جح ساجر
السلام عليكم
قصيده متواضعه ترتقي بذائقتكم البيتين الاولى منها نزلتها في تويتر وانتشرت انتشار سريع بدون ذكر اسم صاحبها اسعدني نجاحها فأتيت بها هنا كامله وحصريه لتوثيقها بين ايديكم الله الله 😏 ياروح روحي.. وش تبي بالمكيف؟ لندن .. براد وغيم وابوك تاجر مالك شغل فينا .. تبّرد وكيّف حنا يبرد جونا .. (جح ساجر ) ماانته بحمل البهذله ياخفيف وانته دموعك يجرحن المحاجر الجو هذا فيه صعب التكيف وحنا لايمكن من بلدنا نهاجر ماجور ياللي ماانت قادر تصيف الجوع كافر فيك والفقر فاجر والوقت يضحك لك بضحكٍ مزيف ونفسه على ذبحك تحد الخناجر سوى سواةٍ فالنشاما تعيف يضرب بكفٍ صلب والصوت زاجر يالله يارب القوي والضعيف انك على صبرٍ صبرناه تأجر مخايلٍ ترعد وتبرق ياريف يامنشف الارياق بل الحناجر وسلامتكم مطر العتيبي |
الله
الله الله صح لسانك يامطر اشهد انك حبكتها لا حبكت ابوها لاعدمتك اهنيك على ابداعك المشرف لاهنت لك ودي |
يامرحبا ياحسين شهادتك وسام طال عمرك
صح بدنك ولاهنت :) |
مطر العازمي بيتين تستحق ان تتداوله الألسن لما بها من خفة ظل ومرح وايضا ( دقه قويه ) لجيب الشعب المسكين في صيفنا المرهق :) واكملتها بتمكن يجعل من مطلعها نافذة بديهية لنقد ساخر للواقع يشهده الجميع ابيات خفيفة وفي ذات الوقت غنية بتفاصيل تختبيء بذكاء خلف السطور مطر العازمي صح لسانك |
الله يهنيكم بجح ساجر
مطر انت فعلاً مطر ابدااااااع صح قلبك وكلك تقديررراتي :wardah: |
مالك شغل فينا .. تبّرد وكيّف
حنا يبرد جونا .. (جح ساجر ) صح السانك شاعرنا |
"وحنا لايمكن من بلدنا نهاجر"
؛ ؛ إستعراض خفيف ظل. ومناقشة أكثر من قضيه إجتماعية مع تحديد تباين الفروقات المبــرر. ويآرب سترك من " برق المخايل" ..تحيّاتيّ.. |
اقتباس:
صح بدنك اخت دارين والف شكر على مرورك الكريم وكلامك الراقي احترامي ياراقيه |
صح لسانك يا مطر والسنه ذي والله ما أظن حتى جح ساجر ينفع الله يكون في العون تحياتي لك |
اقتباس:
تحياااتي 🌹 |
ابيات ولا اروع
صح السانك مبدع تحياتي لك |
بيتين تبقى للهواويه طول
صح لسانك يالعازمي ابداع |
الله يصح لسانك شاعرنا
وتسلم على هـ الفاخره والأبدااع تقديري,’ |
اقتباس:
وهلابك |
اقتباس:
ارحب يابو احمد نورت المكان |
اقتباس:
مرحبا بك يابو صالح صح بدنك وكان الله بالعون :) |
، مطر العازمي صح لسانك ( أبداع ) من أول بيت لـ آخر بيت لله درك ، ولو عندي مزرعه في ساجر كان حملت لك جمس كامل وأرسلته لك بحكم الدعايه اللي في القصيده والأنتشار ومثل ماقلت والله البيتين جتني في جوالي قبل لا أقراها هنا ، ما أقول إلا لله درك وتقبل أعجابي ومحبتي ودمت بخير ، / |
ابدعت وامتعت
صح لسانك مدد لاهنت |
اقتباس:
صح بدنكصح وحياك اﻷه يالامير |
ماجور ياللي ماانت قادر تصيف
الجوع كافر فيك والفقر فاجر الله يجيرك من العثور :woow55: وصح لساااااااااااااااااااااااااااااااااانك تستحق المتابعه يالعازمى |
هذي فيها دعايه لجح ساجر يامطر :icon_mrgreen: والله انك من الشعار الي احرص على القرايه لهم ومتابعتهم من اول بيت الى اخر بيت قمة الابداع صح لساانك وسلمت يمناك تحياتي |
اقتباس:
|
| جميع الأوقات بتوقيت GMT +3. الساعة الآن 05:52 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية