جيت أبا أشكي للأمير وقال لا تشكي لي ..!
 

السلام عليكم ورحمة الله وبركاته

مساكم الله بخير

قصيدة جديدة


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جيت أسولف لي بمجلس ماحدٍ يصغي لي = كل من حولي نظر عينه على جواله
كلهم من هالشباب وجيل ما هو جيلي = ومن جلس من جيلنا معهم تقول لحاله
وأجهزتهم ساع وردت وآخر الموديلي = المغرد فالتويتر مشتغل بإرساله
رحت أبا أشكي للأمير وقال لا تشكي لي = نصف هذا المجتمع عايش على هالحالة
وقلت أبا أكتب حجتي للشيخ بالتفصيلي = وقالوا القاضي ماهو يمك يدير اعماله
قلت مالي غير اجر الصوت واعزي لي = واسفا لو الكبير اليوم يشكي عياله
يا عيال أهل الفعول ومتعبين الخيلي = احفظوا موروث أهلكم واحذروا زواله
العلوم النافعة في محكم التنزيلي = وحافظ القرآن والسنة تزين احواله
دارت الدنيا بأهلها بين يوم وليلي = مثل دورات الرحا وادراجة المحاله
تبترم والناس فيها بين حط وشيلي = عالم تبني بيوت وعالم رحاله
أطلب الله للديار الممحـلة بالسيلي = ومن دعا ربه وساله ما تخيب آماله[/poem]

كبير يا ابو ناصر والعلم بحر مير ربك يزينها

صح لسانك

كبير يابن سويلم


قصيده تحكي الواقع




لله درك

انشهد انك قلت الصحيح

صح لسانك ولاهنت

تقديري

صح لسانك ملايييييييييييين

وعزاء الله انك ناقشت مشكله يعاني منها الكثير

تحيتي وتقديري

الكبير كبير
صح السانك

الله الله يابو عبدالرحمن

صح لسانك

متميزه هذه القصيده وتناقش ظاهره موجوده بالمجتمع وبالاخص جيل التويتر والتغريدات
(الجيل الافتراضي)
أنا مع التطور ولكن لست مع أن تكون مجلس رجال ويكون بالك مشغول بجوالك لأنك سيفوت عليك الكثير من الفائده

ابوعبد الرحمن اشهد بالله شهادة حق انك مليتها عدل وانا ما أستغرب الابداع من سموك
ولكن هذي القصيده موضوعها كبير وعظيم وهو حال 90%100من شبابنا اليوم وياكم شايباً تمنى انه شاعر من اجل ان يكتب قصيده في هذا الموضوع
ابوناصر كلمت صح لسانك لن تفي بحقك وحق ابداعك انا اقول الله يبيض وجهك وكفى وتقبل اعجابي الشديد
اخوك/حسين الكايد