـصـت ولا زادت ثواني فاضت النفس الزكيّه يم خلاّق البريّه يومه المحتـوم في دنيـا الفنا والعمر فاني شِلّـت اطرافي ولالي بالتّحرّك مقدريّه مير ربـي نزّل الرحمه عليّه واحتمـاني رحت اشوفه والدموع انهار من عين ٍ شقيّه كل عرق ٍ من عروق الجسم من حزنه يعاني من رحيله ضاق صدري مابقى لحالي بقيّه اختلف فكري وطاحت عبرة ٍ هزّت كياني والله انّا فاقدينه في صباح وفي عشيّـه ليـت ربي قبل اعرف انّه توفـى قد خذاني مؤمن بربي ولكن موقـف ٍ صعب ٍ عليّه الحزن من مـر علقم قدّم الكأس وسقاني مآورثـت الا مواجع باقيات ٍ ليٍ نديّه اااه من هـم ٍ نعيشه احتويتـه واحتواني الليالي في عيوني من فراقه سرمديّه والله ان الوقت بالميسم على صدري كواني مات مار افعول ابو فالح مع العربان حيّه تشهد ازحول الرجال بفعل طيبه من زماني راح راع الجود كله.. شيخ ماشفنا حليّه لاهرج بين العرب في مجلس ٍ طلق اللساني المكـارم من خصالـه.. فيـه مدّه حاتميّه حـَب طبعه كل واحد من هله قاصي وداني المحاسن لو نعـدّدها مثـل رش ابرديّه مزنة ٍ هلت بردها.. سيّلت كل المكاني الله انّه يرحم اللي ماعطـى درب الرديّه حافظ ٍ عرضه و دينـه قلتها علم ٍ بياني يالله انّك تغفر اذنوبه وزلات وخطيّه وتِسكنه في عالي الفردوس في روض الجناني محمد مرزوق السميري |
.
. . الله يرحمه ويسكنه فسيح جناته .. الله يجبر مصابكم يا ابو مرزوق .. صح لسانك على هذه الشعور المحزن .. عبيد |
عظم الله اجرك
هذي الدنيا كذا هذا يجي ويروح ذاك=نفرح ونبكي وهذي سنة الله في الحياة الله يغفر لولدك |
آمين : الله يغفر له ويرحمه ويثقل ميزانه بالأعمال الصالحه ويحسن عزاك فيه صح لسانك يابو مرزوق تحياتي |
الله يغفر له ويبيحه ..
وصح لسانك على هالمعبره . لك ودي . |
عظم الله اجرك
واحسن الله عزاااكم .. الله انّه يرحم اللي ماعطـى درب الرديّه حافظ ٍ عرضه و دينـه قلتها علم ٍ بياني يالله انّك تغفر اذنوبه وزلات وخطيّه وتِسكنه في عالي الفردوس في روض الجناني اللهم آآآآآآآآآآآمين اللهم آآآآآآآآآآآمين |
الله يغفر لوالدك ويرحمه آمين يارب
صح لسانك ولاهنت تقديري |
الله يرحمه ويسكنه فسيح جناته
وصح لسانك يا محمد |
الله يسكنه الجنه
ويعووضكم فيه بالصبر والصحة صح بوحك |
صح لسانك
اللـهـم احشره مع اصحاب اليمين واجعل تحيته سلام لك من أصحاب اليمين اللـهـم بشره بقولك "كلوا واشربوا هنئياً بما أسلفتم في الايام الخالية" |
اقتباس:
اقتباس:
صح بدنك جزاك الله خير لاهنت |
الله يرحم والدك ويسكنه فسيح جناته وصح لسانك يا محمد |
والله قصيدة رائعة ومؤثرة رحم الله والدك واموات المسلمين
اللهم نزله منزلة الابرار واسقه من حوض نبيك المعصوم محمد صلى الله عليه وسلم |
احسن الله عزاكم يامحمد
والله يرحمه ويرحم والديني واموات المسلمين ويسكنهم الفردوس الاعلى من الجنه صح لسانك على هالمرثيه المؤثره تقبل تقديري |
آمين : الله يغفر له ويرحمه ويثقل ميزانه بالأعمال الصالحه
ويحسن عزاك فيه صح لسانك يابو مرزوق تحياتي |
عليكم السلام ورحمة الله
في صباح السبت قيل ابوك وافتـه المنيّه المنيـّه جات مآنقـصـت ولا زادت ثواني فاضت النفس الزكيّه يم خلاّق البريّه يومه المحتـوم في دنيـا الفنا والعمر فاني شِلّـت اطرافي ولالي بالتّحرّك مقدريّه مير ربـي نزّل الرحمه عليّه واحتمـاني رحت اشوفه والدموع انهار من عين ٍ شقيّه كل عرق ٍ من عروق الجسم من حزنه يعاني الله يجبرك يـ الشاعر موت الأب مأساة ياكبرها والله يالله انّك تغفر اذنوبه وزلات وخطيّه وتِسكنه في عالي الفردوس في روض الجناني اللهم آميين ووالدينا وجميع موتى المسلمين صح لسانك يـ الشاعر ولاهنت على هـ المرثيه الحزينه تقديري لك,’’ |
الله يغفر له ويبيحه
ويسكنه فسيح جناته وصح لسانك على هالمعبره يابو مرزوق كل الوووود:wardah: |
صح لسانك يابومرزوق مرثية مؤثره
والله يرحم ابوك وابوي واموات المسلمين اموات اولاد اموات تقبل اطيب تحيه |
الله يرحمه ويسكنه فسيح جناته ..
الله يجبر مصابكم يا ابو مرزوق .. وصح الله لسانك مدد |
اقتباس:
جزاك الله خير لاهنت |
اقتباس:
جزاك الله خير لاهنت |
اقتباس:
صح بدنك جزاك الله خير لاهنت |
| جميع الأوقات بتوقيت GMT +3. الساعة الآن 03:10 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية