ذات العفاف!
يا شاردة مالقت موطن لتهوي اليه
تظللي تحت ظلي واسكني واحتي للطرس ما تشتهي نفسه وما تدعيه ذنب القلم في كنف مغفرة مساحتي شيطان الاشعار وسوس لي وانا انفث عليه يا دمعة الحزن يا ذات العفاف النزيهسحاب دخاني وبراق قداحتي من جنة الليل تفاح السهر مشتهيه مطرود من جنتي باسباب تفاحتي! كم لي وانا احد نفسي فوق ما لاتبيه واضمد بحبر شعري جرح جراحتي شامت وجيه المرايا عن مرايا الوجيه اللي تعبها شريته واشترت راحتي! يحرجني المدح لا جا من لسان السفيه ويجرحني الذم في تمجيد مداحتي! كيف استرك بالهدب والعين فضاحتي! قولي لشاعر خلق والكون مخلوق فيه اطيح واشري تعبك وتشتري راحتي؟ |
نسقوها مع التحية عيا ينسق:)
|
يحرجني المدح لا جا من لسان السفيه
ويجرحني الذم في تمجيد مداحتي! الدكتور حمد العصيمي صح السااااااااااااااااااااانك انا اشهد ولا تحتاج تنسيق كلها شموخ ويكفيها بصمه ابهامك تسلم يمينك تحياتي |
حاولت انسقها ، بس الظاهر المنتدى معطوب :woow55:
ابو تركي يكفيها التنسيق الفكري والشعري ، الشهاده لله انك شاعر مولود في غير زمنك القصيده كلها ذهب موضوع وطرح وصور ، ولو بتكلم عنها ماوفيتها حقها ، لكن على سبيل المثال لا الحصر شيطان الاشعار وسوس لي وانا انفث عليه سحاب دخاني وبراق قداحتي سحاب دخاني وبراق قداحتي وشلون اصطدت اللقطه ؟ :) محبتي وشديد اعجابي يابو تركي منذُ القدم |
الاخى مخلد ما عليك زود يالامير مرورك فخر
|
ابو عبدالله الشاعر الملكي
ردك هذا كيف ارد عليه قفلة بالشيش:) |
وش نقول بس علمني
صدقني لو اقراها 100000000000مره لشعر مع كل مره بانها اول مره غير وغير وغير بهامتك الشعريه وبمنهجيتك وبما تتمتع به من موهبه لايمتكلها اي شاعر بهذا الزمن فعلا كما قال شاعرنا فيصل.. نفتخر فيك اينما ماكنت وفقك الله يابو تركي .. تحياتي لك |
ابو مشاري راي اعتز به ولا عليك زود يالامير
|
ملك الشعر
شاعر الملك ماأقول إلا الله لايضرك سلمت ودمت بحفظ الرحمن أزكى تحيه لسموك |
صح لسانك شاعرنا
ولاهنت على هـ الدرهـ تقديري,’’ |
يا دمعة الحزن يا ذات العفاف النزيه
كيف استرك بالهدب والعين فضاحتي! قولي لشاعر خلق والكون مخلوق فيه اطيح واشري تعبك وتشتري راحتي؟
|
شيطان الاشعار وسوس لي وانا انفث عليه
سحاب دخاني وبراق قداحتي من جنة الليل تفاح السهر مشتهيه مطرود من جنتي باسباب تفاحتي! كم لي وانا احد نفسي فوق ما لاتبيه واضمد بحبر شعري جرح جراحتي شامت وجيه المرايا عن مرايا الوجيه اللي تعبها شريته واشترت راحتي! يحرجني المدح لا جا من لسان السفيه ويجرحني الذم في تمجيد مداحتي!
|
يا شاردة مالقت موطن لتهوي اليه
تظللي تحت ظلي واسكني واحتي للطرس ما تشتهي نفسه وما تدعيه ذنب القلم في كنف مغفرة مساحتي
|
الشاعر العلم وصل الشهيب مرورك فخر يالامير لا خلا ولا عدم
|
اقتباس:
. . . . لا إله الا الله .. حمد العصيمي تجبر الكثير على التوقف والتصفيق حتى ولو كان لوحده .. ماشاءالله هذا هو الشعر وربي .. هذا النص يحتاج قراءة تحليليه ونقدية ونفسية أيضا .. ليس مجرد رد عابر ..قد يكون الرد أحياناً يظلم النص نفسه .. هذه القصيدة فوق كل شيء ..فوق الرد والإشادة وغيرها شكرا شكرا شكرا ياحمد .. الله يديم توهّجك .. وعمرك .. |
شاعرة نجد حضورك المطر
شكري وتقديري |
دكترة ( شعر غير طبيعيّه يادكتور )
الإعجاب يتجدد مع كل نص ، وكل نص يجذب الكم الهائل من الاعجاب ، فآلك الجنّه |
مافيه شيء جديد ..
كل قصيده لك ليس لها منافس الى التي قبلها .. هذا الشعر ولا بلاش صح لسانك ثم صح لسانك يابو وصل |
الرائع احمد فاضل لا املك الا الشكر على حضورك المتكرر وهذا من طيبك ورايك وسام على صدري
|
ماشاء الله تبارك الله
د حمد العصيمي شاعر عظيم جداً صح لسانك صح لسانك |
الشعر محطة استراحة فكريه تعبث بها انت وكيف ما نريد صح لسانك |
دكتور حمد
لله درك الظاهر انك حاصل على الدكتوراه في كل شئ القصيدة ماتحتاج تنسيق نقراها مرار وتكرار على اي شكل |
| جميع الأوقات بتوقيت GMT +3. الساعة الآن 05:50 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية